याकुब 1:4 - डोटेली नयाँ करार

⁴ तमनले सब कुरणी सन सिक्दु पणन्छ, ताकि तमनमि केइ असल गुणको अभाब नहोउ, रे तमन आत्मिक रुपमि परिपक्व रे पूर्ण होउ।

याकुब 1:4 Iomraidhean Croise

मत्ती 10:22

क्याकि तम ममि बिश्वास अरन्छौ रे सब मान्सनले तमलाइ घृणा अददाहान। तर यदि तमन जो बिश्वासयोग्य हुन्छौ, रे यइ संसारमी बाचन्ज्या दु:ख नसकिन्ज्या सम्म ममि भरोसा अरन्छौ, रे हार मान्नाइनानु, परमेश्वरले तमलाइ बचाउन्या हुन।

मत्ती 19:20

तइ जबान मान्सले उनलाइ भण्यो मइले इसो त नानाइ छनज्या बठेइ पालन अरिराइछु, ममि आजी कि कमी छ पइ?

मत्ती 5:48

तबइकिलाइ तमनले सदाइ ठीक काम अददु पणन्छ, जसो तमरा स्वर्गमि हुन्या पिताले सदाइ ठीक अददाहान।”

मर्कुस 10:21

येशूले तइलाइ प्रेमले हेर्यो, रे तइलाइ भण्यो, “तुइले आजी एक कुरणी अददु पडद्या छ। जा, रे तेरा जी-जति लगइ छन बेच रे गरिबलाइ पैसा दिदे। यदि तु इसो अरन्छै भण्या तुइलाइ स्वर्गमि धन मिल्या छ। रे मेरा शिष्य हुनाइलाइ मेरा पछा लाग।”

लूका 18:22

यो सुण्या पछा येशूले तइलाइ भण्यो, “तुलाइ आजी एक कुरणी कमी छ। तुसित भया तेरा जी-जति लगइ छन बेच रे गरिबलाइ पैसा दिदे। यदि तु इसो अरन्छै भण्या तुइलाइ स्वर्गमि धन मिल्या छ। रे मेरा शिष्य हुनाइलाइ मेरा पछा लाग।”

लूका 21:19

तमरो धैर्य बठेइ तमनले आफ्नो प्राण पाउन्या हौ।”

लूका 8:15

तर निका जमिनमी पड्या चाइ तिन हुन, जइले बचन सुणिबर परमेश्वरको इच्छा अनुसार जीवन जिउनाहान, रे धैर्यसित फल फलानाहान।”

यूहन्नाले लेख्या सुसमाचार 17:23

म तिननमि, तम ममि, रे तिनन पुरा रुपले एकइ होउन रे तमले मलाइ पठाया हउ, मलाइ प्रेम अर्या जसो तमले तिननलाइ प्रेम अर्यो भणि संसारका मान्सनले जाँणउ।

१ कोरिन्थी 2:6

पइलगइ म आत्मिक रुपमि परिपक्व मान्सनलाइ ज्ञानको सन्देश घोषणा अद्दउ, तर संसारिक बुद्दि होइन, न त यइ संसारका सासकको बुद्दि जसो, जो नास हुन्छ।

गलाती 6:9

भलाइ अद्द्या काममी हाम निरुत्साहित जन होउ, क्याकि यदि हामले कभइ हिम्मत हारेइन भण्या परमेश्वरले आफ्नो समयमि हामलाइ इनाम दिन्या हुन।

कलस्सी 4:12

तमरा सहर बठेइ आया येशू ख्रीष्टका दास इपाफ्रासले लगइ अबिबादन पठाया छन। तिन सदाइ तमनकीलाइ लगनशिल भइबर प्रार्थना अददाहान, ताकि परमेश्वरले तमनलाइ बलिया रे सिद्द बनाउन सकुन, रे तमन परमेश्वरको पुरा इच्छा पालन अद्दाछौ भणबर पक्‍का हुन सक।

१ थेसलोनिकि 5:23

परमेश्वर जइले सान्ति दिनाहान उन आफइले पूरारुपमी तमनलाइ पबित्र बनाउन, रे तमरा समस्त आत्मा, प्राण रे शरीर हामरा प्रभु येशू ख्रीष्ट फर्कि आउन्या दिन सम्म निष्कलंक रहुन।

२ तिमोथी 3:17

ताकि परमेश्वरका मान्सन सब किसिमका असल काम अद्द तयार रे सक्षम हुन सकुन।

याकुब 1:5

तर यदि तमन मध्य कसइलाइ बुद्दिको कमी छ भण्या उइले उदार-चित्त सित दोस नलाइबर दिन्या परमेश्वरसित माग्दु पणन्छ, उनले तमनलाइ त्यो दिन्या हुन।

याकुब 3:2

हाम सब भौत भुल अददाउ। तर यदि एक मान्सले आफले बोल्या कुरणीमि कभइ भुल अद्दइन, तइले आफलाइ पूर्ण रुपमि नियन्त्रण अद्द सकन्छ, रे त्यो सिद्द मान्स हुन्छ।

१ पत्रुस 5:10

परमेश्वर, जो पूरारुपमी अनुग्रहकारि छन हामरो ख्रीष्ट सितको सम्बन्धका लाग्दा आफ्नो अनन्त महिमामि हामलाइ साजेदार हुनाइ बोलाया छ। तमनले केइ बेर सम्म कष्ट भोग्या पछा, परमेश्वरले तमनलाइ असल बनाउन्या हुन ताकि तमनमि केइ गल्ती जन होउ रे उनले तमरो हृदयलाइ बलियो बनाउन्या हुन रे दृढ हुनाइलाइ उनमी बिश्वास अद्दया बनाउन्या हुन।

२ पत्रुस 1:9

तर यदि एक मान्सले इसेरि जीवन बिताउनइन भण्या, त्यो एक निक्केरि हेद्द नसक्द्या अथवा अन्धो मान्स जसोइ हो। उइले यो बिर्स्या छ कि ख्रीष्टमी बिश्वास अददु भण्ना अगाडी उइले अर्या पाप परमेश्वरले क्षमा अर्याछ।