१ पत्रुस 3:13 - डोटेली नयाँ करार

¹³ यदि तमनले सदाइ निका काम अददाइ कोशिस अर्न्छौ भण्या, तब पक्‍कालगइ कसइले तमनलाइ चोट पुर्याउन सक्दइन।

१ पत्रुस 3:13 Iomraidhean Croise

रोमी 13:3

क्याकि यदि कसइले असल काम अरन्छ भण्या, उइले सासकको डर माण्नु पड्डइन। तर यदि उइले खराब काम अरन्छौ भण्या उइले डर माणनु पणन्छ। यदि तमन शासककी डर माण्न चाहानानु भण्या तमन असल काम अर, रे तिननले तमरो प्रसंसा अद्दया हुन।

रोमी 8:28

हाम जाँण्नाउ कि, जइले परमेश्वरलाइ प्रेम अददाहान रे जइलाइ परमेश्वरले आफ्नो उद्देश्य अनसार चुन्या छ, तिननकिलाइ परमेश्वरले सब कुरणी असल अद्द्या हुन।

१ कोरिन्थी 14:1

एक अर्खालाइ प्रेम अद्द्या कोशिस अर, रे आत्मिकि बरदानका निउति उत्कट इच्छा राख, बिसेस अरिबर अगमबाणी बोल्लाइ निउती।

एफिसी 5:1

तमन परमेश्वरका प्यारा सन्तान हौ, तबइकिलाइ तमरो ब्यबहार उनरो स्वभाव जसोइ होउ।

१ थेसलोनिकि 5:15

यो याद अर कि कसइले खराबिको बादलमि खराबी जन अरउ, तर तमनले सदाइ एक-अर्खालाइ रे सबइलाइ निका काम अद्द्या कोशिस अददु पाणन्छ।

१ तिमोथी 5:10

और मान्सन पक्‍का हुनु पणन्छ कि तइले सदाइ निको काम अर्याछ, उदाहरणकिलाइ: तइले आफ्नो चेला-चेलीलाइ निक्केरि हुर्काया, नचिन्या मान्सनलाइ आफना घरमि स्वागत अर्या, तइले परमेश्वरका जनको नम्र भइबर सेवा अर्या, रे तइले समस्यामि भया मान्सनलाइ सहयोग अर्या। तइले यिन सब असल कुरणी अद्दाइलाइ आफइलाइ समर्पित अर्या हुनु पणन्छ।

तितस 2:14

हामलाइ दुष्ट काम बठेइ छुटकारा दिनाइ रे हामलाइ नैतिक रुपमि सुद्द अददाइ यिन येशू ख्रीष्टले हामरा निउति आफइलाइ बलि अर्यो ताकि हाम उनरा खास मान्सन हुन सकु, जो असल काम अद्दाइ पुरा समर्पित हुनाहान।

३ यूहन्ना 1:11

प्रिय हो, खराब काम अद्द्या मान्सनको धेकासिकि जन अर, तर भलाइका काम अद्द्या मान्सनको धेकासिकि अर। जब कसइले भलो काम अरन्छ, तइले यो धेकाउन्छ कि त्यो परमेश्वरको चेलो चेली हो, जब कसइले खराब काम अरन्छ, तइले यो धेकाउन्छ कि त्यो परमेश्वरलाइ चिन्नइन।