लूका 7:13 - डोटेली नयाँ करार

¹³ जब प्रभुले तइलाइ धेक्यो, तब उनले दयाले भारिबर भण्यो, “जनरोइ।”

डोटेलि

¹³ बिधुवाको दुख धेकिबर प्रभुको ह्रिदय खातिले भरियो रे उनुले तिनलाइ भुन्‍यो, “जनरोउ।”

लूका 7:13 Iomraidhean Croise

मर्कुस 8:2

“यइ भीडकि म खाँति माण्नउ, क्याकि यिन मसित रया आज तीन दिन होइय्यो, रे आब यिनसित खानाइ केइ बचेइन।

लूका 10:1

यइ पछा प्रभु येशूले और सत्तरि जाना शिष्यालाइ नियुक्त अर्यो, रे जइ ठाउँ जान्या योजना उनले बनायो ताँ हरेक सहर रे गाउँमी आफ जाना हइ पइल्ली तिननलाइ दुइ-दुइ जाना अरिबर पठायो।

लूका 11:1

येशू कसइ एक ठाउँमि प्रार्थना अद्दाथ्या। उनले प्रार्थना अरिसक्या पछा शिष्यामि हइ एक जनाले उनलाइ भण्यो, “हे प्रभु, यूहन्नाले आफना शिष्यालाइ सिकाया जसो हामलाइ लगइ प्रार्थना अद्द सिका।”

लूका 11:39

तर प्रभुले तइलाइ भण्यो, तम फरिसि मान्सनको समुह कटौरा रे थालको बाइर मान्तर माजन्छौ, तर तमरो भितर लुट रे दुष्टताइले भरिया हुन्छ।

लूका 12:42

प्रभुले भण्यो, “त्यो बिश्वासि रे बुद्दिमानि दास को हो, जइलाइ तइका मालिकले आफना परिवारलाइ ठीक समयमि तिनरा भाग पड्या खानाइ दिनाइलाइ खटाउन्या हुन?”

लूका 13:15

तर प्रभु येशूले जबाफ दियो, “कपटि हो! तमनमि हइ कइले बिश्राम दिनमि गोठ रे तबेला बठेइ आफना बल्ल कि गधा फुकाइबर पानी ख्वाउन लइनानु?

लूका 17:5

छान्या शिष्याले प्रभु येशूलाइ भण्यो, “हामरो बिश्वास बलियो बनाइ दिय।”

लूका 17:6

पइ प्रभुले भण्यो, “यदि कसइले आफना हृदयमि संका नअरिबर आफले भण्या कुरणी परमेश्वरले पुरा अद्दया हुन भणि बिश्वास अरिबर यइ किमुको रुखलाइ उखेलिबर तु समुद्रइनि झड भण्यो भण्या, तइले माण्न्या हो।”

लूका 18:6

प्रभु येशूले भण्यो, “सुण, त्यो अधर्मि न्यायधिशले कि भणन्छ तइका बारेमि ध्यानले सोच।

लूका 19:8

जखायसले खाना खान्ज्या कलिबर प्रभु येशूलाइ भण्यो, “प्रभु, हेर, म आफना सम्पतिको आधा भाग गरिबलाइ दिन्या हु, रे कोइ बठेइ अन्याय अरिबर कर लैजाइराइछु भण्या म तइको चार गुणा फिर्ता अरिदिन्या हुन।”

लूका 22:61

तइ पछा येशूले फर्किबर पत्रुसलाइ हेर्यो। “आज दुइ बेर भाल्या बास्सा हइ पइल्ली तीन बेर सम्म तु मलाइ इन्कार अद्देहइ” भणि भण्या प्रभुको बचन पत्रुसलाइ याद आयो।

लूका 24:3

तर भितर पसन्ज्या तिननले प्रभु येशूको शरीर पाएइन।

लूका 24:34

रे तिननलाइ यिसो भण्यो, “प्रभु साँच्चि जिउना भइ उठिरइछन रे सिमोन पत्रुसका वाँ धेकिया।”

लूका 7:12

जब येशू गाउँका ढोका नजिकइ पुगिरइथ्या, ताँ एक बिधवाको एकइ मान्तर चेलाको लास लैजान्नाथ्या। गाउँको भौत ठुलो भिड बिधवासित थ्यो।

लूका 7:14

पछा नजिक गइबर काट्टोलाइ छोयो, रे बोक्द्यावाला रोकिया। उनले भण्यो, “ए केटा, म तुलाइ भण्नउ, उठ।”

लूका 7:19

आफना शिष्यामि हइ दुइ जानालाइ यूहन्नाले प्रभुका वाँ यो सोद्दाइ पठायो, “जो आउन्याहुन, कि तम उनै हउ? कि हाम कसइको बाटो हेद्दाउ?”

लूका 8:52

सब जाना रुन्नारया रे बिलौना अद्दाथ्या, तर उनले भण्यो, “जन रोउ, उ मरेइ आथिन, तर सीरइछ।”

यूहन्नाले लेख्या सुसमाचार 11:2

प्रभुलाइ अँत्तर लाइबर उनरा खुट्टा आफना रौंले पुछि दिनेइ मरियम यिइन थिन। इसइको भाइ लाजरस बिमारी थ्यो।

यूहन्नाले लेख्या सुसमाचार 11:3

यिन दुएइ दिदिले येशूका वाँ यिसो भणबर खबर पठायो, “प्रभु, जइलाइ तम प्रेम अरन्छौ, त्यो बिमार होइरइछ।”

यूहन्नाले लेख्या सुसमाचार 20:13

रे उननले तिनलाइ भण्यो, “हे नारी तु क्याइ रुन्छेइ?” तिनले उलाइ भण्यो, “तिननले मेरा प्रभु येशूको लासलाइ लैया छन रे काँ राख्या छ म जाण्नैन।”

यूहन्नाले लेख्या सुसमाचार 20:15

येशूले तिनलाइ भण्यो, “हे नारी तु क्याकि रुन्छेइ? कै खोज्जाछेइ?” उइले तिनलाइ मालि हुन भणि सुचिबर उनलाइ भण्यो, “हजुर तमले येशूको लासलाइ या बठेइ लैजाइराइछ भण्या, मलाइ भणिदिय काँ राख्याछौ म वाँइ बठेइ उनलाइ लैजानउ।”

यूहन्नाले लेख्या सुसमाचार 4:1

यूहन्नाले भण्ना येशूले भौत शिष्य बनाउन्ना छन रे बप्तिस्मा लगइ दिन्ना छन भण्न्या फरिसि मान्सनको समुहले सुण्यो।

यूहन्नाले लेख्या सुसमाचार 6:23

पइलगइ जाँ येशूले धन्यबाद दिबर रोटा ख्वायाथ्यो तसइ ठाउका नजिक तिवेरिया सहर बठेइ और ना ताँ आया।

१ कोरिन्थी 7:30

सोक अद्द्या मान्सनले, अथवा खुशी हुन्या मान्सनले, अथवा आफनी निउति सामान किन्नया मान्सनले यिन सब कुरणिका बारेमि चिन्ता माण्नु पड्डइन।

१ थेसलोनिकि 4:13

बिश्वासि भाइन हो, जो पइल्ली मरिसक्या छन तिन बिश्वासिनलाइ कि हुन्या हो तइ बिसयमि हाम तमनले जाण्याको चाहानाउ अददाउ, रे तमनले आसा नहुन्या मान्सनकि जसेरि सोक अद्दु पड्डइन।

हिब्रु 2:17

तबइकिलाइ हरेक कुरणीमि उन आफ्नाइ भाइन जसाइ बन्नु पड्यो, इसेरि उन परमेश्वरका दयालु रे भरपड्डया यहुदि प्रधान पुजारि बन्या। ताकि उनरो बलिदान बठेइ मान्सले आफना पाप बठेइ क्षमा पाउन सकुन।

हिब्रु 4:15

क्याकि हामरा यहुदि प्रधान पुजारिले पक्‍कालगइ हामरो कमजोरीमी हामसित सहानुभुति धेकाउनाहान। रे हाम जसाइ येशू सब कुरणीमि परिक्षित भया, तर उनले केइ पाप अरेइन।