प्रेरित 9:2 - डोटेली नयाँ करार

² रे दमस्कस सहरका यहुदि सभाघरका शासकनलाइ मेरो परिचय दिनाइ चिठ्ठी लेखिदिय भणि बिन्ति अर्यो। रे येशूका पछा लाग्द्या दुएइ बैकान रे स्वानिनलाइ खोजीबर यरुशलेम सहरमि बादिबर ल्याउन पाउ भणबर अधिकार माग्यो।

डोटेलि

² रे तनले प्रभुका बाटामि हिट्‍टया बइकान मान्‍स हउ या स्‍वानि मान्‍स हउ, जइलाइ लइ फेला पाण्‍यो तिनुनलाइ बादिबर यरुसलेममि ल्‍याउन्‌ पाउँ भनिबर दमस्‍कसको यहुदि सभाघरनका सासकनलाइ चिठ्‍टि लेखि दिय भनि तनले भुन्‍यो।

प्रेरित 9:2 Iomraidhean Croise

मत्ती 10:17

मान्सन धेकि होस अर्या, क्याकि मान्सन तमलाइ पकड्या हुन रे चौकि लैजान्या हुन, रे तिनरा यहुदि सभाघरमी तमनलाइ कोर्रा लाउन्या हुन।

यूहन्नाले लेख्या सुसमाचार 14:6

येशूले तइलाइ भण्यो, “म तेइ हु, जइमि बाटो, सत्य रे अनन्त जीवन छ। म बठेइ बाहेक कोइलगइ पिताका वाँ आउन सक्दैन।

प्रेरित 18:25

तिनले प्रभुका बारेमि शिक्षा पाइराइथ्यो, रे आत्मामी उत्साहित होइबर तिनले येशूका बारेमिका कुरणी ठीक-ठीकसित बोल्या रे सिकाउन्या अरन्थ्या। पइलगइ तिनले यूहन्नाले दिया बप्तिस्मा मान्तर जाणिराइथ्यो।

प्रेरित 19:23

पइ तसइ बेलामि उद्दारको बाटो ख्रीष्ट मान्तर हुन भण्या प्रचार अर्या हुनाले एफिसस सहरमि ठुलो हुलदङ्गा मच्चियो।

प्रेरित 19:9

तर जब कसइ कसइ मान्सनले मन कठोर बनाइबर बिश्वास अद्द इन्कार अर्यो, उल्टाइ तिननले प्रभुले दिया त्यो उद्दारको बाटाका बिरुद्दमि भइबर खिसि काट्ट लाग्या, तबइकिलाइ पावल तिनरा सभाघरमी जानुइ छाडदियो, रे प्रभुमि बिश्वास अद्द्या शिष्यालाइ आफसित लैया। तइ पछा पावल टुरान्नसको बिद्यालयमि दिन दिनइ मान्सनसित भेटबर उद्दारका बारेमि वाद-बिबाद अर्यो।

प्रेरित 24:14

तर यो म हजुरकाइ अगाडी स्वीकार अद्दउ कि, म ख्रीष्टको उद्दारका बाटालाइ पछ्याइबर आफ्ना पुर्खाका परमेश्वरलाइ आराधना अद्दाछु, जइलाइ यहुदि अगुवानले झुटो बाटो हो भण्न्नाछन, तर म अगमबक्ताका किताबमी लेखिया सब कुरणी रे मोशाका कानुनमी बिश्वास अद्दउ।

प्रेरित 24:22

यइ उद्दारका बाटाका बारेमि ठुला हाकिम फेलिक्सलाइ ठीक ज्ञान भया हुनाले उनले यिन कुरणी सुण्या पछा तिननलाइ यिसो भणि मुद्दा सकीबर पठाइदियो, “रोम सहरका सेनापति क्लौडियस लुसियस याँ आया पछा म तमरा मुद्दाको फैसला अरिदिन्या हु।”

प्रेरित 26:10

मइले यरुशलेम सहरमि तसोइ अर्या, रे मुख्य पुजारि बठेइ अधिकार पाइबर प्रभु येशूमि बिश्वास अद्द्या भौत मान्सनलाइ झेल मान्तर हालेइन, या सम्मकि तिननलाइ मारन्ज्या तिनराइ बिरोधमी मइले मेरो सहमत लगइ दिया।

प्रेरित 26:12

“यिसेरी मुख्य पुजारि बठेइ अधिकार रे आज्ञा पाइबर म दमस्कस सहरतिर गया।

प्रेरित 6:9

तर कोइ-कोइ मान्सनले चाइ स्तिफनसको बिरोध अर्यो, तिनन यहुदि सभाघरका मान्सन थ्या, जइलाइ स्वतन्त्र दल लगइ भणिन्छ रे तिननमि कुरेनि सहर, अलेक्जेन्ड्रया सहर, किलिकिया प्रदेस रे एसिया देशका मान्सन थ्या, तइ पछा तिननले खड़ा होइबर स्तिफनससित वाद-बिबाद अद्द पस्या।

प्रेरित 7:19

उइले हामरा जातिसित चतुरता सित ब्यबहार अर्यो रे तिननलाइ अत्याचार अर्यो। उइले हामरा पुर्खाका बच्चा मरुन भणबर जन्मनजेइ जबरजस्ती घर बठेइ बाइर खित्त लाउन्थ्यो।”

प्रेरित 9:14

याँ लगइ बिश्वास अद्द्या सब मान्सनलाइ बादिबर यरुशलेम सहरमि लैइजान्या अधिकार मुख्य पुजारि बठेइ तिननले पाया छ।”

प्रेरित 9:21

तब सुण्न्या जति सब अचम्म माणिबर भण्न्न पस्या, “येशू ख्रीष्टमी बिश्वास अद्द्या सबलाइ माद्द खोज्या मान्स यइ होइन ब? यरुशलेम सहरमि लगइ येशू ख्रीष्टका शिष्यालाइ समाइबर मुख्य पुजारि नका वाँ लैजानाइ आया त होइन ब?”

२ कोरिन्थी 11:32

दमस्कस सहरमि अरितस राजाका हाकिमले मलाइ पकड्डाइ तइ सहरमि पहरा राख्याथ्यो।

गलाती 1:17

रे जो म भण्ना अगाडी येशू ख्रीष्टका छान्या शिष्या थ्या, तिननलाइ भेट्टाइलाइ म यरुशलेम सहरमि गएन। तर म उतन्जेइ अरब देशमि गया, रे पछा दमस्कस सहरमि फर्किबर आया।