याकुब 2:3 - डोटेली नयाँ करार

³ तमनले तइ निका लत्ता लाउन्यालाइ आदर अरिबर, “तम याँ निका ठाउँमि बस” भणन्छौ, रे तइ गरिबलाइ, “तु यइ कल्ले” अथवा “तु तल्तिर मेरा खुट्टालाइ बस” भणन्छौ भण्या,

याकुब 2:3 Iomraidhean Croise

लूका 23:11

राजा हेरोदले आफना सिपाइनसित मिलिबर उनलाइ तिरस्कारपूर्ण ब्यबहार अर्यो, रे उनरो खिसि काट्यो। तइ पछा उनलाइ चहकिलो लत्ता लाइबर पिलातस हाकिमका वाँ पठाइदियो।

२ कोरिन्थी 8:9

क्याकि हामरा प्रभु येशू ख्रीष्टको अनुग्रह तमनलाइ था छ, उन धनि थ्या, पइलगइ तमरा खातिर उन गरिब भया ताकि उनरो गरीबी बठेइ तमन धनि हुन सक।

याकुब 2:2

उदाहरणकि निउति, कोइ मान्स तमनका संगतिमि सुनकि अङौठी लाइबर निका लत्ता लाइबर आयो, रे एक गरिब मान्स लगइ झुत्त्रे लत्ता लाइबर आयो भण्या;

याकुब 2:6

तर तमनले त गरिबलाइ अपमान अर्या छौ। तमनलाइ था छ कि धनि मान्सनलेइ तमनलाइ अत्याचार अद्दाहान। तिननइले तमनलाइ अदालतमि घचेटिबर लइजानाहान।

यहूदा 1:16

यिन मान्सन सदाइ परमेश्वरको बिरुद्दमि बोल्लाहान रे और मान्सनमि दोस मान्तर धेकाउनाहान। तिनरा ह्रदयले सोच्या अनसार तिनन लगातार दुष्ट काम अददाहान। तिनन आफइले आफ्ना बारेमि घमणडि कुरणी अददाहान रे आफ्ना फाइदाकी निउति और मान्सनकि चाप्लुसी अददाहान।