याकुब 5:5 - डोटेली नयाँ करार

⁵ तमन यइ पृथ्बीमि मोजमजामि रे सुख बिलासमि मस्त भइबर बस्याछौ। इसो अरिबर, तमन तिन पसु जसा भयाछौ जइलाइ मारिबर खाना भण्ना पइल्ली मोटो बनाउनाहान। तिन पसु जसाइ तमनलाइ था आथिन कि तमरो न्याय हुन्या दिन नजिक छ।

याकुब 5:5 Iomraidhean Croise

लूका 16:19

“एक जानो धनि मान्स थ्यो, जइले भौत महंगा लत्ता लाइबर दिन दिनै सबहइ निको खाना खानथ्यो।

लूका 16:25

तर अब्राहामले भण्यो, ‘ए चेला, याद अर, तुइले आफना जीवनकालमि असल-असल चिज पायाहइ, रे तसेरि लाजरसले सब खराब चिज पायाहो। त्यो आब याँ आराममि छ, रे तु भण्या कष्टमी छइ।

रोमी 13:13

हाम अन्धकारमि होइन तर ज्योतिमि बस्सया मान्सन जसेइ उचित ब्यबहार अरौ। मोजमजामि, दारु खानामि, व्यभिचारमि, भ्रष्टाचारमि, झगडामि रे रिसमि होइन।

१ तिमोथी 5:6

तिन बिधवा जइले आफ्नो सब समय सुखमि बिताउछिन तिन सरीरमि बचेइ हुन्छिन तर आत्मामी मरेइ हुन्छिन।

२ तिमोथी 3:4

बिश्वासघाती, उत्ताउला, और भण्ना आफइलाइ महत्व दिन्या, परमेश्वरलाइ भण्ना सुख बिलासलाइ प्रेम अद्दया,

२ पत्रुस 2:13

तिनरो बिनास तिननले अर्या नोक्सानिको इनाम हो। तिनन दिनको उज्यालामि ननिका सुखमि समाबेस हुनाइ मन अददाहान। तिनन तमरा बिचमि अपमान रे दाग हुन। तिननले तमनसित खानाइ खाया लगइ तिनन छल अद्द मन अददाहान।

यहूदा 1:12

जब यिन मान्सनले प्रभुको प्रेम याद अरिबर तमरा प्रितिभोजमि तमनसित खानाहान, तिननले लाजकि कुरणी रे स्वार्थि काम अददाहान। तिनन डर लाग्दा चट्टान जसाइ हुन जो समुद्र भितर लुक्या हुनाहान रे तइले जहाजलाइ डुबाउन सक्दाहान। तिनन ग्वाला जसाइ हुन, जइले आफनो मान्तर हेरबिचार अददाहान। तिनन जमिन मल्तिर उड्डारया पानी नआउन्या बादल जसाइ हुन। तिनन हिउनका बोट जसाइ हुन, जो दुइ बेर मरिसक्या हुनाहान, क्याकि तिननले केइ फल फलाउनाइन रे जडाइ बठेइ उपाडिया छन।

प्रकाश 18:7

तमले तइ सहरलाइ चरम पिडा रे दुःख दिनु पणन्छ जो उइको बिलासी जीवन रे आफइमी उनरो गर्बको बराबरि हुन्छ। उनले आफइलाइ भण्यो, ‘म मान्सनमि रानीले जसोइ सासन अद्द्या हु। म बिधवा होइन रे मइले सोकको अनुभव अद्द्या आथिन।’