१ तिमोथी 2:10 - डोटेली नयाँ करार

¹⁰ बरु तिननले और मान्सनकिलाइ असल काम अरउ जो तिनरि निउति ठीक छ क्याकि परमेश्वरको भक्ति अद्दयइ स्वानिनलाइ यइ उचित छ।

डोटेलि

¹⁰ तर परमेस्‍वरको भक्‍ति अद्‍देइ स्‍वाइनि मान्‍सले आफुलाइ स्‍वाउन्‍या किसिमका असल काम मात्‍तरइ अरुन।

१ तिमोथी 2:10 Iomraidhean Croise

प्रेरित 9:36

योप्पा गाउँमी तबिता, अथवा डोरकास भणनेइ एक शिष्य थिन जइको अर्थ हरिणि हो। प्रभु येशूमि बिश्वास अद्देइ एक स्वानी थिइ। त्यो निका काम अद्द रे गरिबलाइ सायता दिनाइमि लागिरन्थि।

प्रेरित 9:39

तब पत्रुस उठीबर तिननसित गया। ताँ पुग्या पछा तिननले तिनलाइ घरको मल्ला कोठामी लैय्या। बिधवान सब तइका नजिकै कल्लिबर रुन पसिन, रे तिन जिउना हुनज्या डोरकासले बनाया पोसाक रे और लत्ता धेकायो।

एफिसी 2:10

क्याकि हाम असल काम अददाइ ख्रीष्ट येशूमि नयाँ मान्सनका रुपमि बनाइएका उनरा हातका सिप हौ। हाम तिन काम अरु भणबर परमेश्वरले पइल्ली बठेइ तयार अर्याथ्यो।

१ तिमोथी 2:11

जब कसइले बिश्वासिलाइ सिकाउना छन, तब सब स्वानिनले सान्त रे आदरसित सिक्दु पणन्छ।

१ तिमोथी 2:9

इसेरि म यो लगइ चाहानउ कि बिश्वासि स्वानिले स्वाउन्या लत्ता लाउन जो आदरयोग्य रे स्वीकारको योग्य हुन्छ। रौको बडता सिंगार, सुण, मोति रे महंगा लत्ता लाइबर औरलाइ आकर्षित जन अर।

तितस 2:14

हामलाइ दुष्ट काम बठेइ छुटकारा दिनाइ रे हामलाइ नैतिक रुपमि सुद्द अददाइ यिन येशू ख्रीष्टले हामरा निउति आफइलाइ बलि अर्यो ताकि हाम उनरा खास मान्सन हुन सकु, जो असल काम अद्दाइ पुरा समर्पित हुनाहान।

तितस 3:8

मइले तमनलाइ सिकाया यिन कुरणी सत्य छन, रे यइमि बिश्वास अद्द सकिन्छ। म चाहनउ कि तुइले बिश्वासिनलाइ सिकाउन्ज्या यिन कुरणीमि जोड दे, ताकि तिनन जइले परमेश्वरमि बिश्वास राख्या छन, तिननले असल काम अददाइलाइ आफ्नो ध्यान लाउन। यिन शिक्षा सबकिलाइ निका रे फाइदाका छन।

१ पत्रुस 2:12

परमेश्वरमि बिश्वास नअद्द्या मान्सन तमनका वलतिर पलतिर हुनाहान रे तमनले गलत अददाछौ भणन सक्दाहान। इसो असल जीवन बिता कि तिननले तमनले अद्द्या असल काम धेक्द्या हुन रे ख्रीष्टको फर्कि आउने दिनमि परमेश्वरलाइ महिमा दिन्या हुन।

२ पत्रुस 3:11

मइले भण्या की जसेरि परमेश्वरले पक्‍का यिन सबइ कुरणी नास अद्द्या हुन, तबइकिलाइ तमनले पबित्र रे परमेश्वरमि समर्पित जीवन जिउनु पणन्छ।

प्रकाश 2:19

मलाइ था छ कि तम कसा काम अर्न्छौ, तमन एक अर्खालाइ प्रेम अर्न्छौ रे तमरो बिश्वास ममि बलियो छ। रे मलाइ था छ कि तमले एक अर्खालाइ कसेरी सहयोग अर्या छौ, रे तमन कभइ हार माणनानु। मलाइ थाहा छ कि तमनले पइल्ली ममि बिश्वास अर्या बेला भण्ना अइल यिन निका काम अददाछौ।