प्रेरित 4:21 - डोटेली नयाँ करार

²¹ तिननले सजाय दिन्या केइ उपाय नभइबर यिननलाइ आजी बड्ता धम्कि दिबर छाडदियो। क्याकि जी घटना घटिरइथ्यो, तइको निउति सब मान्सनले परमेश्वरको महिमा अद्दाथ्या।

डोटेलि

²¹ यो कुरा सुनिबर माहासभाका मान्‍सनले उनुनलाइ अज बर्ता धम्‍कि दिबर छाड्‍दियो। तिनुनले पत्‍रुस रे युहन्‍नालाइ सजाइ दिन्‍या केइ कारण पाएन्‌ क्‍यालाइकि उनुनले अर्‍या अचम्‍मको काम धेक्‍या हुनाले सप्‍पइ मान्‍सनले परमेस्‍वरको महिमा अद्‍दा थ्‍या।

प्रेरित 4:21 Iomraidhean Croise

मत्ती 15:31

याँ सम्मकि, लाटा बोल्या, लुला निका भया, डुणा हिट्या, रे कानाले आँखा पाया धेकिबर मान्सनले अचम्म माण्यो, रे तिननले इस्राएल देशका परमेश्वरलाइ महिमा अर्यो।

मत्ती 21:46

तिननले येशूलाइ पक्कोड्ड खोजाथ्या। तर तिनन मान्सनले बिरोध अददाहान भणि डरायाथ्या, क्याकी मान्सनले येशूलाइ अगमबक्ता हुन भणि माणन्थ्या।

मत्ती 26:5

तर तिननले भण्यो, काजबारका बेलामि नइ। नति त मान्समि खलबल हुन्या हो।

मत्ती 9:33

जब येशूले उइ मान्स बठेइ भूत निकाल्यो, रे लाटो बोल्ल पस्यो। भिडले यो धेक्यो रे अचम्म माणिबर इसो भण्यो, “इस्राएल देशमि यिसो कभइ धेक्या थेइन।”

मत्ती 9:8

जब भिडले यो धेक्यो, तब तिनन डराया, रे मान्सनलाइ यिसो सक्ति दिन्या परमेश्वरको महिमा अर्यो।

लूका 13:17

उनले यिन कुरणी भणि सक्या पछा उनरा बिरोधी सब लाजमि पड्या, तर उनले अर्या सब महान काममी मान्सन आनन्दित भया।

लूका 20:19

तब मोशाको कानुन सिकाउन्यावाला रे यहुदि मुख्य पुजारिले जाणीहालथ्यो कि येशूले उनारा बिरोधमी यो काहानि भणिराइथ्यो। उतन्ज्यइ तिननले येशूलाइ पकड खोजाथ्या। रे तिनन मान्सनले बिरोध अददाहान भणि डरायाथ्या। तबइकिलाइ तिनन येशूलाइ छाडिबर गया।

लूका 20:6

मान्स बठेइ भणबर भण्नाउ भण्या, सब मान्सले हामलाइ ढुङाले हाण्न्या हुन, क्याकि यूहन्नालाइ परमेश्वरको साँच्चीको अगमबक्ता भणि बिश्वास अर्याथ्यो।”

लूका 22:2

यहुदि मुख्य पुजारि रे मोशाको कानुन सिकाउन्यावाला उनलाइ कसेरी माद्दाउ भणि मौका खोजन्थ्या, तर मान्स धेकि तिनन डराउन्थ्या।

लूका 5:26

तब सब मान्सनले अचम्म माण्यो, रे तिननले परमेश्वरको महिमा अर्यो, रे डराइबर यिसो भण्यो, “आज हामले अचम्मकी कुरणी धेक्या।”

प्रेरित 4:17

तर मान्सनमि यो सुसमाचार और बड्ता प्रचार नहउ भणबर ‘येशूको नाउँमि आब बठेइ केइ कुरणी लगइ कसइसित नअरुन’ भणबर कडा चेताउनी दिनु पणन्छ।”

प्रेरित 4:22

क्याकि जो मान्स अचम्मका काम बठेइ निको पाड़िया थ्यो, तइको बर्ष चालिस भण्ना बड्ता थ्यो।

प्रेरित 5:13

तर जइले अइल सम्म ख्रीष्टमी बिश्वास अर्या थेइन, तिननमि हइ कसइको लगइ तिननसित भेट्टाइ आउन्या हिम्मत भएइन, पइलगइ मान्सनले तिननलाइ आदर अरन्थ्या।

प्रेरित 5:26

जब तिननले यो रैबार सुण्यो, तब मन्दिरका चौकीदार रे कप्तान मन्दिर भितर गया। तिननले छान्या शिष्याको सभामी आइबर तिननलाइ जबरजस्ती नअरिबरइ ताँ लेइबर आया, क्याकि मान्सनले तिननलाइ ढुङाले हाणबर मारदिन्या हुन कि भणि तिनन डराइरइथ्या।

प्रेरित 5:40

तब तिननले तिनरो सल्लाह माण्यो। पइ तिननले येशू ख्रीष्टका छान्या शिष्यालाइ भितर बोलाइबर हाण्यो, रे आब बठेइ येशूका नाउँमि प्रचार जन अर्या भण्न्या आज्ञा दिइबर तिननलाइ छाडदियो।