१ थेसलोनिकि 5:14 - डोटेली नयाँ करार

¹⁴ बिश्वासि भाइन हो हाम तमनलाइ बिन्ति अददाउ कि अल्छीलाइ चेतावनी दिय, डराउन्यालाइ उत्साह दिय, कमजोरलाइ मद्दत अर। सबसित सहनशील होउ।

डोटेलि

¹⁴ भाइबिना हो, हामु तमुलाइ अर्ति दिनाउ कि अल्‍छि मान्‍सलाइ चेतावनि दिय, हरेस खान्‍यालाइ दिलासा दिय, कमजोरलाइ साहेता अर, रे तिनु सप्‍पइ मान्‍ससित सहनसिलता धेकाय।

१ थेसलोनिकि 5:14 Iomraidhean Croise

मत्ती 12:20

तिनले फुट्या निङालाकि जसेरी कसइ कमजोर मान्सनलाइ चोट दिन्या होइन्न, रे तिनले धिपधिप बल्लारया कुप्पि जसा कोइ लगइ असहाय मान्सनलाइ चोट दिन्या होइन्न, छाड्डीबार तिन न्यायलाइ बिजय सम्म पुर्याउन्या कारण हुन्या हुन।

लूका 22:32

तर तमनले ममि बिश्वास अद्द जन छाडउ भणबर मइले तमरा निउति प्रार्थना अर्या, रे तुइले परमेश्वरतिर फर्क्या पछा तेरा भाइनलाइ स्थिर अरा।”

प्रेरित 20:27

क्याकि मइले तमनलाइ सब कुरणी बताइ सक्या छु, जो तमनले जाण भणि परमेश्वर चाहानाहान।

प्रेरित 20:31

तबइकिलाइ यो सम्जिबर होशियार बस, कि तीन बर्ष सम्म मइले रातदिन आँउस बगाइबर हरेक मान्सनलाइ चेताउनी दिनोइरया।

प्रेरित 20:35

मइले सब कुरणीमि तमलाइ उदाहरण दिइराइछु कि तमनले लगइ यिसेरी कडा मेहनत अरिबर गरिबलाइ सायता अद्दु पणन्छ। प्रभु येशूको बचन याद राख, कसेरी उन आफइले भणिराइछ, कि लइजानु भण्ना दिनु आजी निको हो।

रोमी 12:1

तबइकिलाइ बिश्वासि भाइन हो, हामरि निउति परमेश्वरको ठुलो कृपाका लाग्दा म तमनलाइ अनुरोध अद्दउ, कि तमन आफना जिवनलाइ पबित्र रे परमेश्वरलाइ ग्रहणयोग्य जिउनो बलिका रुपमि अर्पण अर। परमेश्वरलाइ आराधना अद्द्या सत्य तरिका तेइ हो।

रोमी 14:1

बिश्वासमि कमजोर मान्सनलाइ उनरा मान्यताका बारेमि बिना संका स्वीकार अर, तर तिनरो बिश्वास तमरो भण्ना फरक छ भण्या तिनरो न्याय जन अर।

१ कोरिन्थी 4:14

तमरि लाज अद्दाइ मइले यिन कुरणी लेख्या होइन, तर मेरो उद्देश्य तमनलाइ अनुशासनमि राख्द्या हो, क्याकि तमन मेरा बालक जसाइ हौ, जइलाइ म साच्ची प्रेम अद्दउ।

१ कोरिन्थी 8:7

तर हामरा कोइ बिश्वासीले अइल सम्म बुज्या आथिन कि मुर्तिमि केइ सक्ति आथिन। क्याकि तिननले पइल्ली यिन मुर्तिको पुजा अद्दया अर्न्थ्या, अइल तिननले जब मुर्तिलाइ चडाया खानाइ खानाहान, तब तिनन गल्तिले यिसो सोच्चाहान कि तिनन अइल लगइ मुर्तिपुजामि सामेल छन। तिनन आफ्ना सोचाइमि पक्‍का आथिन, तिननले गल्तिले सोच्चाहान कि मुर्तिलाइ चडाया खानाइ खायाले तिनन पाप अददाहान।

गलाती 5:22

तर पबित्र आत्माले हाममि ल्याउन्या गुण यिन हुन: प्रेम, आनन्द, सान्ति, दया, धैर्य, भलाइ, विश्वासता,

एफिसी 4:2

अथवा सब दिनता, नम्रता रे धैर्यसित एक अर्खाको गल्तीलाइ स्वीकार अर, क्याकि तमन एक अर्खालाइ प्रेम अरन्छौ।

एफिसी 4:32

जसेरि परमेश्वरले ख्रीष्टमी तमनलाइ क्षमा अर्यो, तसेरि एकले अर्खालाइ क्षमा अरिबर तमन एक अर्खा प्रति कोमल मनका रे दयालु होउ।

कलस्सी 1:28

हाम और मान्सलाइ ख्रीष्टको बारेमि भण्नाउ, रे परमेश्वरले दियाको सारा बुद्दीसित हरेकलाइ सिकाउनाउ रे चेतावनी दिनाउ ताकि परमेश्वरको अगाडी खड़ा हुन्या बेला सम्म हाम सब मान्सनलाइ ख्रीष्टमी परिपक्व बनाउन सकु।

२ थेसलोनिकि 3:15

पइलगइ त्यो तमरो दुस्मन भया जसेरि तइसित ब्यबहार जन अर, तर तमनले आफना बिश्वासि भाइ सुधार्या जनि तइलाइ सुधार।

१ तिमोथी 3:3

दराहा रे सदाइ झगडा अद्द्या हुनु पड्डइन। तर नम्र, बादविबाद नअद्द्या, पैसाको लोप नअद्द्या हुनु पणन्छ।

१ तिमोथी 6:11

तर तु, तिमोथी परमेश्वरको मान्स हइ, तुइले यो सब काम अद्दा बठेइ अलग हुनु पणन्छ, जो ठीक छ तइ मान्तर अददाइ हरेक प्रयास अर। परमेश्वरका नजकमि ठीक काम अर। ख्रीष्टमी बिश्वास अर। और मान्सनलाइ प्रेम अर। परमेश्वरको आज्ञा माणनाइलाइ कभइ हरेस जन होउ। और मान्सनसित नम्र होउ।

२ तिमोथी 4:2

कि तुइले परमेश्वरका बचनको प्रचार अर, परिस्थिति असल रे खराब जी भया लगइ यइलाइ प्रचार अददाइ तयार बस। तुइले मान्सनले अर्या गल्ती धेकाउनु पणन्छ, रे तिनरा पापकिलाइ तिननलाइ हप्काउनु पणन्छ। तर तुइले धैर्यसित मान्सनलाइ सिकाउङया उत्साह लगइ दे।

तितस 1:10

म यो भणनउ क्याकि भौत मान्सनले सत्य शिक्षाका बिरुद्द बिद्रोह अद्द्या हुन, जइले बिना अर्थका कुरणी सिकाउनाहान रे औरलाइ धोका दिनाहान। यिन मान्सन त्यो समुहका हुन जइले चाहानाहान कि सब बिश्वासीले यहुदि मान्सनको कानुन पालन अरुन, बिसेस अरिबर खतनाको कानुन।

तितस 1:6

अगुवाकी एक मान्तर स्वानी हुनु पणन्छ, उ दोस रहित हुनु पणन्छ, तइका चेलाचेली बिश्वासि हुनु पणन्छ रे तिनन चरित्रहिन रे अनाज्ञाकारी हुनु पड्डइन।

हिब्रु 12:12

तबइकिलाइ थग्या हात उठा, रे काम्दार्या गोडा बलिया बना।

हिब्रु 13:3

आफइ लगइ तिननसित कैदमी पड्या जसेरि झेलमि हुन्याको बिचार अर, रे आफ सतावटमी पण्या मान्सन जसेइ तमन तिनरा पिडा आफना सरीरमि अनुभव अरन्छौ।