१ तिमोथी 6:19 - डोटेली नयाँ करार

¹⁹ यदि तिननले इसो अर्यो भण्या, तिननले पछाका जीवनकी निउति आफनो सम्पति स्वर्गमि जम्मा अर्या छन, जो एक पक्‍का जग बसाल्या जसोइ हो। ताकि तिनन परमेश्वरले चाया जसो जीवन बिताउन सकुन।

डोटेलि

¹⁹ यसेरि तिनुले भबिस्‍यका जिबनिखिलाइ चाइन्‍या बलियो जग बनाउनाइलाइ धन-सम्‍पति जम्‍मा अरुन्‌, तसो अर्‍यो भन्‍या साँचो जिबन बचाइराख्‍द सक्‍दया छन्‌।

१ तिमोथी 6:19 Iomraidhean Croise

मत्ती 19:21

येशूले तइलाइ भण्यो “तु सिद्द हुन चाहन्छइ भण्या जा, रे तेरा जी-जति लगइ छन बेच रे गरिबलाइ पैसा दि दे। यदि तुइले इसो अरन्छइ भण्या तुइलाइ स्वर्गमि धन मिल्लया छ। रे मेरा शिष्य हुनाइलाइ मेरा पछा लाग।”

लूका 12:33

तमरो सम्पत्ति बेचिबर दान दिय। आफना निउति नचिरिन्या थैला बना। स्वर्गमि कभइ नास नहुन्या धन जम्मा अर। जाँ चोर आउनाइन रे किडा लगइ लाग्दाइन।

लूका 16:25

तर अब्राहामले भण्यो, ‘ए चेला, याद अर, तुइले आफना जीवनकालमि असल-असल चिज पायाहइ, रे तसेरि लाजरसले सब खराब चिज पायाहो। त्यो आब याँ आराममि छ, रे तु भण्या कष्टमी छइ।

लूका 16:9

म तमनलाइ भण्नउ, आफना निउति संसारको धनले साथी बना, रे जब तम मर्न्छौ त्यो धन प्रयोग अद्द सक्द्या होनु, तब तिननले तमनलाइ अनन्त घरमि स्वागत अद्दया हुन।

लूका 18:2

“कसइ एक सहरमि परमेश्वरको डर नमाणन्या रे मान्सको वास्ता नअद्दया एक न्यायधिश थ्या।

लूका 18:22

यो सुण्या पछा येशूले तइलाइ भण्यो, “तुलाइ आजी एक कुरणी कमी छ। तुसित भया तेरा जी-जति लगइ छन बेच रे गरिबलाइ पैसा दिदे। यदि तु इसो अरन्छै भण्या तुइलाइ स्वर्गमि धन मिल्या छ। रे मेरा शिष्य हुनाइलाइ मेरा पछा लाग।”

गलाती 5:6

क्याकि जब हाम येशू ख्रीष्टमी बिश्वास अददाउ तब खतना भया लगइ नभया लगइ यइले केइ फरक पड्डइन। तर हामले ख्रीष्टमी बिश्वास अददु रे परमेश्वरलाइ रे और मान्सनलाइ प्रेम अददु मुख्य कुरणी हो।

एफिसी 3:17

ख्रीष्टमी बिश्वास अर्या हुनाले उन तमरा हृदयमि बसुन। म प्रार्थना अद्दउ कि परमेश्वरकीलाइ रे एक अर्खाकीलाइ तमरो प्रेमले तमनलाइ बलिया बनाउन्या हो रे तमनलाइ लोट्ट दिन्या आथिन।

फिलिप्पी 3:12

मइले यिन सब कुरणी पइल्ली बठेइ पाइ सक्या छु, अथवा सिद्द भइ सक्या छु भणबर म दाबि अदइन, तर म सिद्द मान्स हुनाइ प्रयास अददाछु जइकी निउति येशू ख्रीष्टले मलाइ छान्या छन।

फिलिप्पी 3:14

म पुरुस्कार पाउनाइ निउति निसाना तिर अगाडी बड्डउ। पुरुस्कार भण्या परमेश्वरले मलाइ स्वर्गमि बोलाउना छन, क्याकि येशू ख्रीष्ट मेरी निउति मर्या।

१ तिमोथी 6:12

युद्दमि असल सिपाइकि जसेरि जइले कभइ लडाइ लड्ड छाड्डइन, तुइले, लगइ, परमेश्वरमि बिश्वास अद्दु रे आज्ञापालन अद्दु कभइ छाड्डु पड्डइन। रे अनन्त जिवनलाइ समाइ राख, जइकिलाइ तु बोलाइया हइ। भौत मान्सनका अगाडी तुइले साहससित भण्या थी कि तुइले ख्रीष्टमी बिश्वास अरन्छइ।

२ तिमोथी 1:1

यो चिठ्ठी म, पावल बठेइ हो। परमेश्वरले मलाइ येशू ख्रीष्टको छान्या शिष्य हुनाइलाइ नियुक्त अर्यो, ताकि म त्यो सन्देश प्रचार अददु सकु जो परमेश्वरले अनन्त जीवन दिन्या बाचा अर्याछ त्यो येशूमि बिश्वास बठेइ आउन्छ।

२ तिमोथी 2:19

तर परमेश्वरका मान्सन जग जसाइ हुन जो स्थिर हुन्छ। इसइ जगमि यिन सब्द लेख्या छन: “प्रभु जणनाहान कि उनरा मान्सनको हुन” पइलगइ “जो लगइ प्रभुका हो तइले दुष्ट काम अद्द छाड्डु पणन्छ।”

१ पत्रुस 1:4

परमेश्वरले हामरा निउति तयार अर्या असल चिज पाउनाइ पखिरइ छौ। कसइले लगइ तिनन चीजलाइ नष्ट अद्द सक्दइन। केइ कुरणीले लगइ तइलाइ बिगाड्ड सक्दइन। तिनन चिज कभइ पुराना अथवा कम सुन्दर हुन्या छइन। परमेश्वरले तिन चिज तमनकीलाइ स्वर्गमि राख्या छ।