फिलिप्पी 1:8 - डोटेली नयाँ करार

⁸ क्याकि परमेश्वर मेरा साक्षि छन कि कसेरी म येशू ख्रीष्टको प्रेमले तमन सबलाइ भेट्टया इच्छा अद्दउ।

फिलिप्पी 1:8 Iomraidhean Croise

लूका 1:78

हामरा परमेश्वरको कोमल कृपाका लाग्दा यो हुन्या हो, जसेरि सुर्यले हामलाइ उज्यालो दिनाइ चमकिन्छ, तसेरि ख्रीष्ट लगइ स्वर्ग बठेइ हामरा वाँ आउन्याहुन।

रोमी 1:9

म पुरा हृदयले उनरा चेलोको बारेमि मान्सनलाइ सुसमाचार प्रचारमि उनरो सेवा अद्दउ, रे परमेश्वर मेरा साक्षि छन कि म मेरा प्रार्थनामि तमनलाइ लगातार याद अद्दउ।

रोमी 9:1

म ख्रीष्टलाइ साक्षि माणिबर सत्य बोल्ला छु, पबित्र आत्मा रे मेरा बिबेकले लगइ यो गवाही दिन्छ कि यो झुटि होइन।

२ कोरिन्थी 13:9

क्याकि हाम कमजोर हुन्ज्या रे तमन बिश्वासमि बलिया हुन्ज्या हाम आनन्दित हुनाउ। हाम प्रार्थना अद्दाउ कि तमरा बिश्वासमि सिद्द हुनाइ जा।

२ कोरिन्थी 6:12

हामले तमनकीलाइ आफ्नो प्रेम लुकाया आथिन। बरु तमनले हामकिलाइ आफ्नो प्रेम लुकाया छौ।

२ कोरिन्थी 7:15

रे जब तीतसले तमन आज्ञाकारी भया कुरणिका बारेमि आजी सोच्चाहान, कि तमनले तिनलाइ कसेरी अधिनता रे ठुलो सम्मानसित स्वागत अर्याथ्यो, तब तिनले तमनलाइ झिक बरता प्रेम अददाहान।

गलाती 1:20

परमेश्वर मेरा साक्षि छन कि मइले तमनलाइ जो लेख्ग्या छु त्यो पुरा सत्य छ।

गलाती 3:26

जब तमनले ख्रीष्टका नाउँमि बप्तिस्मा लिया तब तमनले नयाँ लत्ता लाया जसेरि तमनले ख्रीष्टको स्वभाव धारण अर्या। तबइकिलाइ जब तमनले येशू ख्रीष्टलाइ बिश्वास अर्या तब तमन सब परमेश्वरका सन्तान भया।

गलाती 4:19

मेरा बालक हो, जसेरि एक स्वानिले बच्चा जन्माउन्ज्या पिडा महसुस अरन्छे, तसेरि म एक बेर आजी तमन कि निउति दुःख भोग्दाछु तमन ख्रीष्टमी परिपक्व नभया सम्म, म तसइ पीडामी हुन्या हु।

फिलिप्पी 2:1

क्याकि तमन ख्रीष्टका भया हुनाले उत्साहित भयाछौ, रे तमनले ख्रीष्टका प्रेम बठेइ सान्तोना पायाछौ, क्याकि पबित्र आत्मासित तमरो संगति छ, रे ख्रीष्ट तमनसित नम्र रे दयालु छन।

फिलिप्पी 2:26

क्याकि उनले तमन सबलाइ भेट्या भौत इच्छा अर्या छन, रे उन भौत चिन्तित होइरइछ, क्याकि तमनले उनरा बिरामिका हालत सुण्या थ्या।

फिलिप्पी 4:1

तबइकिलाइ मेरा प्यारा भाइन, म तमनलाइ भौत प्रेम अद्दउ, रे तमनलाइ भेट्या भौत इच्छा छ, तमन मेरा आनन्द रे मुकुट हउ। मेरा प्यारा, मइले तमनलाइ भण्या अनसार प्रभुमि तमरो बिश्वास बालियो होइरउ।

कलस्सी 2:1

तमनले यो जाण भण्न्या म चाहानौ कि कसेरी तमन रे लाउडिकिया सहरमि भया रे मसित भेट नभया सबका खातिर म कठोर परिश्रम अद्दउ।

कलस्सी 3:12

तबइकिलाइ जब बठेइ परमेश्वरले तमनलाइ उनरा परमेश्वरका मान्स हुनाइ चुन्यो, रे तमनलाइ प्रेम अर्यो, रे तमन करुणा, दया, दिनता, नम्रता रे धैर्य धारण अर।

१ थेसलोनिकि 2:5

तमनलाइ था छ कि हामले तमनलाइ निकी कुरणी अरिबर कभइ खुशी बनाउन्या कोशिस अरेइन, न त पैसा पाउनाइ हामले इसो अर्या। क्याकि हाम लोपि आथिन। परमेश्वर हामरा साक्षि छन कि हामले तसो ब्यबहार अरेइन।

१ थेसलोनिकि 2:8

तबइकिलाइ स्नेहसित तमरो चाहाना अरिबर हाम परमेश्वरको सुसमाचार मान्तर होइन, तर हामरो प्राण समेत तमनलाइ दिन तयार थ्या, क्याकि तमन हामरि निउति अति प्यारा भयाथ्या।

२ तिमोथी 1:4

मलाइ याद छ कि जब हामरो बिछोड भयाथ्यो तब तु कसेरी रोया थी, तुलाइ भेट्या मेरो भौत इच्छा छ, ताकि म भौत खुशी हुन सकु।

फिलेमोन 1:12

म ओनेसिमसलाइ तेरा वाँ फर्काइ पठाउन्नाछु, जइलाइ म मेरा हृदय बठेइ प्रेम अद्दउ।

फिलेमोन 1:20

मेरा प्यारा बिश्वासि भाइ, तु बठेइ प्रभुमि केइ फाइदा पाउ भण्न्या म चाहानउ। ख्रीष्टमी मेरा बिश्वासि भाइका रुपमि इसो अरिबर मलाइ उत्साह दिय।

१ यूहन्ना 3:17

कसइसित संसारको धन सम्पति छ, रे आफना और बिश्वासिन खाचोमी पण्या धेकिबरलइ सहयोग नअर्यो भण्या, परमेश्वरको प्रेमले कसेरी तइमि बास अरन्छ?