Luke 5:30 - Dannau

³⁰ ဖာရိရှဲဘို့ဘက်န ဆာယာပါလိတ်ကျမ်းဘို့ဘက်နား တပည့်တော်ကိုယ်တော်နား “ခွို့နွို့နု့ လို့တန်အကောင့်နီး၊ လို့ယို့အပြစ်ဒုစရိုက်ဘို့ဘက်န ရွားအနုဲင်နုဲင်စွေမဲ့ကြဘို့နား” နွို့ ကာရကြဘို့နွို့နဲ့။

Luke 5:30 Iomraidhean Croise

Luke 18:11

နွို့ခေါင်း ဖာရိရှဲနောင်း မုဲင်ယော့တွို့ထာ “အို ဖြား၊ အို့နား နာ့လို့အာ့်ခြားနွို့ လို့ကျူးလွန်အပြစ်ဒုစရိုက်နွို့ ကက်ကော။ အို့နောင်း တောင်မြ တကက်ကောလဲ လို့ဖြောင့်မက်ကော နွို့ကက်ကော။ အို့နောင်း လို့ဖောက်ပြန်ညားရေစ်လဲဉ်းကက်ကားဖုန် နာ့လို့တန်အကောင့်နီး ကက်ကောနွို့ခေါင်း ကျေးဇူးဒံမနဖြားကိုး

Luke 19:7

စနွို့လဲ တာ့လွက်နွို့ ဘာ့ဟိုကြမဲ့ပွို့နွို့နား ကိုယ်တော်ယေရှုနောင်း ညာ့ဇက္ခဲနွို့ ဘာ့ကြွပွို့နွို့နု့ ဆောင်ရင်နွို့နောင်း “ကိုယ်တော်နောင်း မောင်းမန်နွို့ ကုကူးဟောက်” နွို့ကာရကြဘိုနွို့နဲ့။

Luke 5:17

အ့်ရှိနွို့ ကိုယ်တော်ယေရှုတန်းဘာ့ဟောကရီအာမဲ့နွို့နု့ တဘိုမေ့မေ့နွို့မှ ဖြိုင်ဂါလိလဲ၊ ဖြိုင်ယုဒ၊ ဗဟိုမဲ့မြိုဂျေရုဆလင် တာ့တဘို့နွို့မှ ဘာ့ဗွို့မဲ့ ဖာရိရှဲဘိုဘက်န ဆာယာပါလိတ်ကျမ်းဘို့ဘက်နောင်းလဲဉ်း တာ့မေ့တာ့လွက်နွို့ ထု့စ်တွို့ထာမန်မဲ့ကြဘို့နွို့နဲ့။ ဖြားနောင်း ကိုယ်တော်နွို့ အ့်ကစုရောဂါလို့ဘို့ဘက် အ့်ဗာပွန် တန်ခိုးနွို့နား အာတော်မူဘို့နွို့နဲ့။

Luke 5:21

ချန်နွို့နု့ ဖာရိရှဲဘိုဘက်န ဆာယာပါလိတ်ကျမ်းဘို့ဘက်နောင်း “ကွားကိုးရား စော်ကားမဲ့ ဖြားနွို့နား လို့နီးနွို့ သိုလ်အမ်သိုလ်အမ် အ့်ထုန်မဲ့ဖြားကိုဟား။ တာလိုလ်တွို့ဖြားနွို့ ဆောင်ကွေမှ အပြစ်နွို့နု့ ခွင့်လွှတ်အာနွို့ လာ့ယို့နိုင်းကော” နွို့စဉ်းစားကြဘို့နွို့နဲ့။

Luke 7:34

နွို့နား ကွန်ဖြားနား စွေတွို့ထာမန်းနွို့လဲ ပွို့နွို့နား ‘ယေရှုနား ကလုဲင်လို့အစွေအငွမ်းကုန်းထာ လို့တန်အကောင့်နား၊ လို့ယို့အပြစ်ဒုစရိုက်နွို့န ဖွဲ့တွို့ဘို့ပေ့ထာ စွေမန’ နွို့ဖြိုပလောက်ကြဘို့။

Luke 7:39

ချန်နွိုနု့ ဘာ့ဖိပို့မဲ့ကိုယ်တော် ဖာရိရှဲဘို့ဘက်နွို့နောင်း ကိုယ်တော်နွို့ ယင်ဟောက်ခေါင်း “လို့နီးနောင်း ပရောဖက်လမှန်နွို့နု့ လို့ဘာ့ခိုက်နွို့ ကမြအာ့်ကွက်နောင်း ကလုဲင်ကမြမာ့မားပဒေနောင်းနွို့ လိုလ့်ငန်းဟောက်။ လို့အပြစ်ဘာ့ဘို့ဘက်ကမြနွို့နောင်းလဲဉ်း လိုလ့်ငန်းဟောက်” နွို့ကောင်နွက်နွို့ စဉ်းစားမနနွို့နဲ့။