प्रेरित 20:3 - डोटेली नयाँ करार

³ ताँ तिन तीन मैना सम्म बस्या। तिन सिरिया प्रदेशमि जहाज बठेइ जान्ज्या, तिनले केइ यहुदि अगुवानले तिनलाइ जहाजमि माद्या योजना बनाइराइछ भणन्या सुण्यो तबइकिलाइ पावलले माकेडोनिया प्रदेस होइबर सिरिया प्रदेशमि जान्या पक्‍का अर्यो।

डोटेलि

³ ताँ तनले तिन महिना काट्‌यो। तइपाछा पावल पानि जहाज चडिबर सिरियातिर जान्‍ज्‍या यहुदिनले उनरा बिरुद्‍दमि जाल रच्‍चाछन् भन्‍न्‍या कुरडि उनुले था पायो, त्‍यसो भयाहुनाले पावलले पानिजहाजबटहइ नजाइबर हिटिबर माकेडोनिया होइबर जान्‍या मन अर्‍यो।

प्रेरित 20:3 Iomraidhean Croise

मत्ती 4:24

उनरो बारेमि सब सिरिया प्रदेस भरि खबर फैलियो जो गालील जिल्लाको उत्तर तिर पणन्छ, रे बिमारी, जो फरक किसिमका रोग रे पिडाले सताया, भूत लाग्या रे मिर्गी रे लुला भया सबलाइ मान्सले उनरा वाँ लेया। उनले तिनन सबलाइ निका बनायो।

प्रेरित 16:12

रे ताँ बठेइ फिलिप्पी सहरमि पुग्या, जो माकेडोनिया प्रदेसको ठुलो सहर थ्यो, रे त्यो रोमी मान्सनको कब्जामी थ्यो। हाम तइ सहरमि केइ दिन बस्या।

प्रेरित 16:9

तसइ रात पावललाइ एक दर्सन भयो माकेडोनिया प्रदेसमि बस्या एक जानो मान्स कल्लिबर तिनलाइ बिन्ति अद्दाथ्यो, “समुद्रको पारिबटा ओलीबर माकेडोनिया प्रदेसमि आस, रे हामलाइ सायता अर।”

प्रेरित 18:18

तइ पछा पावल भौत दिन सम्म कोरिन्थ सहरमि बस्या। तब भाइनसित बिदा होइबर तिन जहाजमि चडिबर सिरिया प्रदेसमि गया। तिनसित प्रिस्किला रे तइका बैकान अकिलास लगइ थ्या। केइ समय पइल्ली बाचा अर्या हुनाले पावलले किंक्रिया सहरमि आफना रौ खुडेयो।

प्रेरित 19:21

यिन कुरणी भइ सक्या पछा पावल माकेडोनिया प्रदेस रे अखैया प्रदेशका बिश्वासीसित भेट्यो रे तइ पछा यरुशलेम सहरमि जान्या फैसला अर्यो। तिनले भण्यो, “यरुशलेम सहरमि पुग्या पछा म रोम सहरमि जानुइ पणन्छ।”

प्रेरित 20:1

यो हुलदङ्गा रोकिया पछा पावलले प्रभु येशूका शिष्यालाइ जम्मा अर्यो रे तिननलाइ उत्साह दिइबर बिदा भया, रे माकेडोनिया प्रदेसमि गया।

प्रेरित 20:19

पुरा नम्रतामि आँउस बगाउनोइ, यहुदि मान्सको जालजेलको बेलामि ठुलो संकट पड्या लगइ मइले प्रभुको सेवा अर्या।

प्रेरित 20:2

तइ प्रदेशमि गइबर तिननलाइ भौत उत्साह दिया पछा तिन ग्रीस प्रदेशमि गया, जइलाइ अखैया प्रदेस लगइ भणिन्छ।

प्रेरित 21:3

हामरा बाँउतीर साइप्रस टापु धेकियो, हामले तइलाइ छाडिबर सिरिया प्रदेसतिर बड्डाइ गया रे टुरोस सहरमि पुग्या क्याकि ताँ जहाज बठेइ सामान उताद्दु पण्याथ्यो।

प्रेरित 25:3

रे पावललाइ यरुशलेम सहरमि पठाइबर कृपा अरिदिय भणि बिन्ति अर्यो, क्याकि तिननले पावललाइ बटाइनि माद्द्या योजना बनायाथ्यो।

२ कोरिन्थी 1:15

तमनले हामलाइ बुज्न्छौ भणन्या कुरणीमि म पक्‍का भया हुनाले म तमनलाइ पइल्ली बेर भेट्टाइ खोज्जाथ्या, ताकि तमनलाइ दुइ बेर भेट्टाइ आया आशिस तमनलाइ हुन सकउ।

२ कोरिन्थी 11:26

मेरो बारम्बारका यात्रामि म नदिका जोखिममि पण्या, डाँकुका जोखिममि, आफनाइ जातिका मान्सका जोखिममि, गैर-यहुदिका जोखिममि, सहरका जोखिममि, उजाड ठाउँका जोखिममि, समुद्रका जोखिममि रे झुटा भाइन बठेइ आउने जोखिममि।

२ कोरिन्थी 7:5

क्याकि हामले त्रोआस सहर छाडिबर याँ माकेडोनिया प्रदेसमि आया पछा लगइ हामलाइ केइ आराम मिलेइन तर चारै तिर बठेइ हामलाइ सङकष्ट आयाथ्यो, सबतिर झैझगडा, रे हामरो हृदयभित्र डरइडर थ्यो।

गलाती 1:21

तिनन येशू ख्रीष्टका छान्या शिष्यालाइ भेट्या पछा म सिरिया रे किलिकिया प्रदेसका इलाकातिर गया।