१ यूहन्ना 5:21 - डोटेली नयाँ करार

²¹ तमन जो मेरा प्यारा बालक जसाइ छौ, तिन कुरणी आफ बठेइ अलग राख जइले तमरा हृदयमि परमेश्वरको ठाउलाइ लिन सक्न्छ।

१ यूहन्ना 5:21 Iomraidhean Croise

मत्ती 6:13

हामलाइ परीक्षामि पड्ड जन दिय, तर सैतान बठेइ छुटाइ दिय, क्याकि राज्य, पराक्रम रे महिमा सदाइ तमराइ हुन, आमिन।”

१ कोरिन्थी 10:14

तबइकिलाइ मेरा प्रिय भाइन हो, मुर्तिपुजा बठेइ अलग बस।

१ कोरिन्थी 10:7

तिननमि हइ कसइले मुर्तिपुजा अर्यो, जसेरि पबित्र सास्त्रमि लेखिया छ, “भोजमि मान्स खानाइ रे पिनाइ बस्या, रे तिनन अनैतिक काम अद्द लाग्या।” तबइकिलाइ तमनले मुर्तिपुजा जन अर।

१ थेसलोनिकि 1:9

क्याकि तिन मान्सनले औरलाइ भण्नाहान कि कसेरी तमनले हामरो स्वागत अर्याथ्या, जब हाम तमरा वाँ आयाथ्या। रे जिबित रे साँचो परमेश्वरको सेवा अद्दाइ, कसेरी तमन मुर्ति बठेइ टाडा भइबर परमेश्वरतिर फर्क्या।

१ यूहन्ना 2:1

तमन जो मेरा प्यारा बालक जसाइ छौ, तमनले पाप जन अर भणबर म तमनलाइ यिन कुरणी लेख्दाछु। तर कसइ मान्सले पाप अरन्छ भण्या लगइ पिता परमेश्वरसित हामरो सहयोग अद्द्या एक जाना छन रे जइले हामरो पाप क्षमा अद्दाइलाइ बिन्ति अरन्छ, त्यो मान्स येशू ख्रीष्ट हुन, जो परमेश्वर अगाडी पूरारुपमी ठीक छन।

प्रकाश 14:11

तिननलाइ सताउन्या आगा बठेइ धुकाँ सदाइकि निउति अग्गासमी उड्डया हो। तिनन मान्सन जइले पसु रे मुर्तिलाइ आराधना अददाहान जो तइ पसु जसो धेकिन्छ, रे जइले पशुका नाउको चिन्ह लिनाहान, तिननलाइ पिडा बठेइ दिन रात कभइ राहात हुनइन।”

प्रकाश 9:20

रे और मान्सन जो बिपत्ति बठेइ मरेइन, तिननले आफना सुनका मुर्ति, चाँदी, काँसा रे ढुङा रे काठका मुर्तिलाइ आराधना अद्द छाडेइन जो तिननले बनाया थ्या। तिन मुर्ति धेक्द सक्दाइन, बोल्ल सक्दाइन रे हिट्ट लगइ सक्दाइन, तिननले भूतलाइ पुज्ज लगइ छाडेइन।