Luke 7:26 - Dannau

²⁶ တာ့ကက်ကောလဲ ဆောင်ယင်လို့ကမာ့မား လေးပို့ကြဘို့ဖက်ပလန်းနောင်း။ ယောဟန်နောင်း ကလုဲင်ပရောဖက်အပါးနွို့ခေါင်း ပွို့နွို့နောင်း ဆောင်ယင် အမ်ကိုးဟား။ မှန်မန။ စနွို့လဲ အို့ဘာ့ဆောင်ဖြိုပွို့နွို့ကား ယောဟန်နား လို့ကုန်းမြတ်ထက်မဲ့ သာမန်ပရောဖက်အာ့်ပါးကိုးနွို့နဲ့။”

Luke 7:26 Iomraidhean Croise

Luke 1:76

နွို့ခေါင်း ဇာခရိနောင်း လို့ပေ့အမ်နား “ကွန်ပေအို့၊ ဘွတ်ဘာ့မြတ်မဲ့ကွန်ဖြားနွို့ ဟက်ချီးမြှင့်ကြဘို့ခေါင်း ကညွမ်းဖြားနွို့ လို့ဘာ့ကြိုတင်ပြင်ဆင်နွို့လဲ ကလုဲင်လောက်ဟောက်။

Luke 16:16

ပညက်တရားမောရှေန ပရောဖက်ဘို့ဘက်ဘာ့တဲင်းပို့မဲ့ ကျမ်းဘို့ဘက်နွို့နောင်း ဆာယာအာအွူမင်္ဂလာယောဟန်နွို့ပေါ်လေးပိုယော့ မင်္ဂလာကတမ်းကလို့နွို့နု့ တာပွို့နွို့နား မင်လိုက်နာလွမ်းမယ့် ကလုဲင်ပလေကညွမ်းနွို့ ဟိုမနနဲ့။ စနွို့လဲ အခွပ်နား အို့နောင်း ခံမ်ထာထနာတော်ဖြား မင်္ဂလာကတမ်းကလို့နွို့ ဟောဖြိုတွို့နွို့နဲ့။ စနွို့နား လို့ဘာ့ဘို့ဘက်နွို့နောင်း ကောင်ထာထနာတော်ဖြားနွို့ ကွက်နိုင်အောင်နွို့နု့ နွက်ထန်ထန်န ကြိုးစားထက်ကြတွို့ဘို့အားနွို့နဲ့။

Luke 20:6

ဇာ့တလို့နွို့ ဗင်ဟောက်နွို့ အို့တာဖြေနွို့လဲဉ်း လို့မေ့မေ့နောင်းလဲဉ်း ယောဟန်နောင်း ပရောဖက်အာ့်ကွက်နွို့ လက်ခံယုံကြည်ပွို့ပို့နွို့နား ခွို့နွို့နောင်း ခွို့နွို့နား သန်းမှု့ဘို့ဘက်န နှက်ကြလောက်ဟောက်” နွို့ဖြိုကြဘို့နွို့နဲ့။

Luke 7:25

တကက်ကောနွို့နု့ ပွို့လေးဖက်ပလန်းနား ဆောင်ယင်တတ်ထား ပွို့ကု့ဖက်နွို့နား။ ဆောင်ယင်လို့ဘာ့ဗာ့ခရိုန်းဇာ့ကလို့နွို့ အာ့်ကွက်ကွက်ကိုးဟား။ နာ့ဇာနွို့ တန်ဖိုးကုန်းမဲ့ ဘာ့ဗာ့မဲ့ခရိုန်းဇာ့ကလို့နွို့န လို့ဘာ့စွေပျော်ပါးနွို့နား ကောင်နန်းတော်ဖရင်နွို့စယ် မင်ထွိဟောက်နွို့နဲ့။

Luke 7:27

ရွားနွို့ပဒေကား ပရောဖက်ကစာ့အပါးနား ခံယောဟန်နွို့ ဘာတဲင်းပွို့နွို့နောင်း ဖြားနောင်း အမ်ဖြိုမေရှိယဇာ့နီး။ ရွားနွို့ကား“ခါပလွှတ်ကောမို့နွို့တွိုန်း အို့နောင်း စေတမန်နွို့ ပလွှတ်ကု့တွို့ငွမ်း။အမ်နောင်း ကညွမ်းမို့နွို့ ဖြောင်အာလောက်ဟောက်” နွို့ကိုးနဲ့။