प्रेरित 23:1 - डोटेली नयाँ करार

¹ पावलले यहुदि महासभा तिर एकहोरो होइबर तक्यो, रे भण्यो, “भाइन हो, आजका दिन सम्म परमेश्वरका नजरमि मइले सुद्द बिबेकले जीवन बिताइराइछु।”

डोटेलि

¹ पावलले माहासभाका चारइतिर हेरिबर भुन्‍यो, “दाइभाइन हो, आजसम्‍म मेरा जिबनका यात्‍रामि मुइले मेरा मनलाइ परमेस्‍वरका अगाडि चोखो राख्‍या छु।”

प्रेरित 23:1 Iomraidhean Croise

मत्ती 5:22

तर म तमनलाइ भण्नउ कि जइले लगइ कसइसित रिस अरन्छ, तिननले पंचायतमि दण्ड पाउन्या हुन, रे जइले कसइलाइ काम नलाग्द्या भणन्छ, तिननले यहुदि महासभामि दण्ड पाउन्या हुन। तर जइले कसइलाइ तु मुर्ख भणन्छ, तिननले नरकका आगामी दण्ड पाउन्या हुन।

प्रेरित 22:1

भाइन रे बा हो, तमरा अगाडी मइले आफना बारेमि भण्नु पड्या कुरणी आब सुण।

प्रेरित 22:30

यहुदि मान्सनले पावललाइ क्याइ दोस लाया हुन, त्यो कुरणी रोम सहरका सेनापति बुज्ज चाहान्थ्या। तबइकिलाइ भोलिबार उनले मुख्य पुजारिन रे यहुदि महासभाका सब मान्सनलाइ बोल्याउन्या आज्ञा अर्यो, पइ पावललाइ लेइबर तिनरा अगाडी कल्यायो।

प्रेरित 22:5

यहुदि प्रधान पुजारि रे सभामी भया जम्माइ यहुदि मान्सनका अगुवा लगइ मेरा पक्षमि गवाही दिन सक्दाहान। उननले मलाइ दमस्कस सहरमि भया यहुदि भाइनको नाउँमि चिठ्ठी दियो, रे तइ चिठ्ठीमि मलाइ प्रभु येशूमि बिश्वास अद्द्या मान्सनलाइ पकड्या अधिकार मिल्याथ्यो, तबइकिलाइ तिननलाइ बादिबर यरुशलेम सहरमि सजाय दिन्या उद्देश्यले दमस्कस गाउँमी जान्नाथ्या।”

प्रेरित 23:15

तबइकिलाइ मुख्य पुजारिन, यहुदि अगुवान रे यहुदि महासभाका और मान्सन मिलिबर रोम सहरका सेनापतिलाइ भण कि, पावलको मुद्दाको फैसला निक्केरि अद्दु पणन्छ भण्न्या निउ बनाइबर पावललाइ झिका रे याँ महासभामि ल्यास। त्यो याँ आउन्जेइ हाम तइलाइ बाटाइमि मारदिनाउ।”

प्रेरित 23:20

तइले भण्यो, “यहुदि अगुवानले पावलका बारेमि आजी निक्केरि सोधपुछ अद्द्या निउ अरिबर भोल तिनलाइ यहुदि महासभामि लेइदिय भणि तमनलाइ बिन्ति अद्द्या सल्लाह अरिराइछ।

प्रेरित 23:28

कि अरोपमि तिननले यइलाइ दोस लाया रइछन भणि जाण्न्या इच्छाले मइले यइलाइ तिनरा यहुदि महासभामि लेया।

प्रेरित 23:6

तर तइ यहुदि महासभामि एक दल सदुकीको समुह रे अर्खो दल फरिसि मान्सन रइछन भण्न्या था पाइबर पावलले जोरले भण्यो, “भाइन हो, म फरिसि हु रे म फरिसि मान्सनको सन्तान हु। परमेश्वरले मर्या बठेइ जिउना बनाउन्या हुन भणन्या आसा राख्या हुनाले याँ मेरो मुद्दा चलिरइछ।”

प्रेरित 24:16

तबइकिलाइ परमेश्वरसित रे मान्ससित म सधान सुद्द बिबेक राख्द्या कोशिस अद्दउ।

प्रेरित 6:15

यहुदि महासभामि बस्या तिनन सबले तिनलाइ एकहोरो हेर्यो, रे तिनरी अनार स्वर्गदुतका अनार जसोइ धेक्यो।

१ कोरिन्थी 4:4

क्याकि मेरा चेतनाले मलाइ केइ कुरणीमि दोषि बनाउनइन, तर तइले मलाइ निर्दोष साबित अद्दैन। मेरो न्याय अद्द्या त प्रभुइ हुन।

२ कोरिन्थी 1:12

हाम गर्व अद्दाउ कि हामरो बिबेक स्पष्ट छ। संसारमी रे बिसेस अरिबर तमन सितको हामरो सम्बन्धमि हाम परमेश्वर बठेइ आया पबित्रता रे सत्यतामि चल्याछौ, यो संसारिक बुद्दिले होइन तर परमेश्वरको अनुग्रह बठेइ हो।

२ कोरिन्थी 4:2

हाम सरमका रे लुकिछिपि अद्द्या काम अददाइन। हाम छल कपट अथवा परमेश्वरको बचनलाइ हेरफेर अद्दया काम लगइ अद्दाइन। तर हाम परमेश्वरको नजरमि सत्य मान्तर सिकाउनाउ रे यो सत्य हो भणबर हरेक मान्सले गवाही दिन सक्न्छ।

२ तिमोथी 1:3

म परमेश्वरलाइ धन्यबाद दिनउ जइको मइले रे मेरा पुर्खाले सुद्द बिबेकसित आराधना अर्याथ्या जब म प्रार्थना अद्दउ म सदाइ तेरि निउति प्रार्थना अद्दउ।

हिब्रु 13:18

हामरा निउति प्रार्थना अर। हामलाइ निश्चय था छ कि हामरो बिबेक स्वच्छ छ, रे हामले अद्दया सब कुरणीमि हाम परमेश्वरलाइ आदर दिन चाहानाउ।

१ पत्रुस 3:16

तर यो बिनम्र रे आदरपुर्ण तरिकाले अर। सदाइ जी ठीक छ त्यइ अर। तब यदि मान्सनले तमरो बिरुद्दमि खराब कुरणी अददाहान भण्या, तिनन लाजमि पड्डया हुन जब तिननले तमरो ख्रीष्ट सितको सम्बन्धका लाग्दा तमरो असल ब्यबहार धेक्दाहान।