प्रेरित 24:12 - डोटेली नयाँ करार

¹² यिननले न त मलाइ मन्दिरमि, न त यहुदि सभाघरमी कसइ मान्ससित वाद-बिबाद अद्दारया अथवा न त सहरमि काइ मान्सनलाइ उर्याउन्नारया भेट्यो,

डोटेलि

¹² यिनुनले न त मुलाइ कसइ मान्‍ससित बहस अद्‍दारया भिट्‍यो, न मन्‍धिरमि, सभाघरमि या सहरमि मान्‍सनलाइ भट्‍काया भिट्‍यो।

प्रेरित 24:12 Iomraidhean Croise

मर्कुस 9:14

जब येशू रे उनरा तीन जाना शिष्या पहाड बठेइ फर्किबर तलतिर और शिष्याका वाँ आया, तब उननले तिनरा वरिपरि एक ठुलो भिड धेक्यो रे मोशाको कानुन सिकाउन्यावालाले तिननसित तर्क बितर्क अद्दाथ्या।

यूहन्नाले लेख्या सुसमाचार 18:21

तम मलाइ क्याकि सोदन्छौ? तिननलाइ सोध मइले तिननलाइ जी जी भण्याथ्या सुणन्या वालालाइ था छ।”

प्रेरित 24:18

तइ बेला मलाइ मन्दिरमि सुद्द हुन्या रित मइले पुरा अद्दार्या यिननले धेक्थ्यो। ताँ केइ भिड थेइन, रे हल्ला लगइ थेइन।

प्रेरित 24:5

क्याकि हामले यइ मान्सलाइ जाँइ ताँइ दु:ख दिइबर हिट्या, संसार भरिका जम्माइ यहुदि मान्सनका बिचइनि हुलदङ्गा मचाउन्या, रे नासरी दलका मुख्य अगुवाको रुपमि भेटिराइछौ।

प्रेरित 25:8

पावलले आफना पक्षमि बोलिबर भण्यो, “मइले यहुदि मान्सनका कानुनको बिरोधमी, मन्दिरका बिरोधमी, रे सम्राटका बिरोधमी केइ अपराध अर्या आथिन।”

प्रेरित 28:17

तीन दिन पछा पावलले यहुदि मान्सनका ताँइका अगुवानलाइ बोलाउन पठायो। तिनन जमा भया पछा पावलले तिननलाइ भण्यो, “भाइन हो, मइले त आफना देशका मान्सन रे पिता-पुर्खाको रितका बिरोधमी केइ काम अर्या थेइन। पइलगइ पकोडीबर यरुशलेम सहर बठेइ रोम सहरका सरकारका हातमि मलाइ दियो।