प्रेरित 12:4 - डोटेली नयाँ करार

⁴ राजा हेरोदले पत्रुसलाइ गिरफ्तार अरिबर झेल हाल्दियो, रे निस्तार काजबार पछा तिनलाइ मान्सनका अगाडी उनरो न्याय अद्दाइ ल्याउन्या बिचार अरिबर तिनरो चौकिदारी अद्दाइ सिपाइका चार समुहका जिम्मा लाइदियो।

डोटेलि

⁴ हेरोदले पत्‍रुसलाइ पकणिबर झेलखानामि हालिदियो, रे निस्‍तार चाडपाछा तनलाइ मान्‍सनका अगाडि लेउन्‍या बिचार अरिबर तनरो पहरा अद्‍दाइलाइ सोल जना सिपाइनलाइ चार चार जनाको टोलि बनाइबर पहरा दिनाइलाइ राख्‍यो।

प्रेरित 12:4 Iomraidhean Croise

मत्ती 24:9

तब जो मान्स तमरो बिरोध अरन्छ तमनलाइ संकटकि निउति दिन्या हुन, रे मारिदिन्या हुन। रे तमनलाइ सब जातिले घृणा अद्दया हुन क्याकि तमन ममि बिश्वास अर्न्छौ।

मत्ती 26:5

तर तिननले भण्यो, काजबारका बेलामि नइ। नति त मान्समि खलबल हुन्या हो।

मर्कुस 14:1

आब दुइ दिन पछा निस्तार काजबार रे अखमिरी रोटिको काजबार सुरु हुन्नाथ्यो, यहुदि मुख्य पुजारिन रे मोशाको कानुन सिकाउन्यावालाले कसेरी येशूलाइ गोप्यमी पकड्डाउ रे माद्दाउ भणि मौका खोज्जाथ्या।

लूका 21:12

तर यिन सब कुरणी हुनाहइ पइल्ली, मान्सन तमलाइ पकड्या हुन, रे सताउन्याहुन, रे तमनलाइ यहुदि सभाघरमी सुम्पिदिन्या हुन, रे झेलमि हाल्दिन्या हुन। तमनलाइ मेरो नाउँकि निउति हाकिमका रे सासकका साम्नेइ पुर्याउन्या हुन।

लूका 22:33

तइ पछा पत्रुसले उनलाइ भण्यो, “हे प्रभु, म तमसित झेलमि रे मद्दाइ सम्म जानाइ तयार छु।”

यूहन्नाले लेख्या सुसमाचार 19:23

तब सिपाइले, येशूलाइ क्रुसमि टाङया पछा येशूका लत्ता लगइ जाइबर हरेक सिपाइनकिलाइ एक-एक भाग हुन्या अरि चार भाग लायो। रे उनरो कुर्ता मल्तिर बठेइ तल्तिर सम्म एकइ धागाले सिल्या थ्यो।

यूहन्नाले लेख्या सुसमाचार 21:18

साँच्चि, म तमनलाइ भण्नउ पइ तमन जबान थ्या तमन आफइ कम्मर कसरन्थ्या पइ जा जान्या मन लागन्छ वाँ जान्थ्या घुमन्थ्या तर जब तमन बुढा हुन्छौ, पइ तमन आफ्ना हात फइलाउन्या हौ रे अर्खाले तमरो कम्मर कस्दिन्या छ रे जाँ तमन जान निको मान्नानौ वाँ लैजान्या हुन।”

प्रेरित 12:3

यइ कामले यहुदि मान्सन खुशी भया धेकिबर पत्रुसलाइ लगइ पकड्या तरखर अर्यो। यो घटना अखमिरी रोटाका काजबारका समयमि भयाथ्यो।

प्रेरित 12:5

यिसेरी पत्रुस झेलमि केइ दिन राख्यो, तर तिनरा निउति मण्डलिका मान्सनले परमेश्वरलाइ ठुला जोससित प्रार्थना अरिराइथ्यो

प्रेरित 4:28

तिननले तेइ अर्यो, तर तिननले तमरो सक्ति रे तमरा इच्छा बठेइ तमले पइल्ली बठेइ बिचार अर्या अन्सार मान्तर काम अर्यो।

प्रेरित 4:3

तब तिननले यिननलाइ पकोड्यो, रे भोलिबार सम्म थुनामि राख्यो, क्याकि तइ बेला बसाइतक भइगइथ्यो।

प्रेरित 5:18

रे छान्या शिष्यालाइ पकोडीबर सरकारि झेलमि हाल्दियो।

प्रेरित 8:3

तर शाउलले मण्डलिलाइ नास अद्दाथ्या, तिन घर-घर पसिबर बिश्वासि बैकान रे स्वानी मान्सनलाइ घसाणीबर लैजान्थ्या रे झेल हाल्दिन्थ्या।