१ यूहन्ना 2:15 - डोटेली नयाँ करार

¹⁵ तमन संसारलाइ अथवा संसारमी भयका केइलगइ चीजलाइ प्रेम जन अर। यदि कसइ मान्सले संसारलाइ प्रेम अरन्छ भण्या परमेश्वर पिताको प्रेम तइमि हुनइन।

१ यूहन्ना 2:15 Iomraidhean Croise

मत्ती 4:8

आजी सैतानले उनलाइ एक उच्चा पहाडमि लइजाइबर धर्तिका सब राज्य रे तइको बैभव उनलाइ धेकायो,

मत्ती 6:24

कसइले एकै समयमि दुइ मालिकको सेवा अद्द सक्दैन, क्याकि तइले एकलाइ घृणा अरन्छ रे अर्खालाइ प्रेम अरन्छ। अथवा त्यो एकसित इमानदार हुन्छ रे अर्खालाइ तुच्छ माणन्छ। तमनले परमेश्वर रे धनको सेवा अद्द सक्दानु।”

लूका 16:13

“कसइ नौकरले दुइ मालिकको सेवा अद्द सक्दैन, क्याकि तइले एकलाइ घृणा अरिबर अर्खालाइ प्रेम अरन्छ, अथवा त्यो एकको भक्त होइबर अर्खालाइ तुच्छ माणन्छ। तमन परमेश्वर रे धन दुएइको सेवा अद्द सक्दानु।”

यूहन्नाले लेख्या सुसमाचार 15:19

तमन येइ संसारका मान्सन भया भयले संसारका मान्सनले तमनलाइ प्रेम अद्देइथ्यो। तमन येइ संसारका होइनौ। मइले तमनलाइ येइ संसार बठेइ चुन्या, तबइकिलाइ संसारका मान्सनले तमनलाइ घृणा अरन्छ।

रोमी 12:2

यइ संसारका मान्सन जसा जन हो, तर परमेश्वरले तमनलाइ तमरो सोच्च्या तरिका बदलिबर तमनलाइ नयाँ मान्समि बदल्ल दिय। तब तमनले परमेश्वरको असल, ग्रहणयोग्य रे सिद्द इच्छा कि हो, त्यो बुज्जया हौ।

गलाती 1:10

साच्ची म मान्सनलाइ खुशी पड्ड कोशिस अद्दारयइन, तर परमेश्वरलाइ खुशी पड्ड चाहानउ। म मान्सनलाइ खुशी पड्ड कोशिस अद्दारयइन। यदि मइले आजी मान्सलाइ खुशी पड्ड कोशिस अर्या भया म ख्रीष्टको दास हुन्या थेइन।

एफिसी 2:2

तइ बेला तमनले परमेश्वरलाइ नचिन्या यइ संसारका मान्सन जसेइ जीवन बिताउनथ्या, रे तमनले यइ संसारको मुख्य सासक सैतानको आज्ञापालन अर्या, जइले अइल लगइ परमेश्वरका आज्ञा नमाणन्या मान्सनका हृदयमि काम अददाछ।

१ तिमोथी 6:10

क्याकि रुप्या पैसा प्रतिको प्रेम सब किसिमका खराबिको जड हो, केइ मान्सनले बिस्तारइ ख्रीष्टको बारेमि शिक्षालाइ बिश्वास अद्द छाड्या छन, क्याकि तिनन भौत पैसा चाहानथ्या रे तिनन भौत तरिकाले दुःख भोग्दाहान, जसेरि एक मान्स जइले आफइलाइ हतियारले छेड्या छ।

याकुब 1:27

पिता परमेश्वरका सामने सुद्द रे पबित्र धर्म यइ हो: टुहुरा रे बिधवालाइ उनरा कष्टमी हेरचाह अद्दु, आफलाइ संसारको खराब ब्यबहार बठेइ प्रभाव पड्ड नदिनुहो।

याकुब 4:4

बिश्वासघाती मान्सन हो, यइ संसारको चिजसितको मित्रता परमेश्वरसितको शत्रुता हो भण्न्या कुरणी कि तमन जाण्नानु? तबइकिलाइ जो संसारको मित्तुर हुन चाहन्छ, उइले आफइलाइ परमेश्वरको सत्तुर बनाउछ।

१ यूहन्ना 3:17

कसइसित संसारको धन सम्पति छ, रे आफना और बिश्वासिन खाचोमी पण्या धेकिबरलइ सहयोग नअर्यो भण्या, परमेश्वरको प्रेमले कसेरी तइमि बास अरन्छ?

१ यूहन्ना 4:5

तिन झुटा अगमबक्तान संसारका हुन, तबइकिलाइ तिनन संसारइकि कुरणी सिकाउनाहान, रे संसारका मान्सनले तिनरि कुरणी सुण्नाहान।

१ यूहन्ना 5:10

जइले परमेश्वरका चेलो येशूमि बिश्वास अरन्छ, तइले पक्‍का बिश्वास अरन्छ कि परमेश्वरले भण्या कुरणी सत्य हो। परमेश्वरमि बिश्वास नअद्द्याले उनलाइ झुटा ठहरायाको हुन्छ। क्याकि परमेश्वरले आफना चेलोका बिसयमि दियाको गवाहीमी तइले बिश्वास अर्या हुनइन।