प्रेरित 6:5 - डोटेली नयाँ करार

⁵ यिन कुरणी समुहका सबलाइ मन पड्यो रे एकहठ्ठा भया जम्माइलाइ ठीक लाग्यो, रे तिननले पबित्र आत्मा रे बिश्वासले भरिया स्तिफनस, फिलिप, प्रखरस, निकनोर, तिमोन, पर्मिनास रे एन्टिओखियाका बिश्वासि हुनाहइ पइल्ली यहुदि मत माण्न्या गैर-यहुदि निकोलाउसलाइ छान्यो।

डोटेलि

⁵ भेला भया सप्‍पइलाइ यो कुरा निको लाग्‍यो। तिनुनले बिस्‍वास अर्‍या रे पबित्‍तर आत्‍माले भरिपुर भया स्‍तिफनस, फिलिप, प्रखरस, निकनोर, तिमोन, पर्मिनास, रे एन्‍टिओखियाका यहुदि मत मान्‍या निकोलाउसलाइ छान्‍यो।

प्रेरित 6:5 Iomraidhean Croise

मत्ती 23:15

“तमन भयानक समस्यामि छौ! तम मोशाको कानुन सिकाउन्यावाला फरिसि मान्सनको समुह हो, कपटि क्याकि तमन एक जानालाइ आफना मतमि ल्याउनाकिलाइ जा सक्‍कै जान्छौ, रे जब त्यो तमरो सिकाया शिक्षामि बिश्वास अरन्छ, तमले तइलाइ आफलाइ भण्ना दोब्बर नरकमि जानाइलाइ योग्य बनाउन्छौ।”

प्रेरित 11:19

स्तिफनसलाइ मार्या पछा, प्रभु येशूमि बिश्वास अद्द्या सब मान्सनलाइ दुख दिया हुनाले भौत मान्सन यरुशलेम सहर छाडिबर गया। तर तिननले यहुदि मान्सनलाइ मान्तर येशू ख्रीष्टका बारेमि सन्देश दिनाइ, फोनिके जिल्ला, साइप्रस टापु रे सिरिया जिल्लाको एन्टिओखिया सहर सम्म यात्रा अर्यो।

प्रेरित 11:20

तर तिननमि हइ कोइ-कोइ बिश्वासिन साइप्रस टापु रे कुरेनि सहरका मान्सन थ्या। तिननले एन्टिओखिया सहरमि आइबर ग्रीक भासा बोल्या यहुदिलाइ लगइ प्रभु येशूका बारेमि बचन प्रचार अर्यो।

प्रेरित 11:22

यो रैबार यरुशलेम सहरमि भया मण्डलिका मान्सनका वाँ पुग्यो, रे तिननले बारनाबासलाइ एन्टिओखिया सहरमि पठायो।

प्रेरित 11:24

बारनाबास चाइ पबित्र आत्मा रे बिश्वासले भरिया मान्स थ्या। रे उनले अद्दा भौत मान्स प्रभु येशूमि बिश्वास अर्यो।

प्रेरित 11:26

जब तिनले उनलाइ भेट्यो तब उनलाइ एन्टिओखिया सहर लेइबर आया, तब शाउल रे बारनाबास दुएय पुरा एक बर्ष सम्म एन्टिओखिया सहरमि भया मण्डलिका मान्सनसित तिनन संगति अद्दाइ रया, रे भौत मान्सलाइ येशू ख्रीष्टको बारेमि सिकायो। ख्रीष्टका शिष्यालाइ पइल्ली बेर एन्टिओखिया सहरमि ख्रीष्टियन भणियो।

प्रेरित 11:27

तसइ बेला कोइ बिश्वासि जो भबिष्यवक्तान थ्या, तिनन यरुशलेम सहर बठेइ एन्टिओखिया सहरमि आया।

प्रेरित 13:1

एन्टिओखिया सहरका मण्डलिमि अगमबक्तान, रे शिक्षा दिन्याबाला मान्सन भौत थ्या, तिनन बारनाबास, नीगर भणिन्या शिमियोन, कुरेनि सहरका लुकियस, रे देशको एक चउथाइ भागको राजा हेरोदसित हुर्क्या मनेन रे शाउल थ्या।

प्रेरित 15:22

तब छान्या शिष्या, मण्डलिका अगुवान रे यरुशलेम सहरका सब मण्डलि मिलिबर आफना बिच बठेइ केइ मान्सनलाइ छानिबर पावल रे बारनाबाससित एन्टिओखिया सहरमि भया मण्डलिमि पठाउनाइ ठीक माण्यो, रे बिश्वासि भाइनमि हइ भौत सम्मान पाया मान्सन यहूदा भणिन्या बारनाबास रे सिलासलाइ छान्यो।

प्रेरित 2:4

पइ तिनन सब जाना पबित्र आत्माले भरिया, रे पबित्र आत्माले तिननलाइ दिया बरदान अन्सार तिनन फरक-फरक भासामि बोल्ल पस्या।

प्रेरित 21:8

भोलिबार ताँ बठेइ बिदा होइबर हाम कैसरिया सहरमि पुग्या, रे ताँ हामले सुसमाचार प्रचार अद्द्या फिलिपका घरमि बस्या, जो सात जनामि हइ एक थ्या, जइलाइ यरुशलेम सहरमि छान्या शिष्याले बिधवानको हेरचाह अद्दाइ छान्याथ्यो।

प्रेरित 22:20

तमरो गवाही दिन्या स्तिफनसको रक्तपात भइबर मारन्ज्या म ताँइ थ्या, उनरो हत्या अद्द्यासित सहमत भइबर तिनरा लत्ता परेइबर बसिरइथ्या।’”

प्रेरित 6:10

उनले जी कुरणी भण्यो, तिननले केइ जबाफ दिन सकेन। क्याकि पबित्र आत्माले उनलाइ बुद्दीसित बोल्लामि सायता अर्याथ्यो।

प्रेरित 6:3

तबइकिलाइ भाइन हो, जइका बारेमि सबलाइ था भया तमन पबित्र आत्मा रे बुद्दिले भरिया, रे सबको आदर पाया सात जाना मान्सन छान जइलाइ हाम यइ काममी नियुक्त अद्दाउ।

प्रेरित 6:8

स्तिफनसले अनुग्रह रे सक्तिले भरि होइबर मान्सनका बिचमि ठुला-ठुला अचम्मका काम रे चमत्कारी चिन्ह अर्यो।

प्रेरित 7:1

तब यहुदि प्रधान पुजारिले सोध्यो, “कि तमलाइ दोस लाया कुरणी साच्ची हो?”

प्रकाश 2:15

इसेरिइ तमरा बिचमि केइ मान्सन छन जइले निकोलसको समुहले सिकाया शिक्षालाइ पालन अद्दाहान।

प्रकाश 2:6

तर म तमनसित खुशी लगइ छु क्याकि तमन निकोलसको समुहले सिकाया दुष्ट कामलाइ घृणा अर्न्छौ, जसेरि मइले तिनरा कामलाइ घृणा अद्दउ।