प्रेरित 3:14 - डोटेली नयाँ करार

¹⁴ तर तमनले पबित्र रे धर्मि जनलाइ इन्कार अरिबर एक ज्यानमारालाइ तमरा निउति छाडिदिन्या माग अर्या।

डोटेलि

¹⁴ रे तमुले पबित्‍तर रे धर्मि जनलाइ असुइकार अरिबर एक जनो ज्‍यानमारालाइ छाडिदिन्‍या माग अर्‍या।

प्रेरित 3:14 Iomraidhean Croise

मर्कुस 1:24

उतनजेइ तइले जोरले बोलिबर भण्यो, “हे नासरत गाउँका येशू! तम हामलाइ क्याकि असजि अद्दाछौ? कि तम हामलाइ नास पाड्डाइ आया हौ? म तमलाइ पछेण्नउ, तम को हउ? तम मान्तर पबित्रजन हौ जो परमेश्वरका वाँ बठेइ आया हउ।”

प्रेरित 7:52

तमरा पुर्खाले सबइ अगमबक्तालाइ सतायो। तिननले तइ अगमबक्तालाइ लगइ मार्यो जइले ख्रीष्ट जो धार्मि छन तिन आउन्याहुन भणि भविष्यवाणी अर्याथ्यो। रे जब ख्रीष्ट आया, तब तमनले उनलाइ धोका दिइबर उनलाइ मार्या।

१ पत्रुस 3:18

म इसो भणनउ क्याकि हमरा पापका लाग्दा ख्रीष्टले लगइ कष्ट भोग्यो रे मर्या। उन एक बेर मान्तर मर्या रे यइलाइ दोसर्याउनु आवश्यक आथिन। उन एक परमेश्वरका नजरमि ठीक मान्स थ्या, जो पापी मान्सनकि निउति मर्या ताकि उनले हामलाइ परमेश्वरको नजिक ल्याउन सक्या हो। तिननले उनरो शरीरलाइ मार्यो, तर, उनरो आत्मा जिउनोइ छ।

प्रेरित 4:27

क्याकि भण्या साँच्चि तमनले अभिषेक अर्या, तमरा पबित्र सेवक येशूको बिरोधमी राजा हेरोद रे पन्तियस पिलातस हाकिम दुइ जाना, गैर-यहुदि रे इस्राएल देशका मान्सनसित इसइ सहरमि जम्मा भयाथ्या।

याकुब 5:6

तमरो बिरोध नअद्द्या धर्मिलाइ दोषि बनायाछौ रे तमनले मार्याछौ।

प्रेरित 22:14

“तइ पछा तिनले मलाइ भण्यो, ‘हामरा पिता पुर्खाका परमेश्वरको इच्छा तमले जाण भणबर उनले तमलाइ छान्यो। तमले धार्मि सेवक येशूलाइ धेक्दपाया रे उनले भण्या कुरणी सुण्नाइकिलाइ तमलाइ छान्या छ।

प्रकाश 3:7

येशूले मलाइ इसो लगइ भण्यो, “फिलाडेल्फिया सहरका मण्डलिका स्वर्गदुतलाइ यो सन्देश लेख: म उइ हुँ जो पबित्र रे जो सत्य छ, जइसित राजा दाउदको चाबि छ, जब म तइ चाबिले ढोका खोल्लउ, कसइले लगइ तइलाइ बन्द अद्द सक्दइन रे जब मइले चाबिले बन्द अद्दउ कसइले खोल्ल सक्दइन। जी म तमनलाइ भणनउ उइलाइ सुण:

१ यूहन्ना 2:1

तमन जो मेरा प्यारा बालक जसाइ छौ, तमनले पाप जन अर भणबर म तमनलाइ यिन कुरणी लेख्दाछु। तर कसइ मान्सले पाप अरन्छ भण्या लगइ पिता परमेश्वरसित हामरो सहयोग अद्द्या एक जाना छन रे जइले हामरो पाप क्षमा अद्दाइलाइ बिन्ति अरन्छ, त्यो मान्स येशू ख्रीष्ट हुन, जो परमेश्वर अगाडी पूरारुपमी ठीक छन।

२ कोरिन्थी 5:21

ख्रीष्टमी पाप थेइन, तर परमेश्वरले उनलाइ हामरा पापमि सहभागी बनायो। परमेश्वरका नजरमि हाम धर्मि बन्न सकउ भणबर ख्रीष्टले हामरा पापको दण्ड लियो।

प्रेरित 2:27

क्याकि तमले मलाइ पातालमि रनदियानु, रे नति आफ्ना पबित्र जनको मर्या शरीर कुन दिन्या हौ।

लूका 23:25

तिनले तइ बरब्बालाइ छाडिदियो, जो बिद्रोह रे हत्याको अरोपमि झेल पड्या थ्यो। तसइलाइ छाडिदिय भणबर तिननले माग अर्याथ्यो। तर येशूलाइ कोर्रा लाइबर क्रुसमि माद्दालाइ रोमी सिपाइलाइ सुम्पिदियो।

लूका 1:35

स्वर्गदुतले तइलाइ जबाफ दिइबर भण्यो, “पबित्र आत्मा तुमि आउन्याहुन, रे परमप्रधानका सक्तिको छायाँ तुमि पड्डया हो। तबइकिलाइ तु बठेइ जन्मयाको बालक पबित्र हुन्या हुन, रे उन परमेश्वरका चेलो भणिन्याहुन।

मर्कुस 15:11

पइ यहुदि मुख्य पुजारिनले भिडका मान्सनलाइ बरब्बालाइ हामरो निउति छाद्याइलाइ माग अर, येशूलाइ जन छाड्या भणि पिलातुसलाइ भण्न लायो।

मर्कुस 15:7

ताँ तइ समयमि बरब्बा नाउँ भया एक मान्स थ्यो, जो और बिद्रोही सितइ झेलमि थ्यो, जइले रोमी सासकको बिरुद्द बिद्रोहोमि भौत मान्सलाइ मार्याको थ्यो।

मत्ती 27:20

यहुदि मुख्य पुजारि रे यहुदि मान्सनका अगुवाले बरब्बालाइ हामरा निउति छाड्डाइ माग अर, रे येशूलाइ मृत्यु दण्ड दिन्या माग अर भणीबर मान्सलाइ सूरेयो।

यूहन्नाले लेख्या सुसमाचार 16:10

धार्मिकताका बिसयमि, क्याकि म पिता वाँ जानउ, रे तमन मलाइ आजी धेक्द्या होनु।

यूहन्नाले लेख्या सुसमाचार 18:40

पइ आजी तिनन इसो भणि कला हाल्ल पस्या, “यइ मान्सलाइ होइन तर बरब्बालाइ छाडिदिय” जो बिद्रोह रे हत्याको अरोपमि झेल पड्या थ्यो।

प्रेरित 5:28

“हामले तमनलाइ येशू ख्रीष्टका नाउँमि कसइलाइ केइ जन भण भणबर कडा चेतावनी दिइराइथ्या, तर तमनले आफना शिक्षाले जम्माइ यरुशलेम सहर भरिसक्या, रे तइ मान्सको हत्याको दोस जबरजस्ती हाममि लाउन खोज्जा छौ।”

प्रेरित 13:28

मृत्यु दण्ड दिन्या दोस केइ नपाया लगइ तिननले येशूलाइ माद्दु पणन्छ भणि पिलातस हाकिमसित बिन्ति अर्यो।