लूका 23:2 - डोटेली नयाँ करार

² तिननले उनलाइ इसो भणबर दोस लाउन पस्या, “यइ मान्सले हामरा मान्सनलाइ रोमी सरकारका बिरुद्दमि बहकाउन्नारया हामले भेट्या। यइले सम्राटलाइ कर तिद्द बठेइ हामलाइ रोकन्छ, आफइलाइ ‘म ख्रीष्ट, एक राजा हु’ भणि भणन्छ।”

डोटेलि

² तिनुनले उनलाइ यसो भन्‍या दोस लाउन लाग्‍या, “यइ मान्‍सले मु मुक्‍ति दिन्‍या राजा ख्रिस्‍ट हुँ भणन्‍छ। रे रोमि माहाराजालाइ कर तिद्‍दुपड्‍इन्‌ भनिबर हामरा देसका मान्‍सनलाइ भड्‌काउन्‍नारया हामले भेट्‍या।”

लूका 23:2 Iomraidhean Croise

मत्ती 17:27

पइलगइ कर उठाउन्यालाइ हामले ठेस नदिउ भणि तमन समुद्रमि जाइबर बल्छि हाण रे पइल्ली पणयाको माछा ल्यास। पइ तइको मुख खोलनज्या एक पैसा मिललो रे तसइ लइजाइबर तमरि रे मेरा निउति कर उठाउन्यालाइ दि दिय।

मत्ती 22:21

तिननले उनलाइ भण्यो, सम्राटको। तब उनले तिननलाइ भण्यो, तबइकिलाइ जी सम्राटका हुन, सम्राटलाइ दिय, रे जी परमेश्वरका हुन, परमेश्वरलाइ दिय।

मत्ती 27:11

येशू हाकिमका अगाडी कल्लिया रे तिनले येशूलाइ सोध्यो, “कि तम यहुदिका राजा हौ?” येशूले जबाफ दियो, “जसो तम भण्नाछौ तसोइ हो।”

मर्कुस 12:17

तब येशूले तिननलाइ भण्यो, “सम्राटका चिज सम्राटलाइ दिय, रे परमेश्वरका चिज परमेश्वरलाइ।” रे तिननले त्यो कुरणी सुणिबर अचम्म माण्यो।

मर्कुस 15:2

पिलातस हाकिमले येशूलाइ सोध्यो, “कि तम यहुदिका राजा हउ?” येशूले जबाफ दियो, “जसो तम भण्नाछौ तसोइ हो।”

लूका 23:14

उनले तिननलाइ भण्यो, “तमनले यइ मान्सलाइ लेया रे भण्या कि उनले मान्सनलाइ दङगा अद्दाइलाइ भड्काया छ। रे हेर, मइले तमरा सामने उनलाइ केरकार अर्या छु, तर जइ कुरणीको दोस तमनले उनलाइ लाउनाछौ, तइ कुरणिका बारेमि मइले उनमी केइ दोस भेटेइन।

लूका 23:5

तर तिननले बडा जोर दिबर भण्यो, “उन यहुदिया जिल्लाका सब मान्सनका बिचमि आफ्नो शिक्षा बठेइ दङगाका कारण भया छन। उनले गालील जिल्लामि दङगा सुरु अर्यो रे आब याँ आया छन।”

यूहन्नाले लेख्या सुसमाचार 18:29

पिलातस हाकिमले बाइर तिनरा वाँ जाइबर भण्यो, “येइ मान्सका बिरोधमी तमन कि आरोप लाउछौ?”

यूहन्नाले लेख्या सुसमाचार 18:30

तिननले जबाफ दियो, “उ कुकर्मि नभया भएले हाम तमरा वाँ खाली क्याइ ल्याउनेइथ्या रे?”

यूहन्नाले लेख्या सुसमाचार 19:12

यो सुणिबर पिलातस हाकिमले उनलाइ छाडि दिन्या बड्ता कोशिस अर्यो। तर यहुदिले यिसो भण्नाइ कला हाल्ल पस्या, “यदि तमले यइ मान्सलाइ छाडिदिया भण्या तम सम्राटका मित्तुर हुन्या होनु। आफइलाइ राजा हु भणि दाबि अद्द्या सब सम्राटका बिरोधमी खडा हुन्छ।”

प्रेरित 24:13

न त मलाइ अइल दोस लाउन्नारया कुरणीको यिननले प्रमाण दिन सक्दाहान।

प्रेरित 24:5

क्याकि हामले यइ मान्सलाइ जाँइ ताँइ दु:ख दिइबर हिट्या, संसार भरिका जम्माइ यहुदि मान्सनका बिचइनि हुलदङ्गा मचाउन्या, रे नासरी दलका मुख्य अगुवाको रुपमि भेटिराइछौ।

रोमी 13:7

तबइकिलाइ सासकलाइ तिद्दु पड्ड्या कर तिनन हरेकलाइ तिर: कर तिद्दु पड्ड्यालाइ कर, महसुल तिद्दु पड्ड्यालाइ महसुल, आदर अद्दु पड्ड्यालाइ आदर रे इज्जत अद्दु पड्ड्यालाइ इज्जत अर।