१ पत्रुस 5:2 - डोटेली नयाँ करार

² जसेरि गोवालाले आफ्ना भेडाको हेरचाह अरन्छ, तमनले सब मान्सनको हेरचाह अददु पणन्छ, जइलाइ परमेश्वरले तमरो जिम्मामि दिया छ। यो स्वइच्छाले अर, क्याकि तमनले तसोइ अर्या परमेश्वरले चाहानाहान। यइ कामलाइ करले जन अर। यो कामलाइ पैसा पाउनाइ लगइ जन अर, तर परमेश्वर रे मान्सनको सेवा अद्द्या इच्छाले अर।

१ पत्रुस 5:2 Iomraidhean Croise

लूका 12:32

तमन भेडाको नानो बगाल जसाइ हउ! डर जन माण, क्याकि तमनलाइ राज्य दिनाइ तमनका पिता परमेश्वर भौत खुशी छन।

प्रेरित 20:29

क्याकि मलाइ था छ, कि म गया पछा तमरा बिचइनि झुटा शिक्षक आउन्याहुन। रे बिश्वासिनलाइ दु:ख दिन्या हुन, तब तिनन त्यो ब्वाँसा जसाइ हुन, जो भेडालाइ माद्दाहान।

प्रेरित 21:13

तर पावलले जबाफ दियो, “तमन क्याइ यिसेरी रोइबर मेरो मनलाइ छ्याउ छ्याउ पाड्डाछौ? क्याकि प्रभु येशूका नाउँकि निउति बादिबर झेलमि पड्डु मान्तर होइन, तर प्रभुकि निउति यरुशलेम सहरमि मददु लगइ तयार छु।”

रोमी 1:15

तबइकिलाइ सक्या सम्म तमन रोम सहरमि हुन्यालाइ लगइ सुसमाचार प्रचार अद्द म उत्सुक छु।

१ कोरिन्थी 9:7

कसइ सिपाइले आफ्नाइ खर्चमि सेनामि काम अद्दइन। कसइ मान्सले केइ अंगुर नखाइबर अंगुर लाउनइन। कसइ मान्सले दुध नखाइबर भेडाबाकराका बगालको हेरचाह अद्दइन।

१ तिमोथी 3:3

दराहा रे सदाइ झगडा अद्द्या हुनु पड्डइन। तर नम्र, बादविबाद नअद्द्या, पैसाको लोप नअद्द्या हुनु पणन्छ।

१ तिमोथी 3:8

तसेरि सेवकन आदर पाउन्या लायक हुनु पणन्छ, इमानदार हुनु पणन्छ, दराहा रे पैसा पाउनाइलाइ केइलगइ अद्दाइ तयार हुन्या हुनु पड्डइन,

तितस 1:11

यिन मान्सनलाइ सिकाउन्या अनुमति जन दिय, क्याकि जब तिनन झुटा शिक्षा सिकाउनाहान जो सिकाउनु पड्डइन, तिननले पुराइ परिबारको बिश्वासलाइ नास अददाहान। तिनन पैसा पाउनाइलाइ यिसो झुटा शिक्षा दिनाहान।

तितस 1:7

क्याकि परमेश्वरको काम अद्द्या अगुवा भया हुनाले उ दोस रहित हुनु पणन्छ। उ हटि, छिट्टाइ रिसाउन्या, दराहा, सदाइ झगडा अद्द्या, पैसाको लोप अद्द्या हुनु पड्डइन।

तितस 2:14

हामलाइ दुष्ट काम बठेइ छुटकारा दिनाइ रे हामलाइ नैतिक रुपमि सुद्द अददाइ यिन येशू ख्रीष्टले हामरा निउति आफइलाइ बलि अर्यो ताकि हाम उनरा खास मान्सन हुन सकु, जो असल काम अद्दाइ पुरा समर्पित हुनाहान।

तितस 3:1

सासक रे अधिकारिनलाइ आदर अर रे तिनरा आज्ञा पालन अर रे औरका निउति हरेक असल काम अर भणबर बिश्वासिनलाइ याद दिला।

फिलेमोन 1:14

तर म तेरो अनुमति बिना केइलगइ अद्द चाहानैन। म चाहनउ कि मेरा करकापले होइन तर आफ्ना इच्छाले मलाइ सहयोग अर।

हिब्रु 12:15

सतर्क हो, कि कोइ मान्स परमेश्वरको अनुग्रह पाउनाइ असफल जन होउ, रे कसइलाइ तमरा बिचमि समस्या ल्याउन जन दिय। तइ किसिमका मान्सले तमन भौतलाइ भ्रष्ट पाणन्छ।

२ पत्रुस 2:3

यिन शिक्षक लोभि हुनाहान, रे तमन बठेइ पैसा पाउनाइ तमनलाइ दन्त्य कथा सुणाइबर तिननले तमनलाइ धोका दिन्या हुन। परमेश्वरले तिननलाइ सजाय दिन्या हुन भणबर भौत अगाडी निर्णय अरिसक्या छ रे उन त्यो अद्द तयार छन। उनले पक्‍कालगइ तिननलाइ नास अद्द्या हुन।