१ कोरिन्थी 4:6 - डोटेली नयाँ करार

⁶ बिश्वासि भाइन हो, मइले आफनो रे अपोल्लोसका बारेमि भण्या छु, ताकि तमनले हामलाइ उदाहरणका रुपमि लिन सक, रे तमनले यइको अर्थ जाण्न सक, जइले इसो भणन्छ, “पबित्र सास्त्रमि लेखिया भण्ना बड्ता जन अर।” यदि तमनले एकलाइ आदर अरन्छौ, रे अर्खालाइ तुच्छ सोचन्छौ भण्या, यो असल होइन।

१ कोरिन्थी 4:6 Iomraidhean Croise

प्रेरित 18:24

तइ समय अलेक्जेन्ड्रया सहरमि बस्या अपोल्लोस नाउँको एक जाना यहुदि एफिसस सहरमि आयो। तिन भौत नीकेरि बोल्ल जान्या मान्स थ्या, रे तिनलाइ पबित्र सास्त्रको भौत ज्ञान थ्यो।

प्रेरित 19:1

पइ इसो भयो अपोल्लोस कोरिन्थ सहरमि हुन्या बेला पावल गलातिया प्रदेस रे फ्रिगिया प्रदेस होइबर एफिसस सहरमि आया, पइ ताँ तिनले प्रभुमि बिश्वास अद्द्या शिष्यालाइ भेट्यो।

रोमी 12:3

मलाइ अर्या अनुग्रह बठेइ तमनमि हइ हरेकलाइ म अनुरोध अद्दउ, तमन जसा छौ तइ भण्ना बड्ता आफइलाइ जनसमझउ। तर परमेश्वरले तमनलाइ दिया बिश्वासको परिमाण अनसार सन्तुलित बिचारले सोचउ।

१ कोरिन्थी 1:12

मेरो भणाइको अर्थ यो हो कि तमन कसइले, म पावलको शिष्य हु, कसइले म अपोल्लोसको शिष्य हु, कसइले म केफासको शिष्य हु, कसइले म ख्रीष्टको शिष्य हु भणन्छौ अरे।

१ कोरिन्थी 1:19

क्याकि पबित्र सास्त्रमि परमेश्वरले भण्नाहान, म तिन मान्सनका सोचलाइ धेकाउन्या हु जइलाइ यइ संसारका मान्सनले सोच्चाहान कि तिनन बुद्दिमान छन तर साच्ची तिनरा सोच मुर्ख छन। म यो साबित अद्द्या हु कि तिनन साच्ची चलाक आथिन।

१ कोरिन्थी 1:31

ख्रीष्ट हामरो सब थोक भया हुनतक, पबित्र सास्त्रमि भण्या अनसार अर, “घमण्ड अद्देले प्रभुले अर्या काममी घमण्ड अरउ।”

१ कोरिन्थी 13:4

जइ मान्सनले औरलाइ प्रेम अरन्छ, त्यो सहनशील रे दयालु हुन्छ। तिननले डाहा अद्दाइनन, न त गौरब अददाहान।

१ कोरिन्थी 3:19

क्याकि संसारका नजरमि बुद्दिमान कुरणी परमेश्वरका अगाडी मुर्खता हो। क्याकि पबित्र सास्त्रमि लेखिया जसोइ हो, “केइ मान्सनले सोच्चाहान कि तिनन बुद्दिमान छन, तर परमेश्वरले तिननलाइ हाराउनाइ तिनरा बुद्दिमान बिचार प्रयोग अददाहान।”

१ कोरिन्थी 3:21

तबइकिलाइ कसइ एक अगुवालाइ अनुसरण अर्या छौ भणि घमण्ड अद्द छाडिदिय। क्याकि परमेश्वरले सब थोक तमरा भलाइकी निउति दिया छ।

१ कोरिन्थी 5:2

तमनले यइ कुरणिका बारेमि दुःख रे सोक माणनु पड्डयाथ्यो रे इसो अद्द्या मान्सलाइ मण्डलि बठेइ बाइर निकल्लु पणन्छ। तर तमन त घमण्ड अरन्छौ।

१ कोरिन्थी 5:6

तइ अनैतिक मान्सका बारेमि दुःख माणनु रे तइलाइ हटाउनुका सट्टामी, मण्डलिले तइका बारेमि घमण्ड अददाछ। थोक्काइ खमिरले जम्माइ ढुल्लोलाइ फुलाइ दिन्छ भण्नया तमनलाइ पक्‍का था छ। तसेरि यदि एक मान्सलाइ पाप अद्द अनुमति दिया भण्या, छिट्टाइ तइ मान्सले और मान्सनलाइ प्रभाव पाड्डया हो।

१ कोरिन्थी 8:1

आब मुर्तिलाइ चडाया खान्या कुरणीका बारेमि तमनले सोध्या प्रस्नको उत्तर यो हो: हाम जाण्नाउ, कि हाम सबलाइ यिन कुरणिका बारेमि था छ। यिन सब कुरणी जाण्या हुनाले हाम घमण्ड अददाउ, तर प्रेमले हामलाइ औरकि निउति सहयोग बनाउन्छ।

१ कोरिन्थी 9:23

म ख्रीष्टका बारेमि सुसमाचार प्रचार अददाइ यिन सब थोक अद्दउ ताकि, म सुसमाचारमि प्रतिज्ञा अर्या आशिषमी सहभागी हुन सकु।

२ कोरिन्थी 10:12

आफनी बडुवाँइ आफइले अद्द्या कसइ कसइ मान्ससित हाम आफइलाइ एकै दर्जामि राख्द चाहानाइन, अथवा आफइलाइ तिननसित दाँज्ज हाम साहस अद्दाइन। तर तिनन आफले-आफइलाइ एक अर्खासित तुलना अरिबर तिनन समज नभया हुनाहान।

२ कोरिन्थी 10:15

हाम सिमा निङालिबर औरका परिश्रममि घमण्ड अद्दाइन, तर हामरो आसा यो छ, कि तमरो बिश्वास बड्डारया बेला तमरा बिचमि हामरो काम झिक बड्डोइ जान्या हो,

२ कोरिन्थी 10:7

तमन बाइर धेकिन्या कुरणीलाइ हेरन्छौ। यदि कसइ मान्सलाइ यो भरोसा छ कि उ ख्रीष्टको हो भण्या, उइले आजी आफइलाइ याद अराओस कि जसो उ ख्रीष्टको हो, हाम लगइ ख्रीष्टइका हौ।

२ कोरिन्थी 11:4

हामले येशूको बारेमि भण्या, रे तमनले हामरो सुसमाचार ग्रहण अरिबर पबित्र आत्मा पाया। तर तमन अर्खा येशूका बारेमि केइ मान्सनलाइ भणन दिन्छौ। आब तमन अर्खा आत्मा रे अर्खो सुसमाचार ग्रहण अददाइलाइ तयार छौ, तमनले गल्तिले पुरा हृदयले त्यो ग्रहण अर्या।

२ कोरिन्थी 12:19

कि तमन यो सोच्चा छौ, कि अइल सम्म तमरा सामने हाम आफ्नो सफाइ दिन्नाछु? प्यारा भाइन हो, हाम परमेश्वरको उपस्थितिमि सदाइ ख्रीष्टमी भया मान्स जसेरि बोल्लाइ आया छु, रे यिन सब तमनलाइ बिश्वासमि बलिया बनाउनाइ निउति हो।

२ कोरिन्थी 12:20

क्याकि म आउन्ज्या मइले इच्छा अरे अनसार तमनलाइ नभेटलो, रे तमनले लगइ मलाइ आफले इच्छा अर्या अनसार भेट्टउनानु कि भण्न्या मलाइ डर लाग्या छ। सायद ताँ झगडा, डाहा, क्रोध, स्वार्थ, बदख्याइ, निन्दा, चर्चा, अभिमान रे गोलमाल हुन्छ होलो।

२ कोरिन्थी 12:6

यदि मइले गर्वइ अद्द्या इच्छा अर्या भण्या लगइ म मुर्ख बन्न्या होइन, क्याकि म सत्य बोल्लारया हुन्या हु। तर मान्सले ममि धेक्या रे म बठेइ सुण्याको भण्ना बरता कसइले मलाइ जन ठानउ भणबर म घमण्ड अद्द बठेइ थामिनउ।

२ कोरिन्थी 4:15

क्याकि यिन सब तमरा फाइदाकी निउति भया हुन, ताकि जसेरि परमेश्वरको अनुग्रह भौत भण्ना भौत मान्समि फैलिनोइ जान्छ तसेरि परमेश्वरका महिमाका निउति भौत मान्सनले उनलाइ धन्यबाद चडाउन।

कलस्सी 2:18

ख्रीष्ट शरीरका सीर हुन, ख्रीष्ट बठेइ शरीरका सब अंग जोडिया रे तिनरो हेरचाह हुन्छ। तबइकिलाइ यो परमेश्वरको इच्छा अन्सार बड्नछ। कसइलाइ लगइ तमन आफइलाइ स्वर्गदुतको आराधना अरिबर अयोग्य बनाउन जन दिय। इसा मान्सन दर्सन धेक्दाहान, रे मानब सोचका लाग्दा तइ दर्सनले उनमी मुर्खताको घमण्ड आउछ। तिननले ख्रीष्टलाइ त्याग्या छन।

१ थेसलोनिकि 1:5

क्याकि येशू ख्रीष्टको बारेमि हामरो सुसमाचार तमरा वाँ बलिमि मान्त्तर आएन तर पबित्र आत्माको सक्तिमि रे यो सत्य हो भणबर पुरा निश्चयता सित आया छ। तमन जाणन्छौ कि तमरा फाइदाकिलाइ तमनसित छनज्या हाम कसेरी बस्याथ्या।

२ तिमोथी 2:10

तबइकिलाइ म सब दुःख तिनरा फाइदाकिलाइ भोग्दउ जइलाइ परमेश्वरले चुन्या छन, ताकि तिननले लगइ येशू ख्रीष्टमी बिश्वास अद्द सकुन रे मुक्ति पाउन सकुन, रे त्यो आदर पाउन जो सदाइकिलाइ हुन्छ।