२ कोरिन्थी 9:2 - डोटेली नयाँ करार

² क्याकि म तमरो सहयोग अद्द्या इच्छा जाण्नउ, रे तमरा बारेमि मइले माकेडोनिया प्रदेसका बिश्वासिनलाइ लगइ घमण्ड अद्दोइ भण्या, कि पोर साल बठेइ अखैया प्रदेशका मान्सन दिनाइ तयार थ्या, तमरो दिन्या इच्छाका लाग्दा तिनन मध्ये भौतको आब दिन्या इच्छा भया छ।

२ कोरिन्थी 9:2 Iomraidhean Croise

प्रेरित 18:12

जब गलियोन अखैया प्रदेसका हाकिम भया, तब यहुदि मान्सन मिलिबर पावललाइ जाइ लाग्या रे उनलाइ समाइबर अदालतमि हाकिमका वाँ लैजाइबर भण्यो,

प्रेरित 24:17

आब केइ बर्ष पछा मेरा मान्सनलाइ उपहार दिनाइ, जो गरिब छन रे परमेश्वरलाइ बलिदान चडाउनाइ म यरुशलेम सहरमि आयाथ्या।

रोमी 15:26

क्याकि यरुशलेम सहरमि हुन्या पबित्र जन रे जो गरिब छन, तिनकीलाइ माकेडोनिया प्रदेस रे अखैया क्षेत्रका मण्डलिका मान्सनले स्वइच्छाले केइ भेटी दिन्या निर्णय अर्याछ।

१ कोरिन्थी 16:15

बिश्वासि भाइन हो, तमनलाइ था छ, कि स्तिफनास रे उइका परिबार अखैया प्रदेशमि बिश्वास अद्द्यामि तिनन पइला बिश्वासि हुन। तिननले पबित्र जनका सेवामि आफइलाइ समर्पण अर्या छन।

२ कोरिन्थी 1:1

यो चिठ्ठी पावल रे हामरा बिश्वासि भाइ तिमोथी बठेइ हो। म, पावल परमेश्वरको इच्छा अनसार येशू ख्रीष्टको छान्या शिष्य हु। म यो चिठ्ठी कोरिन्थ सहरमि भया परमेश्वरको मण्डलिलाइ, रे सारा अखैया प्रदेशमि भया सब पबित्र मान्सनलाइ लेख्दाछु।

२ कोरिन्थी 7:14

क्याकि तीतसका सामने तमरा बारेमि घमण्ड अर्याथ्या रे तमनले मलाइ तइका बारेमि निरास बनायानु। तर जसेरि हामले तमनलाइ भण्याका सब कुरणी सत्य थ्या, तसेरि तितसका सामने हामले अर्याका घमण्ड लगइ सत्य ठहरिया छ।

२ कोरिन्थी 7:4

तमनमि मेरो ठुलो भरोसा छ। तमनमि म भौत घमण्ड अद्दउ। म सान्त्वनाले परिपुर्ण छु। हामरा सब कष्टमी म भौत आनन्दित छु।

२ कोरिन्थी 8:10

पोर साल तमन दिन्या काममी सब भणन अगाडी मान्तर होइन, तर तसो अद्दया इच्छामि लगइ सब भणन अगाडी थ्या। यइ बारेमि तमरा निउति मेरो उत्तम सल्लाह यइ हो:

२ कोरिन्थी 8:11

आब तमनले सुरु अर्या कामलाइ पुरा अर तमनसित भया अनसार जाति दिन सकन्छौ दिय। तमन यइ कामलाइ सुरु अददाइ उत्सुक भया जसेरि यइलाइ पुरा अददाइ लगइ उत्सुक हुनु पणन्छ।

२ कोरिन्थी 8:19

रे इति मान्तर होइन तर प्रभुका महिमाको निउति रे यरुशलेम सहरका बिश्वासिनलाइ हाम सहयोग अददाइ उत्सुक छौ भणि धेकाउनाइलाइ हामले अददार्या असल काममी भेटी लेइबर हामसित यात्रा अददाइ मण्डलि बठेइ तिन नियुक्त भया छन।

२ कोरिन्थी 8:24

तबइकिलाइ तमनले तिननलाइ आफ्नो प्रेम धेका, रे मण्डलिका सब बिश्वासिनलाइ प्रमाणित अर कि हामले तमरा बारेमि अर्या घमण्ड सत्य हो।

२ कोरिन्थी 8:8

मइले यो आज्ञाका रुपमि भण्या होइन तर औरका जोससित तुलना अरिबर तमरो प्रेम लगइ सत्य हो भण्न्या प्रमाणित अद्दाइलाइ मइले यो भण्या हु।

१ थेसलोनिकि 1:7

रे माकेडोनिया प्रदेस रे अखैया प्रदेशमि सबबिश्वासिनका बिचमि तमन नमुना बन्या।

हिब्रु 10:24

हाम आपसमी एक-अर्खालाइ प्रेम अद्दया रे भलाइ अद्दया कुरणीमि एक-अर्खालाइ उत्साह दिइ राखौ।