प्रेरित 8:1 - डोटेली नयाँ करार

¹ स्तिफानसका हत्यामि शाउल लगइ सहमत थ्या। तसइ दिन यरुशलेम सहरमि भया मण्डलिका बिरोधमी ठुलो सतावट सुरु भयो, रे येशू ख्रीष्टका छान्या शिष्या बाहेक तिनन सब यहुदिया जिल्ला रे सामरिया जिल्लातिर छरिया।

डोटेलि

¹ मान्‍सनले स्‍तिफनसलाइ इस्‍या ढुङाले हानिबर मारन्‍ज्‍या साउल लइ सहमत थ्‍या। तसइ दिन यरुसलेममि भया मण्‍डलिका बिरुद्‍मि ठुलो सतावट सुरु भयो। रे प्रेरितन बाहेक अउर बिस्‍वासिन सप्‍पइ यहुदिया रे सामरियाका इलाकातिर छरबट्‍ट भया।

प्रेरित 8:1 Iomraidhean Croise

मत्ती 22:6

औरले तइका नौकरलाइ समाइबर तिननसित दुर्ब्यहार अर्यो रे तिननलाइ मारिदियो।

मत्ती 23:34

तबइकिलाइ, हेर, म तमरा वाँ अगमबक्तान, बुद्दिमान मान्सन रे मोशाको कानुन सिकाउन्यावालालाइ पठाउनउ। तिन मध्ये कति जनालाइ तमनले माद्याहउ रे क्रुसमि टाँग्द्या हौ। रे कति जनालाइ आफना यहुदि सभाघरमी कोर्रा हाण्न्याहौ, रे तिननलाइ सहर बठेइ सहर खेद्द्याहौ।

मत्ती 5:13

“तमन यइ संसारका मान्सनकिलाइ नुन जसाइ हौ। तर यदि नुनले आफ्नो स्वाद हरायो भण्या, तमनले यइलाइ क्याले आजी नुन्यो बनाउन्या हो? त्यो त बाइर खित्तु रे मान्सनका गोडाले कचाउट्टु बाहिक और केइ कामको हुनइन।

यूहन्नाले लेख्या सुसमाचार 15:20

मइले तमनलाइ भण्या कुरणी याद राख, ‘नौकर आफना मालिक भण्ना ठुलो हुनइन।’ तिननले मलाइ सतायो भण्या तमनलाइ लगइ सताउन्या हुन। तिननले मेरो शिक्षा पालन अर्यो भण्या तमरो शिक्षा लगइ पालन अद्द्या हुन।

यूहन्नाले लेख्या सुसमाचार 16:2

तिननले तमलाइ यहुदि सभाघर बठेइ निकाल्दिन्या हुन। वास्तवमि यिसो समय आउनाछ, जब तमनलाइ हत्या अद्द्याले परमेश्वरको सेवा अद्दउ भणि माणन्छ।

प्रेरित 1:8

तर पबित्र आत्मा आया पछा तमनले सक्ति पाउन्या हौ, रे तमन यरुशलेम सहर, सारा यहुदिया जिल्ला, सामरिया जिल्ला रे बाकि रया सब संसारका मान्सनलाइ मेरा बारेमि बताउन्या हौ।”

प्रेरित 13:1

एन्टिओखिया सहरका मण्डलिमि अगमबक्तान, रे शिक्षा दिन्याबाला मान्सन भौत थ्या, तिनन बारनाबास, नीगर भणिन्या शिमियोन, कुरेनि सहरका लुकियस, रे देशको एक चउथाइ भागको राजा हेरोदसित हुर्क्या मनेन रे शाउल थ्या।

प्रेरित 13:36

“हाम जाण्न्नाउ कि राजा दाउदले आफ्ना बारेमि भण्या थेइन, क्याकि परमेश्वरको उद्देश्य अन्सार सेवा अरिबर मर्या पछा उनरा पिता पुर्खानसित राजा दाउद गाणिया, रे उनरो शरीर कुइबर गयो।

प्रेरित 2:47

रे सदाइ परमेश्वरको प्रसंसा अरन्थ्या। रे और मान्सनले लगइ तिननलाइ मन पडाउन्थ्या। उद्दार पाउन्यालाइ प्रभुले दिन दिनइ तिनरो संख्यामि थपिदिन्थ्या।

प्रेरित 22:20

तमरो गवाही दिन्या स्तिफनसको रक्तपात भइबर मारन्ज्या म ताँइ थ्या, उनरो हत्या अद्द्यासित सहमत भइबर तिनरा लत्ता परेइबर बसिरइथ्या।’”

प्रेरित 26:10

मइले यरुशलेम सहरमि तसोइ अर्या, रे मुख्य पुजारि बठेइ अधिकार पाइबर प्रभु येशूमि बिश्वास अद्द्या भौत मान्सनलाइ झेल मान्तर हालेइन, या सम्मकि तिननलाइ मारन्ज्या तिनराइ बिरोधमी मइले मेरो सहमत लगइ दिया।

प्रेरित 5:18

रे छान्या शिष्यालाइ पकोडीबर सरकारि झेलमि हाल्दियो।

प्रेरित 5:20

जा रे मन्दिरका आगनमी खडा होइबर यइ अनन्त जीवनको सन्देश सब मान्सनलाइ भणदिय।

प्रेरित 5:33

जब सभाका सब मान्सनले यो सुण्यो तब उन भौत रिसाया, रे येशू ख्रीष्टका छान्या शिष्यालाइ माद्दाइ खोज्यो।

प्रेरित 5:40

तब तिननले तिनरो सल्लाह माण्यो। पइ तिननले येशू ख्रीष्टका छान्या शिष्यालाइ भितर बोलाइबर हाण्यो, रे आब बठेइ येशूका नाउँमि प्रचार जन अर्या भण्न्या आज्ञा दिइबर तिननलाइ छाडदियो।

प्रेरित 7:38

यिनइ मोशालाइ एक अगुवाका रुपमि हामरा पुर्खानसित थ्या, जो उजाड ठाउँमि एकहठ्ठा भयाथ्या, जो स्वर्गदुत सीनै पर्बतमी तिनइ हामरा पुर्खानसित बोल्याथ्या। रे मोशालाइ जीवन दिन्या बचन मिल्यो रे उनले त्यो बचन हामरा वाँ लेया।”

प्रेरित 7:54

पइ स्तिफनसको कुरणी सुणिबर यहुदि अगुवान रिसाया रे तिननले तिनसित दात किरोण्यो।

प्रेरित 7:58

पइ तिनलाइ यरुशलेम सहर बठेइ बाइर निकालिबर तिननलाइ ढुङा हाण्न सजी होलो भणबर आफ्नो कोट खोल्यो रे उनलाइ ढुङा हाण्न पस्या। पइ स्तिफनसलाइ ढुङा हाण्न्या मान्सनले आफना गवाहिकी निउति आफ्नो कोट खोलिबर शाउल नाउँ भया मान्सका वाँ जम्मा अर्यो।

प्रेरित 8:14

सामरिया जिल्लाका मान्सनले परमेश्वरको बचन ग्रहण अर्यो भण्न्या सुणिबर यरुशलेम सहरमि रया येशू ख्रीष्टका छान्या शिष्याले पत्रुस रे यूहन्नालाइ तिनरा वाँ पठायो।

प्रेरित 8:2

कोइ भक्त बैकान जो परमेश्वरको आदर अरन्थ्या, उनले स्तिफनसलाइ लैजाइबर चिहानमि गाण्यो, रे तिनरि निउति ठुलो बिलउना अर्यो।

प्रेरित 8:4

तर छरिया बिश्वासीले चारै तिर गइबर बचन प्रचार अर्यो।

प्रेरित 8:5

तर फिलिप सामरिया जिल्लाको एक गाउँमी गइबर तिननलाइ ख्रीष्टको प्रचार अर्यो।

प्रेरित 9:31

तसेरि जम्माइ यहुदिया जिल्ला, गालील जिल्ला रे सामरिया जिल्ला भरिका मण्डलिमि सान्ति भयो रे मण्डलि परिपक्व भयो। प्रभुका डरमि हिट्टाइ रे पबित्र आत्माको सहयोग पाइबर भौत भण्ना भौत मान्सनले प्रभु येशूमि बिश्वास अर्यो।

रोमी 1:32

यिसा काम अद्द्या मृत्युका योग्य हुनाहान भण्न्या परमेश्वरको धार्मिक-बिधान जाँण्ना जाँण्नाइ लगइ तिनन यिन काम मान्तर अद्दाइन्न, तर औरलाइ उत्साह दिन्या मान्सनसित लगइ पुरा सहमत हुनाहान।

फिलिप्पी 1:12

बिश्वासि भाइन हो, तमनलाइ यो था होस भण्न्या म चाहनउ कि ममि आइलाग्या कुरणीले वास्तवमि सुसमाचार फइलाउनाइ सहयोग भया छ।

हिब्रु 11:27

राजाकि रिससित नडराइबर विश्वासइ बठेइ तइले मिश्र देस छाड्यो। क्याकि तइलाइ थाथ्यो कि परमेश्वर नधेकिया लगइ उइसित हिट्टाहान।