१ कोरिन्थी 8:10 - डोटेली नयाँ करार

¹⁰ तमनलाइ था छ कि यिन मुर्तिमि जीवन आथिन, रे तबइकिलाइ तमनले मुर्तिलाइ चडाया खान्या कुरणी खान सकन्छौ। तर बिश्वासमि कमजोर भया कसइले तमनलाइ ताँ खन्नार्या धेक्द सकन्छ, रे त्यो मान्स लगइ ताँ जान्छ, रे मुर्तिलाइ चडाया खान्या कुरणी खान्छ, जबकि उइले सोचन्छ कि यो खानु पाप हो।

१ कोरिन्थी 8:10 Iomraidhean Croise

१ कोरिन्थी 8:4

तसेरि म मुर्तिलाइ चडाया खान्या कुरणीका बारेमि उत्तर दिनउ। हाम जाण्नाउ कि एक मान्तर जिउना परमेश्वर छन, रे यइ संसारमी भया मुर्तिमि जीवन आथिन।

रोमी 14:23

तर यदि हामरा हृदयमि खान्या बारेमि संका छ तर छाड्डीबार त्यो खानाउ भण्या हाम दोषि हुनाउ, क्याकि हामले हृदयमि बिश्वास अर्या कुरणीको जसोइ अद्दाइन। यदि तमनले ठीक आथिन भणबर बिश्वास अर्या कुरणी अरन्छौ भण्या तमनले पाप अददाछौ।

१ कोरिन्थी 8:7

तर हामरा कोइ बिश्वासीले अइल सम्म बुज्या आथिन कि मुर्तिमि केइ सक्ति आथिन। क्याकि तिननले पइल्ली यिन मुर्तिको पुजा अद्दया अर्न्थ्या, अइल तिननले जब मुर्तिलाइ चडाया खानाइ खानाहान, तब तिनन गल्तिले यिसो सोच्चाहान कि तिनन अइल लगइ मुर्तिपुजामि सामेल छन। तिनन आफ्ना सोचाइमि पक्‍का आथिन, तिननले गल्तिले सोच्चाहान कि मुर्तिलाइ चडाया खानाइ खायाले तिनन पाप अददाहान।

रोमी 14:14

म जाण्नउ, रे प्रभु येशूमि मलाइ पक्‍का छ, कि सब खाना चलन अनसार सुद्द छन, तर जइले त्यो असुद्द माणन्छ, तइका निउति त्यो अशुद्धइ हुन्छ।

१ कोरिन्थी 10:32

मइले अद्द्या सब काममी सब मान्सनलाइ भौत खुशी बनाउन्या कोशिस अददाछु। म आफ्नो भलाइकी निउति होइन तर सबको भलाइ खोज्जउ, ताकि तिननले उद्दार पाउन सकुन। तसेरि तमनले लगइ इसो जीवन जिउनु पणन्छ जइले यहुदि मान्सन अथवा गैर-यहुदि मान्सन अथवा परमेश्वरकि मण्डलिलाइ कसइ किसिमको समस्या ल्याउनइन।

प्रेरित 15:20

तर यिन कुरणी हाम एक चिठ्ठीमि लेखबर पठाउनाउ, ‘कि तिनन मुर्तिलाइ चडाया खानाइ रे व्यभिचार बठेइ अलग रउन, गलो अठ्यइबर मार्या पशुको सिकार रे रगत जन खाउन।’

१ कोरिन्थी 8:9

तर होशियार हो, तमरो यो स्वतन्त्रता बिश्वासमि कमजोर भया मान्सनका निउति बिश्वास छाड्डया कारण जन हो।