२ कोरिन्थी 7:2 - डोटेली नयाँ करार

² हामलाइ तमरा पुरा हृदयले प्रेम अर। हामले कसइको खराबी अर्या आथिन। हामले कसइलाइ भ्रष्ट पाण्या आथिन। हामले कसइ मान्स बठेइ फाइदा उठाया आथिन।

२ कोरिन्थी 7:2 Iomraidhean Croise

मत्ती 10:14

यदि जइ ठाउँमि तमरो मान्सले स्वागत अद्दाइन्न रे तमले भण्या सुण्नाइन भण्या, तइ घर अथवा सहर बठेइ निकलनज्या आफना खुट्टाको धुलो ट्ट्केइ दिया।

मत्ती 10:40

तमनलाइ स्वागत अद्द्याले मलाइ स्वागत अरन्छ, रे मलाइ स्वागत अद्द्याले मलाइ पठाउन्यालाइ स्वागत अरन्छ।

लूका 10:8

जब तमन कसइ सहरमि पसन्छौ, रे तिननले तमरो स्वागत अद्दाहन, तब तमनका अगाडी राख्दिया खानाइ खा,

प्रेरित 20:33

मइले कसइ मान्सको सुन, चाँदी, कि लत्ताको लोभ अरेइन।

रोमी 16:18

क्याकि यिसा मान्सनले हामरा प्रभु ख्रीष्टकी निउति होइन, तर आफना व्यक्तिगत चासोकि निउति सेवा अद्दाहान, रे तिननले मिठो-मिठो सब्द रे चिफला कुरणीले निर्दोष मान्सनलाइ धोका दिनाहान।

२ कोरिन्थी 1:12

हाम गर्व अद्दाउ कि हामरो बिबेक स्पष्ट छ। संसारमी रे बिसेस अरिबर तमन सितको हामरो सम्बन्धमि हाम परमेश्वर बठेइ आया पबित्रता रे सत्यतामि चल्याछौ, यो संसारिक बुद्दिले होइन तर परमेश्वरको अनुग्रह बठेइ हो।

२ कोरिन्थी 11:16

म आजी भण्नउ, कसइ मान्सले मलाइ मुर्ख जन सम्जउ। तर तमन तसो सम्जन्छौ भण्या लगइ मुर्खलाइ जसेरि मलाइ ग्रहण अर, ताकि म लगइ केइ घमण्ड अद्द सकु।

२ कोरिन्थी 11:9

तमनसित रन्ज्या जब मलाइ पैसाको अभाब पण्याथ्यो म कसइको बोज भएन, क्याकि माकेडोनिया प्रदेस बठेइ आया भाइनले मेरो अभाब पुरा अरिदियो। तबइकिलाइ कसइ किसमले तमनमि बोज पणलो कि भणबर मइले आफइलाइ रोक्या, रे पछा आउन्या दिनमि लगइ रोक्द्या हु।

२ कोरिन्थी 4:2

हाम सरमका रे लुकिछिपि अद्द्या काम अददाइन। हाम छल कपट अथवा परमेश्वरको बचनलाइ हेरफेर अद्दया काम लगइ अद्दाइन। तर हाम परमेश्वरको नजरमि सत्य मान्तर सिकाउनाउ रे यो सत्य हो भणबर हरेक मान्सले गवाही दिन सक्न्छ।

फिलिप्पी 2:29

तबइकिलाइ तमनले प्रभुमि तिनलाइ भौत आनन्दले स्वागत अर रे तिनलाइ रे तिन जसा मान्सनलाइ आदर दिनु पणन्छ।

कलस्सी 4:10

मेरा संगि कैदी अरिस्तार्खसले तमनलाइ अबिबादन पठाया छन। बारनाबासको भान्ज मर्कुसले अबिबादन पठाया छन। तमनले मर्कुसका बिसयमि पइल्ली चिठ्ठी पाइसक्याछौ। उन तमरा वाँ आया भण्या उनलाइ स्वागत अर।

१ थेसलोनिकि 2:10

तमन साक्षि छौ, रे परमेश्वर लगइ साक्षि छन कि तमन सब बिश्वासीसित हामले परमेश्वरलाइ खुशी बनाउन्या जीवन बिताया, ठीक काम अर्या, रे निर्दोष जीवन बिताया।

फिलेमोन 1:12

म ओनेसिमसलाइ तेरा वाँ फर्काइ पठाउन्नाछु, जइलाइ म मेरा हृदय बठेइ प्रेम अद्दउ।

फिलेमोन 1:17

यदि तमले मलाइ आफनाइ साजेदार सम्जन्छौ भण्या जब ओनेसिमस तमरा वाँ फर्किबर आउनाहान तमले मलाइ स्वागत अर्या जसेइ तिनलाइ खुसीसित स्वागत अर।

२ यूहन्ना 1:10

रे यदि उइले ख्रीष्टले सिकायाको शिक्षा भण्ना फरक शिक्षा सिकायो भण्या तइलाइ घरमि स्वागत जन अर्या, तइलाइ अबिबादन अरिबर हौसला जन दिया।