१ थेसलोनिकि 3:4 - डोटेली नयाँ करार

⁴ क्याकि जब हाम तमनसित थ्या तब हामले सतावट सनु पणन्छ भणि हामले अगाडी बठेइ भण्याथ्या। यो साँच्चि भयो लगइ, त्यो तमनलाइ था छ।

डोटेलि

⁴ क्‍यालाइकि जबइ हामु तमुसित थ्‍या, तबइ तमुले दुःख-कस्‍ट भोग्‍दुइ पडन्‍छ भुनि हामुले अगाडिबटहइ भन्‍या थ्‍या। यो साँच्‍चि लइ भयो, रे तमुलाइ थाइ छ।

१ थेसलोनिकि 3:4 Iomraidhean Croise

मत्ती 24:25

याद राख्या, मइले तमलाइ यो सब घटनाका बारेमि भणिराइछु।

प्रेरित 17:1

पावल रे सिलास अम्फिपोलिस गाउँ रे अपोल्लोनिया गाउँको बाटो होइबर थेसलोनिके सहरमि आया। ताँ एक यहुदि सभाघर थ्यो।

प्रेरित 17:13

तर जब परमेश्वरको बचन पावलले बेरिया गाउँमी लगइ प्रचार अर्या थेसलोनिके सहरका यहुदि मान्सनले था पायो, तब उन ताँ लगइ मान्सनलाइ खलबल मचाउनाइ पुग्या।

प्रेरित 20:24

तबइकिलाइ मेरो जीवन आफ्नि निउति केइ मोलको आथिन। इति मान्तर चाहानौ, कि परमेश्वरले मान्स जातिलाइ अनुग्रह अर्याछ भण्न्या सुसमाचार फैलाउन्या कामलाइ म पुरा अद्द सकु, जो प्रभु येशूले मलाइ दिइराइछ।

१ थेसलोनिकि 2:14

क्याकि बिश्वासि भाइन हो, तमनले आफना इलाका मान्सन बठेइ दु:ख पायाछौ। जसेरि यहुदिया जिल्लाका बिश्वासीनले ख्रीष्ट येशूमि बिश्वास अर्या हुनाले आफनाइ यहुदि मान्सन बठेइ दु:ख पायाथ्यो।

१ थेसलोनिकि 2:2

हाम तमरा वाँ आउना हइ पइल्ली फिलिप्पी सहरमि भौत कष्ट भोग्या रे ताँका मान्सनले हामरो अपमान अर्या यिन सब कुरणी तमनलाइ थाइछ, रे थेसलोनिके सहरका मान्सनले घोर बिरोध अर्या लगइ हामरा परमेश्वरले हामलाइ नडराइबर तमनलाइ यो सुसमाचार प्रचार अद्दाइ सहयोग अर्याथ्यो।

२ थेसलोनिकि 2:5

तमनलाइ पक्‍का याद छ कि जब म तमनसित थ्या तब म भौत जसो यिन कुरणी भणन्या अरनथ्या।

२ थेसलोनिकि 3:10

जब हाम तमनसित थ्या हामले तमनलाइ एक नियम दिया: कसइले केइ काम अद्दैन भण्या तइले केइ खाना जन खाउ।