१ कोरिन्थी 5:7 - डोटेली नयाँ करार

⁷ यहुदि मान्सनले निस्तार काजबार माण्ना हइ पइल्ली घर बठेइ खमिर निकाल्या जसेरि, तमनले लगइ तइ अनैतिक मान्सलाइ तमरा बिच बठेइ निकाल्लु पणन्छ। तब तमन तइ रोटा जसा हुन्या हो जइमि खमिर हुनइन। तमन तइ समुहका बिश्वासिन हुन्या हौ, जइमि इसो कोइ मान्स हुन्या होइन, जइले जाणी जाणिबर पाप अरन्छ। क्याकि जब तमनले ख्रीष्टमी बिश्वास अर्या, तब परमेश्वरले तमनलाइ भितर बठेइ सुद्द बनायो। क्याकि ख्रीष्ट हामलाइ हामरा पाप बठेइ छुटकारा दिनाइ मर्या, रे उन निस्तार काजबारका बेला यहुदि मान्सनले बलि अद्द्या पाठो जसाइ हुन।

१ कोरिन्थी 5:7 Iomraidhean Croise

मत्ती 13:33

येशूले तिननलाइ अर्खो काहानि भण्यो, “स्वर्गको राज्य खमिर जसो हो, जो एक स्वानी मान्सले पचास किलो धुलामि मिसाइ रे त्यो जम्माइ ढुल्लो नओसाइन्ज्या एक ठाउँमि राखि।”

मर्कुस 14:12

अखमिरी रोटाका काजबारका पइल्लिका दिनमि जब तिन निस्तार काजबारको पाठालाइ बलिदान अरन्थ्या, येशूका शिष्याले उनलाइ भण्यो, “तम हामलाइ काँ पठाउन चाहन्छौ कि हाम निस्तार काजबारको भोज तयार अरु, ताकि हाम यइ लगइ खान सकु?”

यूहन्नाले लेख्या सुसमाचार 1:29

भोलिबार यूहन्नाले येशूलाइ आफतिर आउन्नारया धेकिबर भण्यो, “हेर, संसारको पाप उठाइ लइजान्या परमेश्वरका थुमा!

यूहन्नाले लेख्या सुसमाचार 1:36

उइले येशूलाइ नजिकै बठेइ जान्नारया धेकिबर उनले भण्यो, “हेर, उनइ परमेश्वरका थुमा हुन।”

यूहन्नाले लेख्या सुसमाचार 19:14

यो निस्तार काजबार तयारीको दिन थ्यो। तइ बेला दिनको बार बज्याथ्यो। पइ पिलातस हाकिमले यहुदि मान्सनलाइ भण्यो, “हेर तमरा राजा।”

रोमी 3:25

परमेश्वरले ख्रीष्टको रगत पाप क्षमाको बलिदान स्वरुप प्रस्तुत अर्यो, जो बिश्वास बठेइ ग्रहण अद्दु पणन्छ। यइ काम परमेश्वरले आफ्नो धार्मिकता धेकाउनाइलाइ अर्यो, क्याकि परमेश्वरले धैर्य धेकाउन्नाथ्या रे पइल्लिका समयमि पाप अद्द्या मान्सनलाइ दण्ड दिएइन।

१ कोरिन्थी 10:17

क्याकि रोटो एकइ हुन्छ, जो ख्रीष्ट हुन। हाम भौत भया लगइ, हाम एकइ शरीर हुनाउ, क्याकि हाम तइ एकइ रोटा बठेइ खानाउ।

१ कोरिन्थी 5:13

क्याकि ख्रीष्टमी बिश्वास अद्द्या मान्सनको न्याय परमेश्वरले अद्द्या हुन। तर जसेरि पबित्र सास्त्रमि लेखिया छ, “अनैतिक मान्सलाइ तमनले आफना समुहमी सहभागी हुन जन दिय।”

एफिसी 4:22

तमरा शिक्षकले तमनलाइ तसो ब्यबहार अद्द्या तरिका रे तमरो पुरानो पापी स्वभाव छाड्डु पणन्छ भणबर सिकायो। तमरा ननिका इच्छाले तमनलाइ धोका दियो रे तमरो जिवनलाइ बर्बाद अर्यो।

प्रकाश 5:12

तिननले ठुला शोरमि गायो, “मारिया थुमा योग्यको हो। हामले उनरो महान सक्ति, धन, बुद्दि रे सामर्थ्यका कारण उनरो प्रसंसा अददु पणन्छ।”