२ कोरिन्थी 2:14 - डोटेली नयाँ करार

¹⁴ तर परमेश्वरलाइ धन्यबाद होस, क्याकि हामरो ख्रीष्ट सितको एकताका लाग्दा, हाम सदाइ ख्रीष्टको बिजय जुलुसमि कैदीका रुपमि परमेश्वर बठेइ डोर्याइनाउ। रे परमेश्वरले हाम बठेइ ख्रीष्टका बारेमिको ज्ञान मिठो बासइ जसेरि चारै तिर फइलाउनाहान।

२ कोरिन्थी 2:14 Iomraidhean Croise

यूहन्नाले लेख्या सुसमाचार 16:33

मइले तमनलाइ यिन कुरणी यइ उइले भणिराइछु, कि तमन मेरा शिष्य भया हुनाले ममि तमनलाइ सान्ति होइजाउ। संसारमी तमनलाइ संकट हुन्या छ, तर साहास अर, मइले यइ संसारको सासक सैतानलाइ जितिराइछु।”

रोमी 1:8

सबहइ पइल्ली, म मेरा परमेश्वरलाइ येशू ख्रीष्ट बठेइ तमन सबका निउति धन्यबाद चडाउनउ, क्याकि येशू ख्रीष्टमी तमनले कसेरी बिश्वास अर्या भणबर भौत ठाउँका मान्सनले भण्ना हान।

रोमी 15:19

पबित्र आत्मा बठेइ मलाइ दिया सक्ति बठेइ मइले सक्तिशाली चिन्ह रे अचम्मका काम अर्याथ्या। तबइकिलाइ म जाँ लगइ यरुशलेम सहर बठेइ इल्लुरिकन क्षेत्र गया, मइले येशू ख्रीष्टका बारेमि तिन ठाउका मान्सनलाइ सुसमाचार प्रचार अरिराइछु।

रोमी 6:17

पइल्ली तमन पापका नौकर थ्या, तर आब तमनलाइ सिकाया शिक्षा तमन माणन्या भयाछौ। म यइकि निउति परमेश्वरलाइ धन्यबाद दिनउ।

रोमी 8:37

तर यिन सब ननिका कुरणीमि हामलाइ प्रेम अद्द्या ख्रीष्ट बठेइ हामले पुरा रुपमि जित्या छौ।

१ कोरिन्थी 12:8

पबित्र आत्माले एक मान्सलाइ बुद्दिले भरिया सन्देश बोल्लया बरदान दिनाहान भण्या उनइ पबित्र आत्माले अर्खा मान्सलाइ ज्ञानले भरिया सन्देश बोल्लया बरदान दिनाहान।

१ कोरिन्थी 15:37

यदि तमनले गउँ अथवा और बि रोपन्छौ भण्या, तमन तइको बोट लाउनानु बरु बि रोपन्छौ।

१ कोरिन्थी 15:57

तर परमेश्वरलाइ धन्यबाद होउ कि हामरि निउति हमरा प्रभु येशू ख्रीष्टले जी अर्याछ, तइका लाग्दा परमेश्वरले हामलाइ हामरा पाप रे मृत्युमि बिजय दिया छ।

२ कोरिन्थी 1:11

तमनले लगइ मिलिबर प्रार्थना बठेइ हामलाइ सहायता अददाछौ। इसेरि प्रार्थना अरन्ज्या हामरि निउति चडाया भौत प्रार्थनाको उत्तरमी हामलाइ प्राप्त भया आशिसका निउति भौतले हामरा निउति धन्यबाद चढाउन्या हुन।

२ कोरिन्थी 8:16

म परमेश्वरलाइ धन्यबाद दिनउ, जइले तीतसका हृदयमि तमरा निउति तसइ फिक्री राख्दियो, जसो म अद्दया अद्दउ।

२ कोरिन्थी 9:15

अति अचम्मको बचन परमेश्वरलाइ उनरा चेलोका निउति धन्यबाद होउ।

एफिसी 5:2

औरकिलाइ प्रेमले भरिपूर्ण जीवन बिता, ख्रीष्टको उदाहरण पछया, जइले तमनलाइ प्रेम अर्यो रे तमनका पापका निउति आफइलाइ बलिदानका रुपमि दियो। रे परमेश्वर भौत खुशी भया, क्याकि त्यो बलिदान उनलाइ बास आउन्या अत्तर जसोथ्यो।

एफिसी 5:20

रे हामरा प्रभु येशू ख्रीष्टले अर्या सब कामकीलाइ हामरा पिता परमेश्वरलाइ सदाइ धन्यबाद दिय।

फिलिप्पी 4:18

मइले जो पाउनु हो तइ भण्न्ना बड्ता पाइराइछु। मइले इपाफ्रोडिटस बठेइ तमनले पठाया उपहार पाया। तमनले पठाया उपहार मेरा निउति पुजारिले परमेश्वरलाइ चडाया मिठो बास आउन्या भेटी रे बलिदान जसोइ हो। जो परमेश्वरलाइ भौत खुशी पडद्या रे ग्रहणयोग्य छ।

कलस्सी 1:23

तमन ख्रीष्टका बिश्वासमि अटल रे स्थिर हुनु पणन्छ, जसो एक घरको जग पखानमि बनाया हुन्छ, रे सुसमाचारमि बिश्वास अर्या हुनाले अइल तमनसित भया आसा जन छाड्ड। यो सुसमाचार संसारमी भया सब मान्सनलाइ प्रचार अरिया हो, रे म, पावल यो सुसमाचार प्रचार अद्य सेवक बन्या हु।

कलस्सी 1:6

यो सुसमाचार तमरा वाँ आया छ रे सारा संसारमी फइलिरइछ रे यइले भौत मान्सनको जीवन बदेलिबर फलदाइ होइरइछ। जसेरि परमेश्वरको अचम्मको अनुग्रहका बारेमि सत्य सुसमाचार तमनले सुण्या रे बुज्या दिन बठेइ यइले तमरो जीवन बदलिया छ।

कलस्सी 2:15

उनले हरेक दुष्ट सक्ति रे अधिकारलाइ नष्ट अरिबर तिननलाइ सार्वजनिक रुपमि सर्ममि पड्यो, रे उनले तिन सब दुष्ट सक्ति बठेइ क्रुसमि बिजय पायो।

१ थेसलोनिकि 1:8

क्याकि तमन बठेइ परमेश्वरको बचन केवल माकेडोनिया प्रदेस रे अखैया प्रदेशमि मान्तर प्रचार अरियाको होइन, तर हरेक ठाउ जाँ हाम जानाउ, ताँ हामले परमेश्वरमि तमरो बिश्वासका बारेमि भण्या सुणनाउ। तबइकिलाइ हामले औरलाइ तमरा बिश्वासका बारेमि केइ भण्नु आवश्यक आथिन।

१ थेसलोनिकि 3:9

सब आनन्द जो तमरा खातिर परमेश्वरमि हाम अनुभव अद्दाउ तइको निउति रे तमन किलाइ हामले परमेश्वरलाइ जति धन्यबाद दिया लगइ थोकाइ हुन्छ।

१ तिमोथी 2:8

म चाहानउ कि जबलगइ तमन परमेश्वरको आराधना अददाइ जम्मा हुन्छौ, परमेश्वरलाइ स्वीकारयोग्य जीवन बिताउन्या बैकानले आफ्नो हात उठाइबर परमेश्वरमि पूरारुपमी समर्पित भइबर बिनाक्रोध रे बिनाविबाद प्रार्थना अरुन।

२ तिमोथी 2:2

तमनले भौत जाना मान्सनका अगाडी तमनलाइ ख्रीष्टको बारेमि मइले सिकायाको सन्देश सुणयाछौ। तबइकिलाइ म चाहानउ कि तमन और बिश्वासिन जो तमरो भर पड्डो छ जइले औरलाइलाइ सन्देश सिकाउन सकन्छ तइलाइ मइले सिकाया त्यो सन्देश सिका।

प्रकाश 7:12

“आमेन! हाम तमरो प्रसंसा अददाउ, धन्यबाद दिनाउ रे तमरो सम्मान अददाउ हामरा परमेश्वर सदासर्वदाकि निउति हाम स्वीकार अददाउ कि तम पूरारुपमी ज्ञानि छौ, सक्तिशाली छौ जइले सब चिज सदाइकि निउति अद्द सकन्छौ। आमेन!”