प्रेरित 20:9 - डोटेली नयाँ करार

⁹ युटिकस नाउँ भया एक जाना जबान मान्स झ्यालमि बसिरइथ्यो। पावलले भौत बेर सम्म कुरणीकानी अरन्ज्या तइलाइ निन लागी रे त्यो सिइय्यो, निनमि त्यो तेसरा तला हइ झड्यो, रे उतन्जेइ केइ मान्सन तल्तिर आइबर तइलाइ उठायो तर त्यो मरिसक्या थ्यो।

डोटेलि

⁹ युटिकस नाउँ भया एक जनो केटो झ्‍यालमि बस्‍या थ्‍यो। पावलले भउत बेरसम्‍म कुरडि अर्‍याहुनाले त्‍यो केटो झुम्द लाग्‍यो, झुम्दाझुम्दाइ उ सिइयो रे तिन तला मल्तिरबटहइ तल्तिर झण्यो। उइलाइ उठाउन जान्‍ज्‍या उ मरिसक्‍याथ्‍यो।

प्रेरित 20:9 Iomraidhean Croise

मर्कुस 13:36

इसेरि म फर्कि आउन्या समयकीलाइ तयार बस, क्याकि तमनलाइ था आथिन कि म कब फर्कि आउन्या हु। रे यदि म अचानक आया भण्या, म तमनमि हइ कसइलाइ बिना तयारि नभेटु।

मर्कुस 9:26

पइ त्यो भूतले तइ केटालाइ जोरले मडारमुडुर पाणिहाल्यो, कला हलिबर तइ केटा बठेइ निकल्यो। रे त्यो केटा मर्याजसो भयो याँ सम्मकि भौत मान्सले भण्न लाग्या यो त मरियो।

प्रेरित 14:19

पइ एन्टिओखिया सहर रे आइकोनियन सहर बठेइ केइ यहुदि मान्सन ताँ आया रे ताँका मान्सनलाइ उरेइबर पावललाइ ढुङाले हाण्यो रे उन मर्यारइछन सुचिबर उनलाइ सहर बठेइ खड्काइबर बाइर लैया।

प्रेरित 20:10

तब पावल तल्तिर तइका वाँ गया रे घोप्टिबर तइलाइ अङाल हाल्यो रे वलतिर पल्तिरका मान्सनलाइ भण्यो, “तमन जन आतिय, क्याकि यो जिउनोइ छ।”

प्रेरित 20:7

आइतबारका दिन जब हाम प्रभुभोज खानाइ एकहठ्ठा भया, तब पावलले भोलिबार जान्या मन अर्या हुनाले, तिननसित अधरात सम्म कुरणीकानी अर्या।

प्रेरित 20:8

हाम एकहठ्ठा भया मल्लो तलाको कोठामी भौत बत्ति बल्लाथ्या।