१ तिमोथी 3:1 - डोटेली नयाँ करार

¹ मइले तमनलाइ सिकाया यिन कुरणी सत्य छन, रे यइमि बिश्वास अद्द सकिन्छ, यदि कसइ मान्सले अगुवाको काम अरन्छ भण्या तइले आदणिय काम अद्द्या इच्छा अरन्छ।

डोटेलि

¹ “यदि कसइले मण्‍डलिका अगुवा भइबर सेबा अद्‌द्‌या इछ्‍या अरन्‍छ भन्‍या तिनुले सम्‍मानित कामको इछ्‍या अद्‍दाछन्‌” यो भुनाइ बिस्‍वासयोग्‍य छ।

१ तिमोथी 3:1 Iomraidhean Croise

लूका 15:10

म तमनलाइ भण्नउ, यिसेरी पाप अद्द छाडिबर परमेश्वरतिर फर्क्या एक जाना पापीकिलाइ परमेश्वरका स्वर्गदुतका साम्नेइ आनन्द हुन्या हो।”

प्रेरित 1:20

पत्रुसले भण्यो, “राजा दाउदले भजनसंग्रहका किताबमी लेख्या छन, ‘तइको घर रितो हउ, रे ताँ बस्या कोइ जन होउ।’ रे राजा दाउदले दोसरा ठाउँमि लगइ लेखिरइछ, ‘कोइ अर्खो मान्सले तइको अगुवाको पद लौजाउ।’

प्रेरित 20:28

तमनले आफ्नो रे आफ्ना सब मान्सनको हेरचाह अर्या। पबित्र आत्माले तमनलाइ मान्सनको जिम्मा दिया हुनाले तमन, उनले आफनाइ रगतले किन्या परमेश्वरका मण्डलिको हेरचाह अर।

रोमी 11:13

म तमन गैर-यहुदि मान्सनलाइ भण्ना छु। गैर-यहुदि मान्सनको छान्या शिष्य भया हुनाले म मेरा सेवकाइमि गर्व अद्दउ।

एफिसी 4:12

उनले मान्सलाइ यिन योग्यता दियो, ताकि तिननले परमेश्वरका जनलाइ उनरो काम अददाइ रे बलिया हुनाइ रे ख्रीष्टका शरीरका रुपमि परिपक्व हुनाइ तयार अरुन।

फिलिप्पी 1:1

येशू ख्रीष्टका दास म, पावल रे तिमोथीसित फिलिप्पी सहरमि भया मण्डलिका अगुवान, ख्रीष्टका दास, बिश्वासिनलाइ सेवा अद्द्या मान्सन रे जम्माइ पबित्र जनलाइ यो चिठ्ठी लेख्दाछु, जो येशू ख्रीष्टका हुन।

१ थेसलोनिकि 5:14

बिश्वासि भाइन हो हाम तमनलाइ बिन्ति अददाउ कि अल्छीलाइ चेतावनी दिय, डराउन्यालाइ उत्साह दिय, कमजोरलाइ मद्दत अर। सबसित सहनशील होउ।

१ तिमोथी 1:15

मइले तमनलाइ सिकाया यिन कुरणी सत्य छन हो, रे यइमि बिश्वास अद्द सकिन्छ, कि पापीलाइ बचाउनाइलाइ येशू ख्रीष्ट संसारमी आया, पापीनमी सब भण्ना बड्ता पापी म हु।

१ तिमोथी 4:9

मइले तमनलाइ सिकाया यिन कुरणी सत्य छन, रे यइमि बिश्वास अद्द सकिन्छ।

२ तिमोथी 2:11

मइले तमनलाइ सिकाया यिन कुरणी सत्य छन, रे यइमि बिश्वास अद्द सकिन्छ यदि हाम ख्रीष्टसित मर्याछौ भण्या हाम लगइ उनसित जिउन्या छौ।

तितस 1:7

क्याकि परमेश्वरको काम अद्द्या अगुवा भया हुनाले उ दोस रहित हुनु पणन्छ। उ हटि, छिट्टाइ रिसाउन्या, दराहा, सदाइ झगडा अद्द्या, पैसाको लोप अद्द्या हुनु पड्डइन।

तितस 3:8

मइले तमनलाइ सिकाया यिन कुरणी सत्य छन, रे यइमि बिश्वास अद्द सकिन्छ। म चाहनउ कि तुइले बिश्वासिनलाइ सिकाउन्ज्या यिन कुरणीमि जोड दे, ताकि तिनन जइले परमेश्वरमि बिश्वास राख्या छन, तिननले असल काम अददाइलाइ आफ्नो ध्यान लाउन। यिन शिक्षा सबकिलाइ निका रे फाइदाका छन।

हिब्रु 12:15

सतर्क हो, कि कोइ मान्स परमेश्वरको अनुग्रह पाउनाइ असफल जन होउ, रे कसइलाइ तमरा बिचमि समस्या ल्याउन जन दिय। तइ किसिमका मान्सले तमन भौतलाइ भ्रष्ट पाणन्छ।

१ पत्रुस 2:25

पइल्ली तमन बाटो हराया भेडा जसाइथ्या। तर आब तमन आफ्नो आत्माको ग्वालो रे संरक्षक ख्रीष्टका वाँ फर्किया छौ।

१ पत्रुस 4:15

तर तमन मध्य कसइले लगइ हत्यारा, वाँ चोर वाँ खराबी अद्द्या वाँ अर्खाका कुरणीमि हातहाल्ल्याइ जनि दु:ख जन भोग

१ पत्रुस 5:2

जसेरि गोवालाले आफ्ना भेडाको हेरचाह अरन्छ, तमनले सब मान्सनको हेरचाह अददु पणन्छ, जइलाइ परमेश्वरले तमरो जिम्मामि दिया छ। यो स्वइच्छाले अर, क्याकि तमनले तसोइ अर्या परमेश्वरले चाहानाहान। यइ कामलाइ करले जन अर। यो कामलाइ पैसा पाउनाइ लगइ जन अर, तर परमेश्वर रे मान्सनको सेवा अद्द्या इच्छाले अर।