लूका 21:4 - डोटेली नयाँ करार

⁴ क्याकि यिन सबले आफनो-आफ्नो प्रसस्तको धन सम्पति जो बढ़ी भया बठेइ केइ भेटी चडाइराइछ, तर यइले त आफ्नो दरिद्रता बठेइ आफना सारा जिबित रना निउति जी लगइ थ्यो त्यो सब भेटी चडायो।”

डोटेलि

⁴ क्‍यालाइकि यिनुन सप्‍पइले आफना बर्ता बटहइ भेटि चढाया छ, रे यइले आफु गरिब होइबर लइ आफनो सारा जिबन चलाउन्‍या खर्च चडायो।”

लूका 21:4 Iomraidhean Croise

मर्कुस 12:44

क्याकि सबले आफना प्रसस्तको धन सम्पति बठेइ केइ भेटी चडायो, तर यइ बिधवा आइमाइले चाइ आफना दरिद्रता बठेइ आफ जिबित रनाइ निउति जी लगइ थ्यो त्यो सब भेटी चडायो।”

लूका 15:12

कान्छा चेलाले बालाइ भण्यो, ‘बा, मेरा भाग पड्या धन-सम्पत्तिको हिस्सा मलाइ अइलइ दिय।’ तब बाले आफ्नो सम्पत्ति दुइ चेलालाइ बाँडिदियो।

लूका 21:3

तब उनले भण्यो, “साँच्चि म तमलाइ भण्नउ, मन्दिरका भेटी-पात्रमि चडाउन्यामि हइ यइ गरिब बिधवाले और सब भण्ना बड्ताइ चडाइराइछ।

लूका 8:43

एक स्वानी थी जइलाइ बार बर्ष बठेइ रगत बग्द्दया रोग थ्यो, जइलाइ कसइले लगइ निको पाड्ड सक्या थेइन,

प्रेरित 4:34

तिननमि हइ कसइलाइ केइ कुरणीको खाँचो पण्थेइन, क्याकि जति जाना जग्गा जमिन रे घरका मालिक थ्या, तिननले तिन बेचिबर तइको रुप्या ल्याउथ्या,

२ कोरिन्थी 8:12

क्याकि यदि तमन और मान्सनलाइ दान दिन चाहन्छौ भण्या तमनसित भया अनसारको दानइ ग्रहणयोग्य हुन्छ, नभया ए अनसार होइन।