२ कोरिन्थी 2:3 - डोटेली नयाँ करार

³ रे मइले जो कुरणी लेख्या त्यो येइ हेतुले लेख्या, कि म आउन्ज्या जइ मान्सन बठेइ मइले आनन्द पाउनु पड्ड्या थ्यो तिनन बठेइ म दु:खित जन हु। क्याकि मेरो आनन्द तमन सबको आनन्द हुन्छ भण्या मलाइ तमन सबका बारेमि भरोसा थ्यो।

२ कोरिन्थी 2:3 Iomraidhean Croise

१ कोरिन्थी 4:21

म तमरा वाँ आया पछा तमन मइले कि अर्या चाहान्छौ? तर तमनले अइल लगइ ननिका काम अद्द छाडयानु भण्या, म तमनलाइ भौत हकाद्या हु। यदि तमनले ननिका काम अद्द छाडया भण्या म तमनसित नम्र रे प्रेमसित ब्यबहार अद्दया हु।

२ कोरिन्थी 1:15

तमनले हामलाइ बुज्न्छौ भणन्या कुरणीमि म पक्‍का भया हुनाले म तमनलाइ पइल्ली बेर भेट्टाइ खोज्जाथ्या, ताकि तमनलाइ दुइ बेर भेट्टाइ आया आशिस तमनलाइ हुन सकउ।

२ कोरिन्थी 1:23

परमेश्वर मेरो साँचि छन कि म सत्य भण्नाछु। मइले तमनलाइ हप्काउन नचाया हुनाले म कोरिन्थ सहरमि फर्कि आयइन।

२ कोरिन्थी 12:11

म मुर्ख भया छु। तर तमनले मलाइ इसो अद्द कर लाया, क्याकि तमन बठेइ त मेरो प्रसंसा हुनु पड्डयाथ्यो। क्याकि म केइ नभया लगइ छान्या शिष्या भण्ना म तुच्छ आथिन।

२ कोरिन्थी 12:21

मलाइ डर लाग्या छ, कि म आजी आउन्ज्या मेरा परमेश्वरले मलाइ तमरा सामने होच्याइ दिन्या हुन रे भौत जनाका निउति मइले सोक अद्दु पड्डया छ, जइले अगाडी पाप अर्याथ्या। रे आफले अरेका असुद्दता व्यभिचार रे छाडापन बठेइ पाप अद्द छाडिबर परमेश्वरतिर फर्क्या आथिन हुन्ना।

२ कोरिन्थी 13:10

तबइकिलाइ म तमरा वाँ आउना हइ पइल्ली म तमनलाइ यो कुरणी लेख्दाछु, ताकि प्रभुले मलाइ तमनलाइ दण्ड दिन्या अधिकार दिया छन भणि म तमनलाइ धेकाउन सकु। क्याकि म आफ्नो अधिकार प्रयोग अरिबर तमनलाइ बिश्वासमि बलियो बनाउन चाहानउ, नास अद्द चाहानइन।

२ कोरिन्थी 2:9

तबइकिलाइ तमनलाइ जाँच्चाइ रे मेरा आदेस माण्नाइ तमन आज्ञाकारी छौ कि छइनु भण्न्या था पाउनका निउति मइले तमनलाइ लेख्याथ्या।

२ कोरिन्थी 7:12

मइले यो गम्भीर चिठ्ठी अन्याय अद्द्या मान्सका लाग्दा लेख्या होइन, न त अन्यायमि पड्डया मान्सका लाग्दा हो, तर परमेश्वरका नजरमि हाम प्रति तमरो उत्साह कसो छ, त्यो तमनलाइ था होस भणबर मइले लेख्या हु

२ कोरिन्थी 7:16

म रमाउनउ, क्याकि तमनमि मेरो पुरा भरोसा छ।

२ कोरिन्थी 7:6

तर निरास भयालाइ सान्त्वना दिन्या परमेश्वरले तीतस आउन्ज्या हामलाइ सान्त्वना दियो।

२ कोरिन्थी 7:8

मइले तमनलाइ त्यो गम्भीर चिठ्ठी पठायामि म पछुताया आथिन, पइल्लिका बेर मलाइ दुख लाग्या भया लगइ, मलाइ था छ कि यइले तमनलाइ थोक्काइ समयकी निउति मान्तर दुखित बनाउन्या हो।

२ कोरिन्थी 8:22

रे तितससित हाम एक अर्खा बिश्वासि भाइलाइ पठाउन्नाछु, जइलाइ हामले भौत बेर जाँचिबर भौत कुरणीमि जोसिला पाया छु। तमन प्रति भया तिनरो ठुलो भरोसाका लाग्दा तिन आजी बरता जोसिला भया छन।

गलाती 5:10

तर म प्रभुमि बिश्वास अद्दाछु कि उनले तमनलाइ झुटा शिक्षामि बिश्वास अद्दा बठेइ रोक्दया हुन। तर तमनलाइ अलमलयाउन्या जो भया लगइ, तइले परमेश्वर बठेइ दण्ड पाउन्या हो।

२ थेसलोनिकि 3:4

हामले तमनलाइ जी कुरणी अद्दाइलाइ भण्या थ्या तमन तसोइ अद्दाछौ रे लगातार अद्दया होउ भण्न्या हामले तमनका बारेमि प्रभुमि भरोसा राख्याछौ।

फिलेमोन 1:21

म तुलाइ यो चिठ्ठी लेख्दाछु, क्याकि मइले तुलाइ बिन्ति अर्या कुरणी तुइले अद्दया हइ भणबर म पक्‍का छु। रे मलाइ था छ कि मइले बिन्ति अर्या भण्ना झिक बडता अद्द्या हइ।