१ थेसलोनिकि 4:11 - डोटेली नयाँ करार

¹¹ हामले तमनलाइ आज्ञा दिया जसेरि तमन सान्ति सित जीवन बिता, रे और मान्सनका काममी हस्तक्षेप जन अर आफ्नि खाचोकी निउति आफइ काम अर।

डोटेलि

¹¹ हामुले तमुलाइ भन्‍या जसेरि सान्‍तिमि जिबन जिउनाइलाइ तमरो जिबनको लछ्‍य बना। आफना आफनाइ काममि ध्‍यान दिय रे आफना हातले काम अर।

१ थेसलोनिकि 4:11 Iomraidhean Croise

मर्कुस 13:34

मेरो जान्या रे फर्किबर आउन्या बारेमी यइ काहानि बठेइ ब्याख्या अद्द सकिन्छ: एक मान्स लामो यात्रामि जानाइ आफ्नो घर छाडन्छ। जाना हइ पइल्ली, घरको मालिकले आफना नौकरनलाइ तइ काम भण्न्छ जो उइलाइ अददु पडद्या हो, रे उइले चौकीदारलाइ भणन्छ कि उ उइको फर्किन्या परखाइमी बसोस।

प्रेरित 18:3

पावल रे अकिलासको काम एकइ हुनाले तिन लगइ उनसित बस्या, रे काम अर्यो। क्याकि उनले लगइ तिनरो जसो पाल बनाउन्या काम अरन्थ्या।

प्रेरित 20:35

मइले सब कुरणीमि तमलाइ उदाहरण दिइराइछु कि तमनले लगइ यिसेरी कडा मेहनत अरिबर गरिबलाइ सायता अद्दु पणन्छ। प्रभु येशूको बचन याद राख, कसेरी उन आफइले भणिराइछ, कि लइजानु भण्ना दिनु आजी निको हो।

रोमी 12:11

कडा मेहेनत अर रे अल्छी जन अर। उत्साहित होइबर प्रभुको सेवा अद्दाइ जा।

रोमी 15:20

मेरो उत्कट इच्छा यो हो कि सुसमाचार प्रचार तइ क्षेत्रमी होउ जाँ येशू ख्रीष्टको बारेमि अइल सम्म सुण्या आथिन, ताकि इसो नहोस कि म परमेश्वरकि निउति काम अरन्ज्या कसइ औरले सुरु अरिसक्या परमेश्वरको कामलाइ म खालीसार अरि राखु, जसेरि कसइ मान्सले औरले हाल्या जगमि घर बनाउछ।

१ कोरिन्थी 4:12

आफना हातले मेहेनत अद्दाउ। अपमानित हुन्ज्या हाम तिननलाइ आशिस दिनाउ। सताउङया हाम सहनाउ।

२ कोरिन्थी 5:9

तबइकिलाइ हाम उनसित स्वर्गमि हौ अथवा हाम यइ धर्तीमि हौ, उनलाइ भौत खुशी बनाउनुइ हामरो लक्ष हुन्छ।

एफिसी 4:28

चोरी अद्द्याले आब जन चोरउ। बरु उइले आफना हातले इमान्दारिसित काम अरउ, ताकि उइसित गरिब मान्सनलाइ दिनाइ केइ हुन सकउ।

१ तिमोथी 2:2

राजान किलाइ रे और सब जो अधिकारका पदमी छन तिननकिलाइ प्रार्थना अर, ताकि तिननले हामलाइ सान्ति रे सुरक्षामि बस्साइलाइ सक्क्षम अरुन, ताकि हामले परमेश्वरको आराधना अद्द सकु रे परमेश्वरका इच्छा अनसार काम अद्द सकु।

१ तिमोथी 5:13

तइ बाहेक तिनरि अल्छी हुन्या बानि हुन्छ, घर-घर घुमीन्छिन। तिनन अल्छी मान्तर हुनिन्न तर अर्खाकि कुरणी काट्नछिन, रे और मान्सन काँ वाँ जाइबर तिननलाइ काम अद्दा बठेइ रोक्दाहान, रे भणनु नपड्डेइ कुरणी भणन्छिन।

तितस 3:14

इति मान्तर होइन, तुइले बिश्वासिनलाइ सिकाइ राख्दु पणन्छ रे निको काम अददाइ लगातार मिहिनत अददु पणन्छ ताकि तिन मान्सनको खाचो पुरा अद्द सकुन जो अभावमि छन। तसो अर्या हुनाले तिननले अर्थपूर्ण जीवन बिताउन सक्द्या हुन।

१ पत्रुस 3:4

तमरा हृदयमि भया कुरणीले तमनलाइ सुन्दर बनाउन्छ। त्यो नम्र रे सान्त ब्यबहार हो, जो हरानइन जइलाइ परमेश्वरले भौत मूल्यवान माणनाहान।

१ पत्रुस 4:15

तर तमन मध्य कसइले लगइ हत्यारा, वाँ चोर वाँ खराबी अद्द्या वाँ अर्खाका कुरणीमि हातहाल्ल्याइ जनि दु:ख जन भोग