प्रेरित 6:12 - डोटेली नयाँ करार

¹² तब तिननले स्तिफनसको बिरुद्दमि मान्सनलाइ, यहुदि मान्सनका अगुवा रे मोशाको कानुन सिकाउन्यावालालाइ उरेइबर तिननले स्तिफनसलाइ समायो रे उनलाइ यहुदि महासभाका अगाडी लेया।

डोटेलि

¹² तबइ तिनुनले मान्‍सन, अगुवान, धर्म-गुरुनलाइ भड्‍कायो। रे स्‍तिफनसलाइ पकणिबर माहासभाका अगाडि लेया।

प्रेरित 6:12 Iomraidhean Croise

मत्ती 26:57

येशूलाइ पकड्याले उनलाइ यहुदि प्रधान पुजारि कैयाफाका वाँ लैय्या। ताँ सब यहुदि मान्सनका अगुवा रे मोशाको कानुन सिकाउन्यावाला जम्मा भयाथ्या।

मत्ती 5:22

तर म तमनलाइ भण्नउ कि जइले लगइ कसइसित रिस अरन्छ, तिननले पंचायतमि दण्ड पाउन्या हुन, रे जइले कसइलाइ काम नलाग्द्या भणन्छ, तिननले यहुदि महासभामि दण्ड पाउन्या हुन। तर जइले कसइलाइ तु मुर्ख भणन्छ, तिननले नरकका आगामी दण्ड पाउन्या हुन।

लूका 20:1

एक दिन मन्दिरमि उन मान्सलाइ सिकाउन्नाथ्या, रे तिननलाइ सुसमाचार प्रचार अद्दाथ्या। यहुदि मान्सनका अगुवासित यहुदि मुख्य पुजारिन रे मोशाको कानुन सिकाउन्यावाला उनरा वाँ आया,

प्रेरित 13:50

तर पावल रे बारनाबासका बिरोधमी यहुदि अगुवानले भक्त, आदर पाएइ स्वानिन रे सहरका ठुला ठुला मान्सनलाइ उरेयो, रे तिननलाइ आफ्नो इलाका बठेइ बाइर धपाइ दियो।

प्रेरित 14:2

तर बिश्वास नअद्द्या यहुदि मान्सनले गैर-यहुदि मान्सनलाइ उर्यायो रे तिननले बिश्वासि भाइनको बिरोध अर्यो।

प्रेरित 17:13

तर जब परमेश्वरको बचन पावलले बेरिया गाउँमी लगइ प्रचार अर्या थेसलोनिके सहरका यहुदि मान्सनले था पायो, तब उन ताँ लगइ मान्सनलाइ खलबल मचाउनाइ पुग्या।

प्रेरित 18:12

जब गलियोन अखैया प्रदेसका हाकिम भया, तब यहुदि मान्सन मिलिबर पावललाइ जाइ लाग्या रे उनलाइ समाइबर अदालतमि हाकिमका वाँ लैजाइबर भण्यो,

प्रेरित 21:27

जब सात दिन पुरा हुन्नाथ्या, तब एसिया प्रदेशका यहुदि मान्सनले पावललाइ मन्दिरमि धेकिबर सब मान्सनलाइ उरेयो रे उनलाइ पकोड्यो।

प्रेरित 5:18

रे छान्या शिष्यालाइ पकोडीबर सरकारि झेलमि हाल्दियो।

प्रेरित 5:27

रे यहुदि महासभाका अगाडी कल्ल्यायो, रे यहुदि प्रधान पुजारिले तिननलाइ सोध्यो,

प्रेरित 6:11

तब स्वतन्त्र दलका मान्सनले गोप्यमी कोइ कोइ मान्सनलाइ स्तिफनस बारेमि झुटो बोल्लालाइ उरेइबर यिसो भण्न लायो, “हामले यइ मान्सलाइ मोशा रे परमेश्वरको बिरुद्दमि निन्दा अर्या सुण्याछौ।”