प्रेरित 21:3 - डोटेली नयाँ करार

³ हामरा बाँउतीर साइप्रस टापु धेकियो, हामले तइलाइ छाडिबर सिरिया प्रदेसतिर बड्डाइ गया रे टुरोस सहरमि पुग्या क्याकि ताँ जहाज बठेइ सामान उताद्दु पण्याथ्यो।

डोटेलि

³ जबइ साइप्रस देस धेकियो, तबइ हाम तइलाइ दाइनतिर पाडिबर सिरिया इलाकातिर लागिबर टुरोस सहरमि ओरल्‍या। क्‍यालाइकि ताँ पानिजहाजका मालसामान उताद्‍दथ्‍यो।

प्रेरित 21:3 Iomraidhean Croise

मत्ती 11:21

तमन भयानक समस्यामि छौ! तम मान्सनलाइ जो खोराजिन सहरमि बसन्छौ! तमन भयानक समस्यामि छौ! तम मान्सन जो बेथसेदा गाउँमी बसन्छौ! यदि तमनमि धेकाया अचम्मका काम टुरोस रे सिदोन सहरमि धेकाया भयले, ताँका मान्सनले पइल्ली भाङरा लाइबर छार घस्सेइ थ्या, यो धेकाउनाइ कि तिनन पाप अद्द छाडिबर परमेश्वरतिर फर्किया छन!

मत्ती 4:24

उनरो बारेमि सब सिरिया प्रदेस भरि खबर फैलियो जो गालील जिल्लाको उत्तर तिर पणन्छ, रे बिमारी, जो फरक किसिमका रोग रे पिडाले सताया, भूत लाग्या रे मिर्गी रे लुला भया सबलाइ मान्सले उनरा वाँ लेया। उनले तिनन सबलाइ निका बनायो।

लूका 10:13

“तमन भयानक समस्यामि छौ! तुलाइ, खोराजिन! तमन भयानक समस्यामि छौ! तुलाइ, बेथसेदा गाउँ! क्याकि तमनमि भया अचम्मका काम टुरोस रे सिदोन सहरमि अरिया भयले तिननले अगाडी बठेइ भाङरा लाइबर छारमि बसिबर पाप अद्द छाडिबर परमेश्वरतिर फर्की सक्द्याथ्या।

लूका 2:2

कुरेनियस सिरिया प्रदेसका हाकिम हुनज्या यो पइल्ली बेरको जनगणना थ्यो।

प्रेरित 11:19

स्तिफनसलाइ मार्या पछा, प्रभु येशूमि बिश्वास अद्द्या सब मान्सनलाइ दुख दिया हुनाले भौत मान्सन यरुशलेम सहर छाडिबर गया। तर तिननले यहुदि मान्सनलाइ मान्तर येशू ख्रीष्टका बारेमि सन्देश दिनाइ, फोनिके जिल्ला, साइप्रस टापु रे सिरिया जिल्लाको एन्टिओखिया सहर सम्म यात्रा अर्यो।

प्रेरित 12:20

राजा हेरोद टुरोस सहर रे सिदोन सहरका मान्सनसित भौत रिसाइरइथ्या। तबइकिलाइ तिन दुएइ सहरका मान्सन राजा हेरोदसित भेट्टाइ तिनन एकहठ्ठा होइबर उनरा वाँ आया, रे सबहइ पइल्ली तिननले बलस्तससित सहयोग माग्यो, जो राजा हेरोदको सहयोग अद्द्या मान्स थ्यो, तब तिननले राजा हेरोदसित सान्ति अद्दाइलाइ भण्यो, क्याकि तिनन आफ्ना अन्नको पुर्ति अददाइ निउति राजा हेरोदका देशमि भर पणन्थ्या।

प्रेरित 13:4

बारनाबास रे शाउललाइ पबित्र आत्माले पठाया हुनाले तिनन एन्टिओखिया सहर बठेइ सिलुकिया सहरमि गया, रे ताँ बठेइ जहाजमि चड़िबर साइप्रस टापुमि गया।

प्रेरित 15:23

रे यहूदा भणिन्या बारनाबास रे सिलाससित तिननले यो चिठ्ठी पठायो, “एन्टिओखिया सहर, सिरिया प्रदेस रे किलिकिया प्रदेसमि रन्या गैर-यहुदि बिश्वासि भाइनलाइ, येशू ख्रीष्टका छान्या शिष्या रे मण्डलिका अगुवानको अबिबादन।

प्रेरित 15:39

पावल रे बारनाबासका बिचइनि इति ठुलो मतभेद भयो कि, तिनन एक-अर्खा बठेइ छुटिया, रे बारनाबास मर्कुसलाइ आफसित लैजाइबर साइप्रस टापुतिर गया।

प्रेरित 15:41

आजी तिनन सिरिया प्रदेस रे किलिकिया प्रदेसमि गया, रे मण्डलिका बिश्वासिनलाइ उत्साह दिनाइ गया।

प्रेरित 18:18

तइ पछा पावल भौत दिन सम्म कोरिन्थ सहरमि बस्या। तब भाइनसित बिदा होइबर तिन जहाजमि चडिबर सिरिया प्रदेसमि गया। तिनसित प्रिस्किला रे तइका बैकान अकिलास लगइ थ्या। केइ समय पइल्ली बाचा अर्या हुनाले पावलले किंक्रिया सहरमि आफना रौ खुडेयो।

प्रेरित 21:16

कैसरिया सहरमि प्रभुका शिष्या लगइ हामसित आया रे साइप्रस टापुमि एक जानो पुरानो शिष्य मनासोन नाउँ भया मान्सका घरमि बस्या।

प्रेरित 21:2

पइ फोनिके जिल्लामि जान्या एक जहाज मिल्यो रे हाम तइमि चडिबर गया, रे यात्रा सुरु अर्या।

प्रेरित 21:7

टुरोस सहर बठेइ सुरु अर्या यात्रा पुरा अरिसक्या पछा हाम टोलेमाइस गाउँमी पुग्या, रे भाइनलाइ भेटबर तिननसित एक दिन बस्या।

प्रेरित 27:4

ताँ बठेइ हामले आजी यात्रा सुरु अर्या, तर जहाजका अगाडी बठेइ बतास चल्या हुनाले हामले साइप्रस टापुको आड लिइबर गया।

प्रेरित 4:36

आब साइप्रस टापुको लेवि कुलका योसेफ, जइलाइ येशू ख्रीष्टका छान्या शिष्याले “बारनाबास” भणि नाउँ राखराइथ्यो (जइको अर्थ उत्साहको चेलो),