यूहन्नाले लेख्या सुसमाचार 17:12 - डोटेली नयाँ करार

¹² जबसम्म म तिननसित थ्या, तमले मलाइ दिया तमरा नाउँमि तिननलाइ सुरक्षित राख्या रे तिनरो रक्षा अर्या। पइ तिननमि हइ जो मान्स हराया थ्यो। तइ बाहिक और कोइ नष्ट भएइन, ताकि पबित्र सास्त्रमि लेखिया कुरणी पुरा हौ।

यूहन्नाले लेख्या सुसमाचार 17:12 Iomraidhean Croise

यूहन्नाले लेख्या सुसमाचार 13:18

“मइले तमन सबका बिसयमि भण्या होइन, जइलाइ मइले चुन्या तिननलाइ म जानउ। तर यिन कुरणी यइ उइले भइरइछ कि पबित्र सास्त्रमि जी लेखिया छ त्यो पुरा होउ, ‘जइले मसित रोटी खान्छ उसइले मलाइ धोका दिन्या हो।’

यूहन्नाले लेख्या सुसमाचार 17:6

संसार बठेइ जो मान्सन तमले मलाइ दिया, तिननलाइ तमरो नाउँ मइले चिनाइ दिइराइछु। तिन तमरा थ्या, रे तमले तिन मलाइ दिया, रे तिननले तमरो शिक्षा पालना अर्या छ।

यूहन्नाले लेख्या सुसमाचार 18:9

“हे पिता तमनले मलाइ कतिजना दिया मइले तिननमि हइ कसइलाइ लगइ हराएन” भणि येशूले पइल्ली लगइ भण्याको कुरणी पुरा होउ भणि इसो भयो।

यूहन्नाले लेख्या सुसमाचार 6:37

पिताले मलाइ जति जाना दिनाहान तिन सब मेरा वाँ आउनाहान, जो मेरा वाँ आउनाहान उनलाइ म कसइ रितिले इन्कार अद्द्या आथिन।

प्रेरित 1:25

रे त्यो यइ सेवा रे येशू ख्रीष्टले छान्या शिष्याको काममी लाग्द सकउ, जइ सेवा बठेइ यहूदाले तइ ठाउँ छाडयो, उ मर्यो रे तइ ठाउँमि गयो जाँ जानाइ उ योग्य छ।”

फिलिप्पी 2:9

तबइकिलाइ परमेश्वरले उनलाइ उच्च पदमी राखिदियो, उनलाइ त्यो नाउँ दियो जो हरेक नाउँ भण्ना उच्च छ।

२ थेसलोनिकि 2:3

मान्सनले तमनलाइ प्रभुको फर्कि आउन्या दिनका बारेमि भण्या कुरणीमि कभइ बिश्वास जन अर। क्याकि प्रभु येशू फर्कि आउना हइ पइल्ली इसो समय हुन्या हो जब भौत मान्सनले परमेश्वरको बिरुद्दमि बिद्रोह अद्या हुन, रे त्यो दुष्ट मान्स धेकिन्या हो जइलाइ परमेश्वरले पक्‍का नरकमि नासअद्या हुन।

हिब्रु 2:13

रे आजी उन भण्नाहान, म उनमी मेरो भरोसा राख्द्या हु, रे आजी उन भण्नाहान, म परमेश्वरले मलाइ दिया मान्सनका वाँ छु, यिन मेरा चेलाचेली जसाइ हुन।

१ यूहन्ना 2:19

ख्रीष्ट बिरोधी मान्सन हामरा मण्डलि बठेइ निकलिबर गया हुन, क्याकि तिनन हामरा थेइन्न। यदि तिनन हाम जसाइ साचो बिश्वासि भया भयले हामसितइ रनेइथ्या, तर तिनन सब हामरा होइन्न भण्न्या कुरणी धेकाउनाइ तिनन हामरा मण्डलि बठेइ निकलिबर गया हुन।

प्रकाश 19:12

उनरा आँखा आगाका झिल्का जसा थ्या, रे उनले भौत मुकुट लाइराइथ्यो। उनमी एक नाउँ छाप लागिरइथ्यो, तइ नाउँको अर्थ उनलाइ मान्तर थाथ्यो।