२ कोरिन्थी 11:3 - डोटेली नयाँ करार

³ तर जसेरि सैतान स्यापका रुपमि आफना चलाकिले पइल्ली आइमाइ हव्वालाइ छल्यो, तसेरि तमरा बिचारले छ्लल्या हो रे तमनले ख्रीष्टको आदरमि आफ्नो पुरा रे सुद्द भक्ति अद्द छाड्डया हौ भणबर मलाइ डर लाग्या छ।

२ कोरिन्थी 11:3 Iomraidhean Croise

मत्ती 24:24

क्याकि झुटा ख्रीष्ट रे झुटा अगमबक्ता आउन्या रे चिन्ह रे अदभूत काम धेकाउन्या छन, सक्या सम्म उन मान्सलाइ धोका दिन्या हुन, जइलाइ परमेश्वरले चुनीराइछ।

यूहन्नाले लेख्या सुसमाचार 8:44

तमन आफना बा सैतान बठेइका हउ, तब आफनाइ बाका कुइच्छा पुरा अद्द चाहन्छौ। त्यो त सुरु बठेइ हत्यारा थ्यो रे सत्यमी रएन क्याकि तइमि सत्य आथिन, जब त्यो झुट बोलन्छ तब आफनोइ बानि ब्यबहार बठेइ बोलन्छ क्याकि त्यो झुट हो रे झुटको बा हो।

रोमी 12:8

उत्साह दिन्याले उत्साह दिन्या काममी, दान दिन्या बरदान भयाले उद्दार-चित्तले दान दिन्या काममी, अगुवा हुन्या बरदान भयाले गम्भीर भइबर अगुवाइ अद्द्या काममी, दयाको काम अद्द्याले खुसीसित तइ काम अरउ।

२ कोरिन्थी 1:12

हाम गर्व अद्दाउ कि हामरो बिबेक स्पष्ट छ। संसारमी रे बिसेस अरिबर तमन सितको हामरो सम्बन्धमि हाम परमेश्वर बठेइ आया पबित्रता रे सत्यतामि चल्याछौ, यो संसारिक बुद्दिले होइन तर परमेश्वरको अनुग्रह बठेइ हो।

२ कोरिन्थी 11:20

क्याकि यदि कसइ मान्सले तमनलाइ नौकर बनाउछ अथवा तमनलाइ आफ्नो सिकार बनाउछ अथवा तमन बठेइ फाइदा उठाउछ अथवा धाक लाउन्छ अथवा तमनलाइ मुखमि थप्पडी लाउछ भण्या लगइ तमन सब सन्या रइछौ।

२ कोरिन्थी 11:29

जब कोइ कमजोर छ रे म लगइ कमजोर महसुस अद्दउ। जब कसइलाइ पापले दोर्याउछ रे म ब्याकुल हुनउ।

२ कोरिन्थी 2:17

क्याकि भौत मान्सन सरह हाम परमेश्वरको बचन पैसाकी निउति प्रचार अद्दइन तर निष्कपट मनले ख्रीष्टको अधिकारसित हाम परमेश्वरको बचन प्रचार अददाउ, यो जाणिबर कि परमेश्वरले हामलाइ हेरिराइछ।

२ कोरिन्थी 4:2

हाम सरमका रे लुकिछिपि अद्द्या काम अददाइन। हाम छल कपट अथवा परमेश्वरको बचनलाइ हेरफेर अद्दया काम लगइ अद्दाइन। तर हाम परमेश्वरको नजरमि सत्य मान्तर सिकाउनाउ रे यो सत्य हो भणबर हरेक मान्सले गवाही दिन सक्न्छ।

गलाती 1:6

म निरास छु कि उनरा मान्सन हुनाइ ख्रीष्टका अनुग्रह बठेइ तमनलाइ बोलाउन्या परमेश्वरलाइ इति छट्टाइ त्यागिबर तमन अर्खो शिक्षामि बिश्वास अद्द लागिरइछौ, जइलाइ मान्सनले सुसमाचार भण्ना हान।

गलाती 2:4

खतनाको यो कुरणीले समस्या लेयो, क्याकि केइ झुटा भाइन गोप्यमी हामरा दलमि आया, रे हामरा उद्दारकर्ता येशूमि भया स्वतन्त्रतालाइ नास अददाइ खोज्जाथ्या, ताकि तिननले हामलाइ आजी यहुदि कानुनका बन्दक बनाउन सकुन।

गलाती 3:1

हे बहकाइया गलाती बासि हो, कसइले तमनलाइ धोका दिया हुनु पणन्छ। मइले तमनलाइ निक्केरि भण्या छु कि येशू ख्रीष्ट क्रुसमि मद्दया कारण कि थ्यो।

गलाती 4:11

मलाइ चिन्ता छ कि तमनले अद्दारया काम बठेइ, तमरा बिचमि अर्या मेरो सेबकाइ व्यर्थ भया छ।

एफिसी 4:14

तबइकिलाइ आब बठेइ हाम बच्चा जसाइ हुनु पड्डइन, आब हाम छालाले इथउथ लइजान्या ना जसोइ रे इथउथ चल्लया हावा जसा हुन्या आथिन। यइको अर्थ, आब धुर्त कपटि मान्सनले आफ्ना झुटा शिक्षा बठेइ हामलाइ धोका दिन्या आथिन।

एफिसी 4:22

तमरा शिक्षकले तमनलाइ तसो ब्यबहार अद्द्या तरिका रे तमरो पुरानो पापी स्वभाव छाड्डु पणन्छ भणबर सिकायो। तमरा ननिका इच्छाले तमनलाइ धोका दियो रे तमरो जिवनलाइ बर्बाद अर्यो।

एफिसी 6:24

परमेश्वरले तिन सबलाइ अनुग्रह धेकाउन जइले हामरा प्रभु येशू ख्रीष्टलाइ अमर प्रेम अरन्छ।

कलस्सी 2:18

ख्रीष्ट शरीरका सीर हुन, ख्रीष्ट बठेइ शरीरका सब अंग जोडिया रे तिनरो हेरचाह हुन्छ। तबइकिलाइ यो परमेश्वरको इच्छा अन्सार बड्नछ। कसइलाइ लगइ तमन आफइलाइ स्वर्गदुतको आराधना अरिबर अयोग्य बनाउन जन दिय। इसा मान्सन दर्सन धेक्दाहान, रे मानब सोचका लाग्दा तइ दर्सनले उनमी मुर्खताको घमण्ड आउछ। तिननले ख्रीष्टलाइ त्याग्या छन।

कलस्सी 2:4

म यो भण्नाउ कि कसइले तमनलाइ झुटा शिक्षामि बिश्वास अद्दाइलाइ धोका जन दिय।

कलस्सी 2:8

होशियार बस कि कसइले लगइ तमनलाइ बिना मोलका रे ब्यर्थका कुरणीले जन छलउ तसा बिचार ख्रीष्टका होइन, तर मान्सले सिकाया शिक्षा बठेइ आउनाहान।

१ थेसलोनिकि 3:5

तबइकिलाइ तमनले कसेरी अरिराइछौ भणबर नथापाइबर म आब रनसक्दइन। परिक्षा अद्या सैतानले कसइ किसमले तमनलाइ परीक्षामि पाण्यो कि भणि रे हामरो परिश्रम व्यर्थै जालो कि भण्न्या डरले तमरो बिश्वास था पाउनाइलाइ मइले तिमोथीलाइ पठाए।

१ तिमोथी 1:3

म तमलाइ आजी भण्नाछु म माकेडोनिया प्रदेसमि जाना हइ पइल्ली मइले तमनलाइ एफिसस सहरइमि बस, रे झुटा शिक्षकलाइ झुटा शिक्षा सिकाउन बन्द अर भणबर बिन्ति अर्याथ्या।

१ तिमोथी 2:14

अर्खो कारण यो हो कि स्यापले छल अर्या आदमलाइ होइन तर हव्वालाइ हो। रे इसेरि हब्बाले परमेश्वरको कानुन तोड्या हो।

२ तिमोथी 3:13

तर दुष्ट मान्सन रे तिन ठगमान्सनले भौत दुष्ट काम अददाहुन, तिननले मान्सन धोका दिन्या हुन रे तिनन आफइ लगइ और बठेइ धोका पाउन्या हुन।

तितस 1:10

म यो भणनउ क्याकि भौत मान्सनले सत्य शिक्षाका बिरुद्द बिद्रोह अद्द्या हुन, जइले बिना अर्थका कुरणी सिकाउनाहान रे औरलाइ धोका दिनाहान। यिन मान्सन त्यो समुहका हुन जइले चाहानाहान कि सब बिश्वासीले यहुदि मान्सनको कानुन पालन अरुन, बिसेस अरिबर खतनाको कानुन।

हिब्रु 13:9

हामले यो सब नयाँ रे फरक शिक्षाका पछाडी लाग्दु हुनइन, जइले ननिका बाटामि लइजान्छ। खान्या कुरणिका बारेमि नियमलाइ माणिबर होइन, परमेश्वरको अनुग्रह बठेइ तमरा हृदय बलियो होउ। इसा बिधि पालना अद्द्या उपकार भया आथिन।

२ पत्रुस 3:17

तबइकिलाइ प्रिय हो, तमनलाइ अगाडी बठेइ था छ कि यिन कुरणी हुनेइहुन। तबइकिलाइ होशियार होउ ताकि नियम नमाणन्या मान्सनले तमनलाइ झुटि बोलिबर जन अलमल्याउन। यदि तमनले तिनरा पछा लाग्या भण्या तमनले सत्य कुरणीमि बिश्वास अद्द छाडया हउ।

२ पत्रुस 3:3

सब भण्ना महत्त्वपुर्ण कुरणी यो हो कि तमनले यो बुज्जु पणन्छ कि अन्तिम दिन भण्ना ठीक पइल्लिका दिनमि केइ मान्सन धेका पड्डया हुन, जइको जीवन आफनाइ ननिका इच्छा बठेइ नियन्त्रित हुन्छ। तिननले ख्रीष्ट फर्कि आउन्या कुरणीलाइ ठट्टामी उडाउन्या हुन।

१ यूहन्ना 2:18

तमन जो मेरा प्यारा बालक जसाइ छौ, ख्रीष्टको फर्किबर आउन्या अन्तिम दिन यइ हो। ख्रीष्ट बिरोधी आइरइछन भणनयइ कुरणी तमनले सुणयाछौ। आब भौत ख्रीष्ट बिरोधी आया छन। तबइकिलाइ हाम जाण्नाउ, ख्रीष्टको फर्किबर आउन्या अन्तिम दिन यइ हो।

१ यूहन्ना 4:1

प्यारा हो, तिन सबलाइ बिश्वास जन अर जइले पबित्र आत्मा बठेइ बोल्या दाबि अददाहान। तर तिन आत्मा परमेश्वर बठेइ आयाका हुन कि होइन भणबर तिनरो जाँच अर। क्याकि भौत झुटा अगमबक्ता लगइ येइ संसारमी छन।

यहूदा 1:4

म यो लेख्दाछु क्याकि झुटा शिक्षा सिकाउन्या परमेश्वरको आज्ञा नमाणन्या केइ मान्सन तमरा बिचमि सुटुक्‍क पस्या छन। यिन मान्सनलाइ परमेश्वरले भौत पिढि अगाडी पबित्र सास्त्रमि भण्या थ्यो कि उनले सजाय दिन्या हुन। तिननले ननिका अनैतिक काम अद्द बहाना बनाउनाइ निउति परमेश्वरको अनुग्रहका बारेमि हामरो सन्देसलाइ बदल्या छन। तिननले हामरा एक मान्तर मालिक रे प्रभु येशू ख्रीष्टलाइ लगइ अस्वीकार अददाहान।

प्रकाश 12:15

तइ पछा आजी स्यापले आफ्नो मुख बठेइ आइमाइका तिर नदिकी जसेरि पानी निकाल्यो ताकि तइ बाढिले तइ आइमाइलाइ बगाइबर लइजाउ।

प्रकाश 12:9

त्यो ठुलो अजिङ्गर तइका सबइ दुतसित धर्तीतिर खितियो। त्यो अजिङ्गर त्यो स्याप हो जो पइल्ली बठेइ छ जइलाइ सैतान भणिन्छ। यइ संसारका मान्सनलाइ भणकाउन्या यइ हो।

प्रकाश 20:2

तिनले तइ अजिङ्गर, त्यो पइलिको पुरानो स्याप, जो सैतान हो, तइलाइ पोकड्यो, पइ एक हजार वर्षका निउति बादिबर राख्यो।