१ थेसलोनिकि 1:5 - डोटेली नयाँ करार

⁵ क्याकि येशू ख्रीष्टको बारेमि हामरो सुसमाचार तमरा वाँ बलिमि मान्त्तर आएन तर पबित्र आत्माको सक्तिमि रे यो सत्य हो भणबर पुरा निश्चयता सित आया छ। तमन जाणन्छौ कि तमरा फाइदाकिलाइ तमनसित छनज्या हाम कसेरी बस्याथ्या।

डोटेलि

⁵ क्‍यालाइकि हामुले सुनाया असल रइबार बेकारको थेइन, तर पबित्‍तर आत्‍मामि रे सक्‍तिसित सुनाइया एकदमइ साँचो कुरा थ्‍यो। हामु तमुसित हुन्‍याबेला तमरि निउति हामरो जिबन कसो थ्‍यो भन्‍न्‍या कुरा तमुले निकेरि जान्‍या छउँ।

१ थेसलोनिकि 1:5 Iomraidhean Croise

मर्कुस 16:20

पइ शिष्या निकलिबर जासक्‍कइ गया रे मान्सनका बिचमि सुसमाचार प्रचार अर्यो। प्रभुले तिननलाइ सक्ति दियो, रे शिष्याले अर्या अचम्मका कामले यो प्रमाणित अरन्थ्यो कि उनरो सुसमाचार सत्य छ। आमेन।

लूका 1:1

माननीय थियोफिलस, भौत मान्सले हामरा बिचमि घट्या घटनाको बारेमि बिबरण लेखद्या प्रयास अर्याथ्यो।

प्रेरित 11:21

प्रभुको सक्तिशाली हात तिननसित थ्यो, रे भौत गैर-यहुदि मान्सनले उनरा सन्देशमि बिश्वास अर्यो रे प्रभु येशूमि बिश्वास अद्द सुरु अर्यो।

प्रेरित 16:14

पइ थिआटीरा सहर बस्सेइ, बैजनि रङ भया लत्ताको ब्यापार अद्देइ लिडिया नाउँकि परमेश्वरको आराधना अद्देइ एक स्वानिले हामरा बचन सुण्यो। पावलले बोल्या कुरणी मन लाइबर सुणुन भणबर प्रभुले तइको मन खोलि दीयाथ्यो।

प्रेरित 2:33

तबइकिलाइ आब उन स्वर्गमि परमेश्वरको दाइन हाततिर सम्मानसित बस्या छन। रे पिताले जसो उनलाइ बाचा अर्याथ्यो, त्यो उनलाइ पबित्र आत्मा दियो, रे उनले त्यो पबित्र आत्मा हामलाइ दिया हो, जसोकि आज तमन धेक्दाछौ रे सुण्न्नाछौ।

रोमी 1:16

क्याकि ख्रीष्टका बारेमिको सुसमाचारमि म गर्व अद्दउ। क्याकि बिश्वास अद्द्या हरेकलाइ बचाउनाइ परमेश्वरले सक्ति प्रयोग अददाहान। पइल्ली यहुदि मान्सनलाइ रे पइ गैर-यहुदि मान्सनलाइ लगइ बचाउनाहान।

रोमी 15:13

म प्रार्थना अद्दउ कि आसा दिन्या परमेश्वरलाइ तमनले बिश्वास अर्या हुनाले तमनलाइ पुरा आनन्द रे सान्ति भरि दिउन, ताकि पबित्र आत्माको सक्तिले तमरो आसा बड्डइ जाउ।

रोमी 2:16

यो तइ दिन हुन्या हो जब परमेश्वरले मइले प्रचार अर्या सुसमाचार अन्सार येशू ख्रीष्ट बठेइ मान्सका गोप्य कुरणीको न्याय अद्द्या हुन।

१ कोरिन्थी 1:24

तर जइलाइ परमेश्वरले बोलाया छन, यहुदि हुन अथवा गैर-यहुदि हुन, ख्रीष्टइ परमेश्वरका सक्ति रे बुद्दि हुन।

१ कोरिन्थी 3:16

तमन पक्‍का जाण्न्छौ कि तम परमेश्वरका मन्दिर हौ, रे पबित्र आत्मा तमनमि बास अद्दाहान।

१ कोरिन्थी 3:6

उदाहारणका रुपमि हाम काम लाग्द्या बोट लाउन्या मान्स जसाइ हौ। म बि बुन्या मान्स जसो हु, अपोल्लोस बोया बिमि पानी हाल्या जसो हो तर बोट बडाउन्या परमेश्वरइ हुन।

१ कोरिन्थी 4:20

क्याकि परमेश्वरको राज्य कुरणी मान्तर होइन, तर परमेश्वरको सक्ति बठेइ जिउनु हो।

१ कोरिन्थी 9:14

तसेरि सुसमाचार प्रचार अद्द्याले लगइ सुसमाचार सुण्या मान्सन बठेइ जीविका चलाउन भणि प्रभुले भणिराइछ।

२ कोरिन्थी 3:6

नयाँ करारका सेवकन हुनाइ उनले हामलाइ खुबी दियो, यो पबित्र आत्माको करार हो, कानुनले जोड्या करार होइन। क्याकि लिखित मोशाको कानुन नमाणनु परिणाम मृत्यु हो, तर पबित्र आत्माले अनन्त जीवन दिनाहान।

गलाती 2:2

म ताँ गया क्याकि परमेश्वरले मलाइ जा भण्याथ्यो। रे जब म ताँ थ्या मइले मण्डलिका अगुवासित एकान्तमी भेट्या, रे गैर-यहुदिलाइ प्रचार अर्या सुसमाचार ब्याख्या अर्या, ताकि मइले पइल्ली अर्या काम अथवा रे जो काम म लगातार अद्द्या हु त्यो व्यर्थ जन होउ।

गलाती 5:5

म यो भण्न सक्दउ, क्याकि हामसित पबित्र आत्मा बठेइ पुरा आसा छ कि हामले ख्रीष्टमी बिश्वास अर्या हुनाले परमेश्वरले हामलाइ धर्मिका रुपमि स्वीकार अर्या छन।

एफिसी 2:10

क्याकि हाम असल काम अददाइ ख्रीष्ट येशूमि नयाँ मान्सनका रुपमि बनाइएका उनरा हातका सिप हौ। हाम तिन काम अरु भणबर परमेश्वरले पइल्ली बठेइ तयार अर्याथ्यो।

एफिसी 3:20

परमेश्वरले हामरो भितर काम अद्दया उनरो सक्ति बठेइ हामले माग्या रे सोच्या भण्ना बड्ता महान काम अद्द सक्दाहान।

फिलिप्पी 2:13

क्याकि परमेश्वरले तमनमि काम अद्दा छन, रे उनइले तमनलाइ उनलाइ खुशी पाड्डया काम अद्दाइलाइ इच्छा रे सक्ति दिन्या हुन।

फिलिप्पी 4:9

तमनले जइ कुरणी मेरा सब्द बठेइ रे मेरा काम बठेइ सिक्या, रे ग्रहण अर्या, तेइ कुरणी पालन अर। तब सान्तिका परमेश्वर तमनसित रइरनाहान।

कलस्सी 2:2

म यो अद्दउ क्याकि म तिननलाइ आत्मिक रुपमि प्रोत्साहान दिन चाहानउ रे तिनन प्रेममि एकसाथ बादिन्या हुन। ताकि तिननमि पुरा समज होउ, जइका लाग्दा तिननले परमेश्वरको रहस्य था पाउन सकुन, जो ख्रीष्ट आफइ हुन।

१ थेसलोनिकि 2:13

तबइकिलाइ यइको निउति हाम लगइ परमेश्वरलाइ निरन्तर धन्यबाद चडाउनाउ, कि जब हामले तमनलाइ प्रचार अर्या बचन सुण्या, जो साच्ची परमेश्वर बठेइको बचन हो। त्यो तमनले मान्सका बचनकी जसेरि होइन तर परमेश्वरका बचन जस्या ग्रहण अर्या, रे यो परमेश्वर बठेइको बचन अइल तमनमि काम अददाछ जइले ख्रीष्टमी बिश्वास अरन्छ।

२ थेसलोनिकि 2:14

हामले तमनलाइ प्रचार अर्या सुसमाचार बठेइ बचाउनाइलाइ परमेश्वरलाइ तमनलाइ बोलाया हो, ताकि तमन परमेश्वरले हामरा प्रभु येशू ख्रीष्टलाइ दियाको सम्मानमि सहभागी हुन सक।

२ तिमोथी 2:10

तबइकिलाइ म सब दुःख तिनरा फाइदाकिलाइ भोग्दउ जइलाइ परमेश्वरले चुन्या छन, ताकि तिननले लगइ येशू ख्रीष्टमी बिश्वास अद्द सकुन रे मुक्ति पाउन सकुन, रे त्यो आदर पाउन जो सदाइकिलाइ हुन्छ।

२ तिमोथी 2:8

येशू ख्रीष्टको हुन भणि निरन्तर सम्जी राख, उन राजा दाउदका बंस हुन, रे परमेश्वरले उनलाइ मर्या बठेइ जिउना बनायो, रे सुसमाचार यइ हो जो म मान्सनका बिचमि प्रचार अद्दउ।

हिब्रु 10:22

उनले आफ्नो रगत बठेइ हामरो हृदय पबित्र बनायो, ताकि हाम था पाउन सकौ कि हाम आब दोषि आथिन। उनले हामलाइ पबित्र बनाया छ भणि धेकाउनाइ हामरो शरीरलाइ पानिले धोयो। तबइकिलाइ मेरा बिश्वासि भाइन हो, आफना पुरा हृदय रे बलियो बिश्वाससित परमेश्वर काँ वाँ जाऔ।

हिब्रु 6:11

अल्छी जन होउ। तर कडा मेहनत अद्द्याले जसेरि तमनले लगइ यिन प्रेमिलो काम धैर्यता रे बिश्वास सहित अन्त सम्म अरिराख्दु पणन्छ, रे परमेश्वरका प्रतिज्ञा पाउनाइ दृढ आसा हुनु पणन्छ।

१ पत्रुस 1:12

तर परमेश्वरले तिन भबिष्यवक्तालाइ भण्यो कि तिनीनका सन्देश आफ्ना निउति होइन तर तमनकीलाइ हो। त्यो सन्देश येशू ख्रीष्टको बारेमि सुसमाचार हो, जो तमनले अइल सुणयाछौ। परमेश्वरले स्वर्ग बठेइ आफ्नो पबित्र आत्मा मान्सनले तमनलाइ सुसमाचार प्रचार अददाइ सहयोग अददाइ पठायो। यो सबइ इति अचम्मको छ कि स्वर्गदुत लगइ उत्सुक भइबर यिन कुरणी हेरिरइ छन।

१ पत्रुस 1:3

हामरा प्रभु येशू ख्रीष्टका पिता रे परमेश्वरलाइ प्रसंसा होउ। परमेश्वरको हाम प्रतिको महान कृपाले उनले हामलाइ एक नयाँ जीवन दिया छ। क्याकि परमेश्वरले येशू ख्रीष्टलाइ मर्या बठेइ जिउना बनाया छ, उनले हामलाइ निर्धक्‍कसित बाँच्न सक्षम बनाया छ; त्यो भण्याको उनले हामलाइ प्रतिज्ञा अर्या कुरणी पाउन्या पुरा आसा अददु हो।

१ पत्रुस 5:3

रे सासक जसइ तमरो जिम्मामि दिया मान्सनमि हुकम जनचला, तर तिनरा निउति असल उदाहरण हौ।

२ पत्रुस 1:10

तबइकिलाइ बिश्वासि भाइन हो, आफइलाइ रे और मान्सनलाइ यो धेकाउनाइ और बरता असल ब्यबहार अद्द्या कोशिस अर कि परमेश्वरले तमनलाइ आफ्नो मान्स हुनाइ चुन्या छ रे बोलाया छ। यदि तमनले तसो अर्न्छौ भण्या, तमन पक्‍कालगइ परमेश्वर बठेइ कभइ अलग हुन्या आथिनु,

२ पत्रुस 1:19

तबइकिलाइ हाम अगमबक्ता बठेइ लेखिया पबित्र सास्त्रमि आजी लगइ भरोसा राख्दाउ। यदि तमनले यो सन्देशमि ध्यान दिया भण्या तमनले असल काम अरन्छउ, क्याकि यो ब्याहान नभया सम्म अन्धकारमि चम्किरया बत्ति जसो हो रे बिहानको उज्यालाले संसारमी ज्योति लेया जसो ख्रीष्टको ज्योति तमरा हृदयमि चम्कन्या हो।