२ कोरिन्थी 7:7 - डोटेली नयाँ करार

⁷ तिनरो आगमनले मान्तर होइन, तर तइ सान्त्वनाले लगइ, जो सान्त्वना तीतसले तमन बठेइ पायाथ्यो। मलाइ भेट्या तमरो ठुलो इच्छाका बारेमि तिनले हामलाइ भण्यो। मेरा निउति तमरा सोकको बिसयमि रे म प्रति तमरो गइलो चिन्ताको बिसयमि लगइ तिनले बतायो, रे इसेरि म आजी झिक बडता आनन्दित भया।

२ कोरिन्थी 7:7 Iomraidhean Croise

मत्ती 26:75

तब पत्रुसलाइ येशूले भणेइ यो कुरणी याद आइ, “दुइ बेर भाल्या बास्सा हइ पइल्ली तीन बेर सम्म तु मलाइ इन्कार अद्दा है।” तब पत्रुसले आफना दु:खलाइ समालि नसकिबर धुरु-धुरु रुन पस्यो।

मत्ती 5:4

धन्य हुन जो सोक अद्दाहान, क्याकि तिननलाइ परमेश्वरले सान्त्वना दिन्या हुन।

लूका 22:44

उन बड्ताइ संकटमि पडिबर आग्रहपुर्वक प्रार्थना अद्द पस्या, रे उनरो पसिना रगत जसा ठुला-ठुला थोपा भुइमि झडिरइथ्या।

प्रेरित 11:23

तिन ताँ आइबर परमेश्वरको अनुग्रह धेकिबर खुशी भया, रे तिनन सबलाइ पुरा मनले प्रभुप्रति बिश्वासि रइरनाइ उत्साह दियो।

रोमी 1:12

मेरो भणाइको अर्थ यो हो कि म तमनलाइ बलिया हुनाइलाइ सहयोग अद्द्या हु, रे तमनले मलाइ बलिया हुनाइलाइ सहयोग अद्द्या हउ। तमन बलिया हुन्या हउ क्याकि तमनलाइ था छ कि मइले कसेरी बिश्वास अर्या, रे म बलियो हुन्या हु क्याकि मलाइ था छ कि तमनले कसेरी बिश्वास अर्या।

१ कोरिन्थी 5:2

तमनले यइ कुरणिका बारेमि दुःख रे सोक माणनु पड्डयाथ्यो रे इसो अद्द्या मान्सलाइ मण्डलि बठेइ बाइर निकल्लु पणन्छ। तर तमन त घमण्ड अरन्छौ।

२ कोरिन्थी 1:14

जसेरि तमनले अइल हामलाइ केइ मान्तर बुज्या छौ, तसेरि हामरा प्रभु येशू फर्किबर आउन्जया तमनले हामलाइ पूर्ण रुपले बुज्या हौ, रे हामले तमरा बारेमि घमण्ड अर्या जसेरि तमनले लगइ हामरा बारेमि घमण्ड अद्द सकन्छौ।

२ कोरिन्थी 1:4

उनले हामरा हरेक कठीनाइमी हामलाइ सान्त्वना दिनाहान। ताकि परमेश्वरले हामलाइ सान्त्वना दिएकि जसेरि हाम और मान्सनलाइ सान्त्वना दिन सकु।

२ कोरिन्थी 2:9

तबइकिलाइ तमनलाइ जाँच्चाइ रे मेरा आदेस माण्नाइ तमन आज्ञाकारी छौ कि छइनु भण्न्या था पाउनका निउति मइले तमनलाइ लेख्याथ्या।

२ कोरिन्थी 5:2

साँच्चि हाम यइ सरीरमि भयामि दु:खी छौ। रे हाम स्वर्गीय शरीरलाइ लत्ताकि जसेरि लाउनाइ उत्कट इच्छा अददाउ।

२ कोरिन्थी 7:6

तर निरास भयालाइ सान्त्वना दिन्या परमेश्वरले तीतस आउन्ज्या हामलाइ सान्त्वना दियो।

२ कोरिन्थी 7:8

मइले तमनलाइ त्यो गम्भीर चिठ्ठी पठायामि म पछुताया आथिन, पइल्लिका बेर मलाइ दुख लाग्या भया लगइ, मलाइ था छ कि यइले तमनलाइ थोक्काइ समयकी निउति मान्तर दुखित बनाउन्या हो।

२ कोरिन्थी 8:16

म परमेश्वरलाइ धन्यबाद दिनउ, जइले तीतसका हृदयमि तमरा निउति तसइ फिक्री राख्दियो, जसो म अद्दया अद्दउ।

फिलिप्पी 1:20

मेरो उत्कट इच्छा रे आसा यो हो कि म लाजमि पड्या आथिन। तर पइल्ली मइले साहससित ख्रीष्टका बारेमि प्रचार अर्या जसोइ प्रचार अद्द सक्द्या हु। म बाचु अथवा मरु, म मेरो सारा अस्तित्वले ख्रीष्टलाइ लगातार आदर दिन्या हु।

कलस्सी 2:5

क्याकि म तमन बठेइ टाडा छु, पइलगइ म तमरो बारेमि सोचि राख्दउ। म आनन्दित छु कि तम एक भयाछौ रे जसेरि जिउनु पणन्थ्यो तसेरि जीयाका छौ रे ख्रीष्टमी तमरो पक्‍का बिश्वास धेकिबर म भौत खुशी छु।

१ थेसलोनिकि 3:6

तर अइल तिमोथी तमरा वाँ बठेइ हामरा वाँ आइबर तमरो बिश्वास रे प्रेमको सुसमाचार हामलाइ सुणायो। तमनले हामलाइ भिट्टाइ भौत इच्छा अरिबर सदाइ प्रेमसित हामरो सम्जना अरन्छौ भण्नया खबर तिनले दियो। हाम लगइ तमनलाइ भिट्टाइ तति इच्छा अद्दाउ।

१ थेसलोनिकि 3:8

क्याकि यदि तमन प्रभुमि दरिला रया भण्या हामरो जीवन अर्थपूर्ण हुन्छ।

हिब्रु 2:1

तबइकिलाइ हामले सिक्या कुरणी अददाइ निउति भौत ध्यान दिनु पणन्छ। तइ पछा हाम सत्य बठेइ बहकिबर जान्या आथिन।

याकुब 5:17

एलिया अगमबक्ता लगइ हाम जसाइ मान्स थ्या, रे उनले पानी जन पणउ भणि पुरा हृदयसित प्रार्थना अर्यो, रे तीन बर्ष छ महिना सम्म पृथ्बीमि पानी पणेइन।

२ यूहन्ना 1:4

म भौत खुशी भया, जब तमरा चेलाचेली मध्ये कसइ कसइलाइ पिता परमेश्वरले हामलाइ भण्याको आज्ञा अन्सार सत्यमी जीवन बिताया सुण्या।

यहूदा 1:3

प्रिय हो, हाम सबइ सहभागी भया येशू ख्रीष्ट बठेइ आउन्या हामरो मुक्ति रे नयाँ जीवनका बारेमि लेख्द्या मइले हरेक प्रयास अद्दाथ्या। तर आब म यइ चिठ्ठीका माध्यम बठेइ तमनलाइ उत्साहित हुनाइ आग्रह अद्दउ, ताकि तमनले ख्रीष्टिय बिश्वासलाइ बचाइ राख्दाइलाइ आजी कडा परिश्रम अद्द सक। परमेश्वरले आफ्ना मान्सनलाइ यो बिश्वास एकइ बेर दिइसक्या छ, रे यइलाइ परिबर्तन अद्द सकिनइन।