यूहन्नाले लेख्या सुसमाचार 13:18 - डोटेली नयाँ करार

¹⁸ “मइले तमन सबका बिसयमि भण्या होइन, जइलाइ मइले चुन्या तिननलाइ म जानउ। तर यिन कुरणी यइ उइले भइरइछ कि पबित्र सास्त्रमि जी लेखिया छ त्यो पुरा होउ, ‘जइले मसित रोटी खान्छ उसइले मलाइ धोका दिन्या हो।’

यूहन्नाले लेख्या सुसमाचार 13:18 Iomraidhean Croise

मत्ती 10:36

मान्सका सत्तुर उइको आफना परिबार भितरइका हुन्या हुन।

मत्ती 26:21

उन सब खान्नार्या बेला उनले भण्यो, “साँच्चि, म तमनलाइ भणनउ कि तम जो मसित खानाइ खान्नाछौ, तम मध्ये एकले मलाइ दुसमनका वाँ पकडाउनालाइ सहयोग अद्द्या हो।”

मत्ती 26:23

पइ उनले भण्यो, “जइ मान्सले मसित आफ्नो रोटी हमरो थालमि चोपिराइछ, तइले मलाइ पकडाइ दिन्या हो।

मर्कुस 14:17

पइ बसाइतिक भयो, येशू आफ्ना बारै जना शिष्यासित तइ घरमि आया।

मर्कुस 14:18

जब उन बसिबर खाना खान्या बेला येशूले भण्यो, “साँच्चि, म तमनलाइ भणनउ कि तम जो मसित खानाइ खान्नाछौ, तम मध्ये एकले मलाइ दुसमनका वाँ पकडाउनालाइ सहयोग अद्द्या हो।”

मर्कुस 14:20

येशूले जबाफ दियो, “त्यो बार शिष्यमि हइ एक हो जइ मान्सले मसित आफ्नो रोटो हमरो थालमि चोपिराइछ।”

लूका 22:21

तर हेर, जइ मान्सले मसित आफ्नो रोटो हामरा थालमि चोपिराइछ,

यूहन्नाले लेख्या सुसमाचार 13:21

जब येशूले यिन कुरणी भण्यो तब उन आत्मामी ब्याकुल भया रे आफ्ना शिष्यालाइ भण्यो, “साँच्चि, म तमनलाइ भण्नउ कि तम जो मसित खानाइ खान्नाछौ, तम मध्ये एकले मलाइ दुसमनका वाँ पकडाउनालाइ सहयोग अद्द्या हो।”

यूहन्नाले लेख्या सुसमाचार 13:22

पइ उनले कइका बिसयमि भण्या हो भणबर शिष्याले एक अर्खालाइ मुख तकातक अर्यो।

यूहन्नाले लेख्या सुसमाचार 13:26

येशूले जबाफ दियो, “जइ मान्सलाइ मसित आफ्नो रोटो हामरा थालिको चट्निमि चोपिबर दिनउ।” त्यो उइ हो पइ उनले रोटिको बुजो सिमोनको चेला यहूदा इस्करियोतलाइ दियो।

यूहन्नाले लेख्या सुसमाचार 15:16

तमनले मलाइ चुन्यानु, तर मइले तमनलाइ चुन्या रे तमनलाइ नियुक्त अर्या, ताकि तमन जा रे फल फला रे तमरो फल रइ रओस। तबइकिलाइ तमनले पितालाइ मेरा नाउँमि जी मागला त्यो उनले तमनलाइ दिन्या हुन। क्याकि तमन मेरा शिष्या हौ।

यूहन्नाले लेख्या सुसमाचार 15:19

तमन येइ संसारका मान्सन भया भयले संसारका मान्सनले तमनलाइ प्रेम अद्देइथ्यो। तमन येइ संसारका होइनौ। मइले तमनलाइ येइ संसार बठेइ चुन्या, तबइकिलाइ संसारका मान्सनले तमनलाइ घृणा अरन्छ।

यूहन्नाले लेख्या सुसमाचार 15:25

तर तिनन काइ पबित्र सास्त्रमि लेखिरइछ ‘तिननले मलाइ बिनाकारण घृणा अर्यो।’ भणन्या बचन पुरा होउ भणबर यो भया हो।

यूहन्नाले लेख्या सुसमाचार 17:12

जबसम्म म तिननसित थ्या, तमले मलाइ दिया तमरा नाउँमि तिननलाइ सुरक्षित राख्या रे तिनरो रक्षा अर्या। पइ तिननमि हइ जो मान्स हराया थ्यो। तइ बाहिक और कोइ नष्ट भएइन, ताकि पबित्र सास्त्रमि लेखिया कुरणी पुरा हौ।

यूहन्नाले लेख्या सुसमाचार 18:32

आफ कसेरी मद्द पड्या हो भणि तइको संकेत अरिबर येशूले भण्या बचन पुरा होउ भणबर इसो हुन्नाथ्यो।

यूहन्नाले लेख्या सुसमाचार 19:24

त्यो धेकबर सिपाइले एक अर्खालाइ भण्यो, “यइलाइ चिद्दाइन यो कइका भागमि पणन्छ चिट्ठा हाल्लाउ।” पबित्र सास्त्रमि लेखिया कुरणी पुरा हुनाइलाइ यो भया हो। “तिननले मेरा लत्ता आपसमी बाड्यो, रे मेरो कुर्ताको चिट्ठा हाल्यो।”

यूहन्नाले लेख्या सुसमाचार 19:36

उनरो एकइ लगइ हड्डी टुट्टया आथिन भणबर पबित्र सास्त्रमि लेखिया बचन पुरा होउ भणबर यो सब भया हो।

यूहन्नाले लेख्या सुसमाचार 21:17

उनले तेसर्या आजी भण्यो, “हे सिमोन यूहन्नाका चेला कि तु मलाइ प्रेम अरन्छै?” रे पत्रुसले दु:ख माण्यो, क्याकि येशूले उइलाइ तेसर्या सोध्यो। पइ उइले उनलाइ भण्यो, “प्रभु, तम सब कुरणी जाणन्छौ। म तमलाइ प्रेम अद्दउ भण्न्या तम जाणन्छौ।” येशूले भण्यो, “मेरा भेडाको हेरबिचार अरेइ।

यूहन्नाले लेख्या सुसमाचार 6:70

येशूले तिननलाइ भण्यो, “कि तमन बार जनालाइ मइले चुनेइन ब? तर तमनमि हइ एक जाना सैतानको कब्जामी छ।”

प्रेरित 1:16

“भाइन हो, पबित्र सास्त्रमि भौत समय पइल्ली राजा दाउद बठेइ यहूदाको बारेमि भविष्यवाणी अर्याथ्यो। जो येशूलाइ पक्ड्या मान्सनको अगुवाइ अद्द्या मान्स बन्यो। यो जरुरी थ्यो कि यहूदाको बारेमि पबित्र आत्माले बोल्या कुरा पुरा हौ।

प्रेरित 1:2

स्वर्गमि जानु भण्ना पइलि, उनले आफ्नो छान्या शिष्यालाइ पबित्र आत्माको सायता बठेइ तिननलाइ आज्ञा दिइबर उन परमेश्वर बठेइ स्वर्गमि उचालिया।

२ कोरिन्थी 4:5

क्याकि हाम आफ्नो प्रचार अद्दाइन, तर येशू ख्रीष्टइ प्रभु हुन भणन्या कुरणी प्रचार अद्दाउ। रे हाम येशूका खातिर तमरा सेवक हौ।

हिब्रु 4:13

परमेश्वरका दृष्टिमि कोइ मान्स लुक्या आथिन। रे उनइ हुन, जसलाइ हामले जीवन भरि अर्या सब कामको लेखा दिनु पड्डया हो। उनरा अगाडी सब कुरणी स्पष्ट रे खुला छन।

प्रकाश 2:23

म तइका शिक्षालाइ पछ्याउन्या लाइ माद्द्या हु। रे सब मण्डलिले था पाउन्या छन कि म उइ हु जइले सबका बिचार रे आसयलाइ जाँच अरन्छ, रे म तमन हरेकलाइ तमनले अर्या काम अन्सार सबलाइ प्रतिफल दिन्या हु।