लूका 13:34 - डोटेली नयाँ करार

³⁴ “ए यरुशलेम सहरका मान्सन हो, भौत पइल्ली बस्स्या तमनले अगमबक्तालाइ मार्याछौ, रे तिनन मान्सनलाइ ढुंङाले हाण्या छौ जइलाइ तमरा वाँ पठायाथ्यो। जसेरि पोथीले आफना चल्लालाइ आफना पखेट्टा तल्तिर बटुलन्छ, तसेरि कति बेर मइले तेरा बच्चालाइ बचाउन्या मन अर्या, तर तुइले माणिनि।

डोटेलि

³⁴ “यरुसलेम, ए यरुसलेम, तु अगमबक्‍तानलाइ माद्‌या छइ, रे तेरा वाँ पठाइयानलाइ ढुङगा बर्साउन्‍या छइ! जसेरि पोथिले आफना चल्‍लालाइ प्‍वाखमणि बटुलन्‍छ तसेरि मुइले भउतबेर तेरा बालखनलाइ बटुल्‍या इच्‍छा अर्‍या, रे तुइले माणिनि।

लूका 13:34 Iomraidhean Croise

मत्ती 22:3

रे भोजमि निउतारुलाइ बोलाउनाइ आफना नौकर पठायो, तर तिननले आउनाइ मन अरेइन।”

मत्ती 22:6

औरले तइका नौकरलाइ समाइबर तिननसित दुर्ब्यहार अर्यो रे तिननलाइ मारिदियो।

लूका 15:28

तर जेठो चेलो रिसायो, रे घर भितर जानाइ माणेइन, रे तब तइका बा बाइर आइबर तइलाइ घर भितर आउनाइलाइ बिन्ति अर्यो।

लूका 19:44

तमनका सत्तुरले तमनलाइ पुरा रितिले नास अद्द्या हुन तमरा मान्सनलाइ सहरका जमिनमी मद्द्या हुन। रे एक ढुङामि अर्खो ढुङा रन्या आथिन। क्याकि तुइले त्यो समय पछेण्न सकिनी जब परमेश्वर तुलाइ बचाउनाइ आयाथ्या।

लूका 23:28

तर तिनन तिर फर्किबर येशूले भण्यो, “यरुशलेम सहरका आइमाइ हो, मेरा निउति जन रो, तर हुन लाग्या कुरणिका बारेमि तमन आफना निउति रे आफ्ना चेला चेलिकी निउति रो।

प्रेरित 7:52

तमरा पुर्खाले सबइ अगमबक्तालाइ सतायो। तिननले तइ अगमबक्तालाइ लगइ मार्यो जइले ख्रीष्ट जो धार्मि छन तिन आउन्याहुन भणि भविष्यवाणी अर्याथ्यो। रे जब ख्रीष्ट आया, तब तमनले उनलाइ धोका दिइबर उनलाइ मार्या।

प्रेरित 7:59

जब तिननले स्तिफनसलाइ ढुंगाले हाण्न्नाथ्या, तब तिनले प्रार्थना अर्यो, “हे प्रभु येशू मेरो आत्मालाइ लिय।”

प्रेरित 8:1

स्तिफानसका हत्यामि शाउल लगइ सहमत थ्या। तसइ दिन यरुशलेम सहरमि भया मण्डलिका बिरोधमी ठुलो सतावट सुरु भयो, रे येशू ख्रीष्टका छान्या शिष्या बाहेक तिनन सब यहुदिया जिल्ला रे सामरिया जिल्लातिर छरिया।

प्रकाश 11:8

तिनन दुइ साक्षिलाइ मार्या पछा, तिनरा लास ताँको ठुलो यरुशलेम सहरको सडकमि राखिया अवस्थामी छाडिन्या हो, जइ सहरको सांकेतिक रुपमि सदोम सहर रे मिश्र देस भणिन्छ। जाँ तिनरा प्रभु क्रुसमि टाङिया हुन।