लूका 23:5 - डोटेली नयाँ करार

⁵ तर तिननले बडा जोर दिबर भण्यो, “उन यहुदिया जिल्लाका सब मान्सनका बिचमि आफ्नो शिक्षा बठेइ दङगाका कारण भया छन। उनले गालील जिल्लामि दङगा सुरु अर्यो रे आब याँ आया छन।”

डोटेलि

⁵ रे तिनुनले खुब जोड दिबर भुन्‍यो, “यइले सारा यहुदिया, रे गालिलबटहइ यइ ठउँरसम्‍म सिछ्‌या दिनोइ मान्‍सनलाइ भड्‌काउन्‍ना छ।”

लूका 23:5 Iomraidhean Croise

मत्ती 11:1

आफना बारइ शिष्यालाइ आदेस दिइसक्या पछा येशू ताँ बठेइ गालील जिल्लाका गाउँमी सिकाउनाइ रे सुसमाचार प्रचार अद्दाइ गया।

मत्ती 2:1

जब हेरोद राजा यहुदिया जिल्लामि सासन अद्दाथ्या, तब तइ जिल्लाको बेतलेहेम गाउँमी येशू जन्म्या। पुर्व बठेइ बुद्दिमान मान्सन जइले ताराको बारेमि पढाइ अरनथ्या, तिनन यरुशलेम सहरमि पुग्या रे तिननले मान्सनलाइ सोध्यो,

मत्ती 27:24

पइ पछा केइ सिप नलाग्या धेकिबर खैलाबैला मच्चिन्छ भण्न्या डरले पिलातस हाकिमले पानी ल्याइबर भिडका अगाडीतिर आफ्ना हात धोइबर भण्यो, “यो तमरो दोस हो! म येइ मान्सका रगत बठेइ निर्दोष छु”।

मत्ती 4:23

तइ पछा येशू तिनरा यहुदि सभाघरमी सिकाउनाइ, परमेश्वरको राज्यको सुसमाचार सुणाउनाइ, रे मान्सनमि लाग्या सब किसिमका रोग रे दुर्बलता निका बनाउनाइ सारा गालील जिल्ला भरि घुम्या।

मर्कुस 1:14

केइ दिन पछा, जब यूहन्नालाइ पकडीबर झेलमि हाल्यो, तइ पछा येशू गालील जिल्लामि गाया रे मान्सनका बिचमि परमेश्वरको सुसमाचार प्रचार अर्यो।

लूका 11:53

जब उन ताँ बठेइ निकल्या, तब मोशाको कानुन सिकाउन्यावाला रे फरिसि मान्सनको समुहले उनरो घोर बिरोध अद्दाइ भौत बिसयमि उनलाइ प्रश्न अद्द पस्या,

लूका 23:23

तर तिननले झिक कला हालिबर “तइलाइ क्रुसमि मारीदिय।” भण्न्या माग अद्द लाग्या। तिनरो कला हाल्या सफल भयो।

लूका 23:6

तर पिलातस हाकिमले यो सुणिबर सोध्यो, “यो मान्स गालील जिल्लाको हो कि।”

यूहन्नाले लेख्या सुसमाचार 1:43

भोलिबार उनले गालील जिल्लामि जान्या पक्‍का अर्यो, रे फिलिपलाइ भेटाइबर येशूले तइलाइ भण्यो, “शिष्य हुनाइलाइ मेरा पछा लाग”।

यूहन्नाले लेख्या सुसमाचार 19:15

रे तिननले आजी कला हालिबर भण्न पस्या, “तइलाइ क्रुसमि मारीदिउ। तइलाइ क्रुसमि मारीदिउ।” तब पिलातस हाकिमले भण्यो, “तमरा राजालाइ क्रुसमि मारीदिउ?” पइ यहुदि मुख्य पुजारिले जबाफ दियो, “सम्राट बाहेक हामरो और कोइ राजा आथिन।”

यूहन्नाले लेख्या सुसमाचार 2:11

उनरा चिन्हमि हइ यो पइलो चिन्ह गालील जिल्लाको काना गाउँमी अरिराइथ्यो। यिसेरी उनले आफ्नो महिमा धेकायो, पइ येशूका शिष्याले उनमी बिश्वास अर्यो।

यूहन्नाले लेख्या सुसमाचार 7:41

औरले भण्यो, “यिन ख्रीष्ट हुन।” तर कसइ-कसइले भण्यो, “कि ख्रीष्ट गालील जिल्ला बठेइ आउनाहान ब?

यूहन्नाले लेख्या सुसमाचार 7:52

तिननले मजाक अरिबर उनलाइ भण्यो, “तु लगइ गालील जिल्ला बठेइ हुनु पणन्छ। पबित्र सास्त्र खोजीबर हेर, रे तु था पाउन्या हइ, कि गालील जिल्ला बठेइ अगमबक्ता निकल्लइन।”

प्रेरित 10:37

तमनलाइ थाइछ, यूहन्नाले प्रचार अर्याको बप्तिस्मा पछा त्यो बचन गालील जिल्ला बठेइ सुरु अरिबर सारा यहुदिया जिल्ला भरि प्रचार भयो।

प्रेरित 23:10

ताँ ठुलो वाद-बिबाद भया पछा सभामी भया मान्सनका हात बठेइ पावल लुछालुछ पाडिन्या हुन भण्न्या डरले रोम सहरका हाकिमले सिपाइनलाइ तल्तिर जाइबर तिनलाइ उनरा बिचइनि जबरजस्ती लेइबर सिपाइन बस्या ठाउँ भितर लैजा भणि आज्ञा दियो।

प्रेरित 5:33

जब सभाका सब मान्सनले यो सुण्यो तब उन भौत रिसाया, रे येशू ख्रीष्टका छान्या शिष्यालाइ माद्दाइ खोज्यो।

प्रेरित 7:54

पइ स्तिफनसको कुरणी सुणिबर यहुदि अगुवान रिसाया रे तिननले तिनसित दात किरोण्यो।

प्रेरित 7:57

तिननले ठुला सोरले कला हालिबर भण्यो, हाम तेरा कुरणी सुण्न चाहानाइन, क्याकि तिननले यो परमेश्वरको बेज्जत माणन्थ्या। तबइकिलाइ एकहठ्ठा भइबर उनमी जाइ लाग्या।