Luke 8:41 - Dannau

⁴¹ သလွက်နွို့နု့ ဘာ့ကလုဲင်လို့မျိုးဂျူး မာတ်ဘာ့ဟိုမဲ့ယာဣရု လို့အွေတာဝန်ခေါင်းဆောင်ဓမ္မာရုံဟိုမနနွို့နဲ့။ လို့နွို့နောင်း ငွမ်းကိုယ်တော်ယေရှုနွို့ ပွို့ပိုတွို့ထာ ထောက်တွို့တောင်ကို့ထာ ကိုယ်တော်နား ညာ့အမ်နွို့ ကြွလောက်ပို့နွို့ တောင်းပန်မနနွို့ကိုးနဲ့။

Luke 8:41 Iomraidhean Croise

Luke 13:14

စနွို့လဲ ကိုယ်တော်ယေရှုနောင်း ရှိဥပုသ်နွို့နု့ အ့်ကစုရောဂါနွို့ အာဗာပွန်ဟောက်နွို့ခေါင်း ကဖြောက်တာဝန်ခံ ဓမ္မာရုံအ့်ာ့ကွက်နောင်း နွက်အောက်တွို့ထာ လို့ဖုန်ကုန်းနွို့နား “ရှိယို့အ့်ယောက် ဘတ်ရှိနွို့မှ ခွင်ဟိုသု့ရှိနွို့နဲ့။ ရှိနွို့နု့စယ် အ့်ကစုရောဂါ အာ့ဗါပွန်အောင်နွို့နား ပို့ပိုကြပွို့။ ရှိဥပုသ်နွို့နား ပို့တွို့ထာ လာ့ကု့နာ့ကြဘို့” နွို့ဖြိုမနနဲ့။

Luke 17:16

နိုတရား အမ်နား ဉီးညွတ်တိုသကောက်ကိုယ်တော်ယေရှုနားထာ ချီးမွမ်းကျေးဇူးတော်အမ်နဲ့။လိုးနိုနား လိုးရှမာရိနဲ့။

Luke 5:8

အဖြစ်အပျက်ဘို့ဘက်နီးနွို့ ဆောင့်ထွိနွို့ ရှိမုန်ပေတရုနောင်း တာ့ကောက်ကိုယ်တော်ယေရှုနွို့ ထောက်ဝါးတွို့တောင်ကို့ထာ “ကိုယ်တော်၊ အို့နား ကလုဲင်လို့အပြစ်ဒုစရိုက် ဘို့ဘက်နွို့ခေါင်း အို့နွို့ ကံလွန်ဝဲ့နွို့” နု့ဖြိုမနနဲ့။

Luke 8:42

ရွားနွို့ပဒေကား အရွေလ့်မာကျင်အဲဉ်နှမ်း ကွန်ကမြလို့နွို့နား ကလုဲင်မောင်းဗီးမောင်းဗီးနွို့ခေါင်းကိုးနဲ့။တာညာ့နွို့နု့ တန်ဘာ့ကြွနွို့ လို့ဖုန်ကုန်းဘို့ဘက်နောင်းလဲဉ်း ကိုယ်တော်နွို့ ဝန်းတွို့ထာ စုဒု့စ်တွို့ထာ တန်လွှမ်းကြဘို့နွို့နဲ့။

Luke 8:49

ကိုယ်တော်တန်းဘာ့ဖြိုမဲ့နွို့နု့ ညာ့ယာဣရုနွို့ လို့အ့်ကွက်လောက်ပိုယော့ ယာဣရုနား “ကွန်ကမြမို့ဗီးပွန်တွို့၊ ရန်ဆာကောယော့ကိုယ်တော်” နွို့ပို့ဖြိုပိုနွို့ကိုးနဲ့။