Luke 8:43 - Dannau

⁴³ ကောင်လို့ဖုန်ကုန်းနွို့ မာကျင်အဲဉ်နှမ်းနှမ်း ကဏံကသွန်ဘာ့တာ့ဗောက်မဲ့ရောဂါနွို့ သမြအာ့်ကွက်နောင်းလဲဉ်း ဟိုမနနွို့နဲ့။ သမြနွို့နောင်း ဇာ့ပိုက်ဆံဘာ့ဟိုနွို့ခံတွို့အ့်မေ့ထာ ဆာယာလာ့ငန်ဘို့ဘက်န ကုဟောက်နွို့လဲဉ်း ဆောင်ကွေမှ ရောဂါအမ်နား ဗာ့ပွန်အောင် ကုနိုင်းကြကောဘို့။

Luke 8:43 Iomraidhean Croise

Luke 13:11

သလွက်နွို့နား ကနို့မာ့ကျင်စံဉ်နှမ်း ကနံဆို့ဘာ့ပြုစားခံမနခေါင်း မသန်စွမ်း တာဂျင်းတောင်ကု့ယော့ ဘာ့မုဲင်နိုင်းကောတည့်တည့် ကမြအာ့်ကွက်ဟိုဟောက်နွို့နဲ့။

Luke 13:16

စနွို့နု့နွို့ ကနို့မာ့ကျင်စံဉ်နှမ်း ကလုဲင်ဘာ့မသန်စွမ်းအောင် မာရ်နတ်နား စက်သုတ်ပို့နွို့ထာ ဘာ့ပြုစားခံနွို့ ဘာ့ကလုဲင်မျိုးဆက် အာဗြဟံ ကမြနွို့နောင်းလဲဉ်း ရှိဥပုသ်နွို့ ဘာ့လွတ်မြောက်အာနွို့နား လွဲမှားဟောက်နွို့နား ဖြိုနိုင်းရား” ဟောဖြိုမနနဲ့။

Luke 8:27

ဆောင့်လောက်တာ့လွက်နွို့နား ကိုယ်တော်ဆောင့်ဒတ်ကွေကွဉ်းနောင်း တာမြိုနွို့ ကနံဆို့တာဗောက်မဲ့ လို့အာ့်ကွက်နောင်း ကိုယ်တော်နား ပို့ထွိကြဘို့နွို့နဲ့။ အမ်နွို့ ကနံဆို့ဘာ့တာ့ဗောက်နွို့နား ကနို့လွန်းတွို့ အမ်နောင်း တာ့ညာ့လဲလာ့မန်း၊ ခရိုန်းလဲလာ့ဗာ့ကော၊ ကောင်ဗလတောင်ခြိုင်းနွို့စယ် လက်လေကြိုဆိုမနနဲ့။

Luke 8:42

ရွားနွို့ပဒေကား အရွေလ့်မာကျင်အဲဉ်နှမ်း ကွန်ကမြလို့နွို့နား ကလုဲင်မောင်းဗီးမောင်းဗီးနွို့ခေါင်းကိုးနဲ့။တာညာ့နွို့နု့ တန်ဘာ့ကြွနွို့ လို့ဖုန်ကုန်းဘို့ဘက်နောင်းလဲဉ်း ကိုယ်တော်နွို့ ဝန်းတွို့ထာ စုဒု့စ်တွို့ထာ တန်လွှမ်းကြဘို့နွို့နဲ့။

Luke 8:44

စနွို့နား ကမြနွိုနား ဖက်ဘတ်ကိုယ်တော်နွို့ တာ့ဗောက်တွို့ထာ ခရိုန်းကိုယ်တော်နား ဆောင့်ခိုက်မာန့်တိန အတိတွိုန်းစယ် ရောဂါကဏံကသွန်နွို့ဗာပွန်ကု့ဟောက်နွို့နဲ့။