मर्कुस 16:1 - डोटेली नयाँ करार

¹ बसाइतिक बिश्राम दिन सकिया पछा, मरियम जो मग्दला गाउँकी थी, रे सलोमी रे मरियम जो नानो याकुब योसेफकि इजा थी, तिननले सुगन्धित तेल किन्यो, ताकी आइबर येशूको मर्या सरीरमि घस्न सकुन।

डोटेलि

¹ बिस्राम दिन बित्‍या पाछा मरियम मग्‍दलिनि, याकुबकि इजा मरियम रे सलोमिले बास आउन्‍या मलम इसुका लासमि घस्‍साइलाइ किन्‍यो।

मर्कुस 16:1 Iomraidhean Croise

मर्कुस 14:3

तइ समयमि येशू बेथानिया गाउँको सिमोनका घरमि थ्या, जइलाइ पइल्ली कोड रोग लाग्या थ्यो, येशू तइका घरमि खाना खानाइ बस्याथ्या। एक स्वानी तइ घरमि आइ। तइ स्वनीले एक सिसाको बोतल ल्याइबर आइ जइलाइ सिगमरमर भणिन्थ्यो। तइ बोतलमि अँत्तर भरिरइथ्यो। अँत्तर सुद्द जटामसिको तेलले बनाइराइथ्यो, रे तइको भाउ भौत महंगो थ्यो, रे तइ स्वानिले बोतलको मुखलाइ खोलिबर येशूलाइ सम्मान अद्दाइ निउति सब अत्तर उनरा मुन्टाइनि खण्याइ दियो।

मर्कुस 14:8

जी यो स्वानी अद्द सकन्थी, तइले सबहइ निको काम अरिराइछ। तइले मेरा सरीरमि तेल घस्साइ रे म मद्दा हइ पइल्ली मलाइ गाड्या तयारि अरि।

मर्कुस 15:40

भौत स्वानी मान्सन टाडा बठेइ हेद्दा थिन, तिन स्वानिनमि मरियम लगइ थिन जो मग्दला गाउँकी थी, रे सलोमी रे मरियम जो नानो याकुब योसेफकि इजा थी।

मर्कुस 15:42

बसाइतक योसेफ अरिमाथिया सहरको मान्स आयो। त्यो मान्स यहुदि सभाको इज्जतदार सदस्य थ्यो, जो परमेश्वरको राज्यको परखाइमी थ्यो। त्यो तयारीको दिन थ्यो, तइले, साहससित पिलातस हाकिमका वाँ गइबर येशूको मर्या शरीर माग्यो ताकि तिनले येशूको मर्या शरीर गाडड सकुन।

मर्कुस 15:47

रे मरियम जो मग्दला गाउँकी थी, रे मरियम जो योसेफकि इजा थिन, येशूको मर्या शरीरलाइ काँ गाड्ड लाग्या छन भणि हेद्दाथ्या।

मर्कुस 16:2

हप्ताको पइलो दिनमि बिहानइ घाम झुलक्नजेइ तिन स्वानिन येशूलाइ राख्या ओडारमी आइन।

मर्कुस 16:8

पछा तिननले तइ कुरणी सुणिबर ओडार बठेइ बाइर आया रे भाग्या, क्याकि तिनन डर माणिबर लुगलुग काम्मदाथ्या। बाटामि, तिननले कसइ कि केइ भणेइन क्याकि तिनन डराइरइथ्या।

लूका 23:54

त्यो तयारीको दिन थ्यो, रे बिश्राम दिन सुरु हुन्नाथ्यो।

लूका 23:56

तब तिनन आफना घर फर्किया रे तिननले सुगन्धित मसला रे अँत्तर येशूका सरीरमि लाउनाइ तयार अर्यो। रे मोशाको कानुन अन्सार बिश्राम दिनमि तिननले आराम अर्यो।

लूका 24:1

हप्ताको पइलो दिन परभातइ तिन स्वानिनले तयार अर्या सुगन्धित द्रब्य लैजाइबर तिन चिहान आइन।

यूहन्नाले लेख्या सुसमाचार 19:25

येशूलाइ क्रुसको नजिकै उनरि इजासित इजाकी बैनि, क्लोपासकि स्वानी मरियम रे मग्दला गाउँकी मरियम कल्लियइ थिन।

यूहन्नाले लेख्या सुसमाचार 19:31

त्यो दिन तयारीको दिन थ्यो, रे अर्खा दिन बिश्राम दिन रे निस्तार काजबार थ्यो। त्यो यहुदि मान्सनको निउति दिन ठुलो दिन थ्यो, तिनन चाहान्थेइन कि त्यो ठुलो दिनमि लास क्रुसमि रइरउ। तबइकिलाइ तिननले पिलातस हाकिमलाइ भण्यो कि तिन मान्सनको खुट्टा तोडीदेउ ताकि तिनरो मृत्यु छिटाइ हउ रे तिनरा लास तल्तिर लैजाउन।