१ कोरिन्थी 13:8 - डोटेली नयाँ करार

⁸ अगमबाणी, फरक फरक भासामि बोल्लया बरदान रे बिसेस ज्ञान बितेर जान्या हुन। तर प्रेम सदाइ रइरन्या हो!

१ कोरिन्थी 13:8 Iomraidhean Croise

लूका 22:32

तर तमनले ममि बिश्वास अद्द जन छाडउ भणबर मइले तमरा निउति प्रार्थना अर्या, रे तुइले परमेश्वरतिर फर्क्या पछा तेरा भाइनलाइ स्थिर अरा।”

प्रेरित 13:1

एन्टिओखिया सहरका मण्डलिमि अगमबक्तान, रे शिक्षा दिन्याबाला मान्सन भौत थ्या, तिनन बारनाबास, नीगर भणिन्या शिमियोन, कुरेनि सहरका लुकियस, रे देशको एक चउथाइ भागको राजा हेरोदसित हुर्क्या मनेन रे शाउल थ्या।

प्रेरित 19:6

जब पावलले तिननमि हात राख्यो, तब पबित्र आत्मा तिननमि आया, रे तिननले फरक फरक भासा बोल्या रे भविष्यवाणी अर्यो।

प्रेरित 2:4

पइ तिनन सब जाना पबित्र आत्माले भरिया, रे पबित्र आत्माले तिननलाइ दिया बरदान अन्सार तिनन फरक-फरक भासामि बोल्ल पस्या।

१ कोरिन्थी 12:10

पबित्र आत्माले एक मान्सलाइ अचम्मका काम अद्द्या सक्ति दिनाहान भण्या, अर्खा मान्सलाइ परमेश्वरको सन्देश बोल्लया बरदान दिनाहान, रे अर्खा मान्सलाइ परमेश्वर बठेइको बरदान हो कि सैतान बठेइको हो भणबर छुट्टयाउन्या बरदान दिनाहान। उनले एक मान्सलाइ फरक फरक भासा बोल्लया बरदान दिनाहान भण्या, उनइले अर्खा मान्सलाइ तिन फरक फरक भासाका अर्थ खोलदिन्या बरदान दिनाहान।

१ कोरिन्थी 13:13

तबइकिलाइ परमेश्वरमि हामरो बिश्वास, आसा, परमेश्वरलाइ रे बिश्वासि भाइलाइ हामरो प्रेम, यिन तीन कुरणी सदाइ रनाहान। तर यिन तीनमि सबहइ निको भण्या प्रेम हो।

१ कोरिन्थी 14:39

तबइकिलाइ बिश्वासि भाइन हो, अगमबाणी बोल्या उत्कट इच्छा अर रे नसिक्या फरक फरक भासा बोल्लयालाइ इन्कार जन अर।

१ कोरिन्थी 8:2

यदि तमनलाइ केइ था छ भणन्या कसइलाइ लगन्छ भण्या, अइल सम्म तइले साच्ची जाण्नु पड्डया कुरणी केइलगइ जाणन्या हुनइन।

गलाती 5:6

क्याकि जब हाम येशू ख्रीष्टमी बिश्वास अददाउ तब खतना भया लगइ नभया लगइ यइले केइ फरक पड्डइन। तर हामले ख्रीष्टमी बिश्वास अददु रे परमेश्वरलाइ रे और मान्सनलाइ प्रेम अददु मुख्य कुरणी हो।

हिब्रु 8:13

परमेश्वरले यइलाइ नयाँ करार भण्या छ, तबइकिलाइ उनले पइलो करारलाइ पुरानो बनायो। रे जो पुरानो भइबर थोत्रो हुनोइ जान्छ, त्यो छटाइ हराइबर जान्या हो।