गलाती 1:9 - डोटेली नयाँ करार

⁹ हामले अगाडी बठेइ भणेइ जसेइ म आजी अइल लगइ भण्नउ, तमनले जो सुसमाचार ग्रहण अर्या छौ, यदि और कसइले अर्खो शिक्षा सिकाउनाहान, जइलाइ तिननले सुसमाचार भणि प्रचार अददाहान भण्या तइ मान्सलाइ परमेश्वरले सदाइकि निउति श्राप दिउन।

गलाती 1:9 Iomraidhean Croise

प्रेरित 18:23

तिन ताँ केइ दिन बसिबर एन्टिओखिया सहर बठेइ निकलिबर गलातिया प्रदेस रे फ्रिगिया जिल्ला होइबर सब शिष्यालाइ हौसला दिनाइ ठाउँ ठाउँमि गया।

रोमी 16:17

बिश्वासि भाइन हो, म तमनलाइ बिन्ति अद्दउ कि तिन मान्सन बठेइ होशियार बस जइले फुट ल्याउनाहान, रे जइले मान्सनलाइ गलत कुरणीमि बिश्वास अद्दया बनाउन्छ जो तमनले सिक्या शिक्षाका बिरुद्दमि हो। तिनन बठेइ अलग बस।

रोमी 9:3

मेरा यहुदि भाइन रे बइनिन जो मेरा जातिका हुन, तिननकी निउति मइले आफइलाइ परमेश्वर बठेइ दोस लाइनु रे ख्रीष्ट बठेइ अलग हुनाइ लगइ तयार भया।

२ कोरिन्थी 1:17

इसो अद्द चाहान्ज्या मइले अस्थिरता धेकाया ब? कि मइले आफ्नो योजना बनाउन्ज्या संसारिक मान्सले जनि अइल “हो” रे पछा “होइन” भण्या ब?

फिलिप्पी 3:1

छाड्डीबार मेरा बिश्वासि भाइन हो, प्रभुमि आनन्दित होउ। त्यइ कुरणी तमनलाइ दोहर्याउन म झर्को माण्नैन, रे त्यइ कुरणीले तमनलाइ झुटा शिक्षक बठेइ सुरक्षित राख्द्या हो।

फिलिप्पी 4:4

प्रभुमि सदाइ आनन्द अर। म आजी लगइ भण्नउ, आनन्द अर।